¹ Nomba Miriamu na Awroni batampile ukulanda ifibi, pali Mose pamulandu wa mwanakashi umwina Kushi uo aupile. ² Batile, ''Bushe Yawe nimuli Mose fye alandila? Bushe talandila na muli ifwe?'' Nomba Yawe alyumfwile ifyo balandile. ³ Nomba Mose ali uwafuka sana, uwakisha pa muntu onse uwali pano isonde. ⁴ Apopenefye Yawe alandile kuli Mose, na Aaroni na Miriamu ati: ''Fumeni iseni imwe batatu, kwi tenti lyakukumaninako.'' Awe bonse batatu balifumine baya. ⁵ Elyo panuma Yawe alikile mu ntumba ye kumbi. No kwiminina pa mwinshi wacikulwa cakukumaninako nokwita Aaroni na Miriamu. Bonse babili balile kuntanshi. ⁶ Yawe atile, ''Nomba umfweni ku mashiwi yandi. Ilyo kasesema wandi ali naimwe, inkailanga ine nemwine kuli ena mu fimonwa nokulanda nankwe mufiloto. ⁷ Umubomfi wandi Mose tefyo aba. Ena wacishinka mu ng'anda yandi yonse. ⁸ Ndalanda na Mose mukulungatika, te mufimonwa na mumilumbe. Ena lamona ne mimonekele yandi. Ngakanshi ninshi tamuleumfwila umwenso ukulanda ifyabipa pamubomfi wandi Mose?'' ⁹ Na Yawe alikalipa nganshi pafyo bacitile, elyo afuminepo. ¹⁰ Ne kumbi lyalimine ukufuma pe tenti, na Miriamu palya pene asangwike uwafibashi- ali uwabuta tutu. Elyo Aaroni apilibukile kuli Miriamu, amwene ukuti ena ali nefibashi. ¹¹ Aaroni atile kuli Mose, ''Owe shikulu wandi, napapata mwileka ulubembu ulu lwikalilile pali ifwe. Natulanda buwele wele nokubembuka natubembuka. ¹² Napatata mwimuleka abe ngo mwana uwafyelwe uwafwa no mubili uwalikwa lubali ilyo afuma munda muli nyina.'' ¹³ Elyo Mose abilikishe kuli Yawe. Atile, ''Napapata muposheni, mwe Lesa, napapata.'' ¹⁴ Yawe atile kuli Mose, ''Nga wishi alimufwishile amate oamenso , ngatasebene inshiku cine lubali. Mwisalileni kunse ya nkambi inshiku cine lubali. Panuma elyo mukamulate mukati nakabili.'' ¹⁵ Elyo Miriamu aisalilwe kunse ya nkambi pa nshiku cine lubali. Na bantu tabali pabulendo mpaka abwelela mu nkambi. ¹⁶ Panuma ya ifyo, abantu baendele ukufuma ku Hazerote nokuya mupanga ya Parani.