¹ Nomba abantu baleilishanya pamulandu wabucushi na Yawe aleumfwa. Yawe aumfwile kubantu nokufulwa. Umulimo wakwa Yawe wapile pali bena no koca mumitando. ² Eico abantu baitile Mose. Na Mose apepele kuli Yawe no mulilo wailishimine. ³ Palya pancende bapenike Tabera, pantu umulilo wakwa Yawe wapile pali bena . ⁴ Nabamo abena fyalo baikele nolupwa lwamu Israele. Balefwaya ukulalya fiyakulya ifisuma. Elyo abantu batampile ukulila nokuti, ''Nani akatupa inama tukalya? ⁵ Tuleibukisha isabi twalelya ku Egypt mumutende, nefibimbi na liki, kanyense na galiki. ⁶ Nomba ifwe nakutima fyalifumako, pantu lyonse tulemonafye maana.'' ⁷ Maana yaali ngembuto ya korianda. Yalemoneka kwati cinya muti. ⁸ Abantu baleendauka nokukolonganya pamo. Balepela ubunga, ukutwa mumabende, ukwipika mumpoto, nokupanga umukate. Fyaleumfwika ngama futa yamu olifa. ⁹ Ilyo umume wapona pankambi mubushiku, namona yalepona. ¹⁰ Mose alyumfwile abantu abalelila mundupwa shabo, nabantu pamwinshi wankambi shabo. Yawe alifulilwe sana, namumenso yakwa Mose elyo baleilishanya mwalilubene. ¹¹ Mose atile kuli Yawe, ''Cinshi ico mwasungila umubomfi wenu bubi bubi? Cinshi ico tamusansamukile muli ine? mwandenga nasenda icisendo cabantu bonse. ¹² Bushe nine napangile abantu aba bonse? Nine nabafyele ifif mulelanda kuli ine, 'Basende pacifuba cobe ngefyo wishi asenda akanya? Mbasende ukubafisha kumpanga intu mwalapile kufikolwe fyabo ukuti mukapela? ¹³ Nikwisa ndefumya inama yakubapa aba bonse? Balelilila kuli ine baletila, 'Tupele inama tulye.' ¹⁴ Teti ine neka ntungulule abantu bonse aba. Bafulisha sana. ¹⁵ Nga nifi mulencita, cawama munjipaye-nga namona ubusuma mumenso yenu- mileka mbone ububi.'' ¹⁶ Yehoba atile kuli Mose, ''Ndetelako abakalamba bamu Israele amakumi cine lubali. Ushininkishe ukuti bakalamba kabili niba cilolo babantu. Ubalete mwitenti beminine pamo naiwe nkulanshanya. ¹⁷ Inkekila nokulanda nobe kulya. Nkabulapo umupashi umo pali iwe nokubika pali bena. Nabo bakasenda icisendo cabantu pamo naiwe. Tawkasende weka. ¹⁸ Ukatile kubantu, 'Suleni mwebene, pantu mailo mukalya inama, pafyo mwalelila Yawe naumfwa. Mwatile, ''Nani akatupa inama? Calituwamine ku Egyipit.'' Eico Yawe akamipela inama, kabili mukalya. ¹⁹ Tamwakalye inama ubushikufye bumo, panshiku shibili, panshiku shisano, inshiku ikumi nangu amakumi yabili, ²⁰ Lelo mukalya umweshi onse inama mpaka ikanunke ku myona yenu. Mukatupa pantu mwakana Yawe, uuli muli imwe. Mwalelila kuli ine. Muleti, ''cinshi twafumine ku Egypiti?''''' ²¹ Elyo Mose, ''Ndinabantu amakana imyanda mutanda, elyo mulelanda ati nkabalisha inam umweshi uutuntulu.'' ²² Bushe tuleipaya imikuni ne ng'ombe pakuti bekute bekute? Bushe tuleikata isabi lyonse mumumana pakuti bekute?'' ²³ Yawe atile kuli Mose, ''Ukuboko kwandi kwipi? Nomba ukamona ishiwi lyandi ngalyabufi nangu lyacishinka.'' ²⁴ Mose aile nokuya eba abantu amashiwi yakwa Yawe. Alongenike bantunguushi amakumi cine lubali nokushinguluka mwitenti. ²⁵ Yawe aikile mwikumbi nokulanda kuli Mose. Yawe umupashi uwali pali Mose nokubika pabakalamba amakumi cine lubali. Elyo umupashi waikele pali bena, baliseseme, ukufumapo tababwekeshepo. ²⁶ Abaume babili bashele kunkambi, umo ni Eldadi na umbi ni Medadi. Nomupashi waikele pali bena. Amashina yabo yalilembelwe, Lelo tabaile kwitenti. Nabo, baliseseme munsakwe. ²⁷ Umulumendo munsakwe alibutwike nokya eba Mose, Eldadi na Medadi balesesema munsakwe.'' ²⁸ Yoshua mwana mwaume yakwa Nuni, Mose kafwilisha, umo uwamubaume abasalwa, atile kuli Mose, ''Shikulu Mose, abemike,'' ²⁹ Mose atile kuli ena, ''Ulinobufuba pali ine? Nakabili ukuti bonse abantu bakwa Yawe bali nibakasesema nokuti abika umupashi wakwe pali bena!'' ³⁰ Elyo Mose nabakalamba bamu Israeli babwelele kunkambi. ³¹ Elyo umwela yaishile ukufuma kuli Yawe nokuleta inkwale ukufuma kuli bemba. Shaponene mupepi nenkambi, munshiku shalwendo kulubali lumbi kabili inshiku shimbi kulubali lumbi. Inkwale shashingulwike inkambi pamikono ibili ukufuma panshi. ³² Abantu bayangufyenye ukukolanganika inkwale akasuba konse, nobushiku bonse, nenshiku shonse ishakonkelepo. Takwali nangu umo uwafililwe ukukolonganika inkwale ukufika pacipimo ca bahomeri ikumi limo. Bayakenye inkwale inkumbi yonse. ³³ Elyo inama shali pakati kameno yabo, elyo baleshishete, Yawe alibafulilwe bena. Apakese abantu apakalamba kubulwele. ³⁴ Ilya ncende yainikwe Kibroti Hataaba, pantu palwapene epo bashikile abantu balefwa kucikasha. ³⁵ Ukufumu pa Kibroti Hataba abantu baendele ukufika ku Haseroti, uko baikele.