¹ Yawe asosele kuli Mose. Atile, ² ''Pangeni ama penga ya mukuba yabili. Fuleni umukuba pa kuyapanga. Ufwile ukubomfya amapenga pakwita abekala mushi kukuleka bakolongane pamo na ukubeta abekala mushi ukusesha inkambi shabo. ³ Bashi mapepo bakalishe amapenga ku kweta abekala mushi bonse bakese kuntanshi yobe pa mpongolo yetenti lya kukumaninamo. ⁴ Nga bashi mapepo balisha impenga limo, ilyo intungulushi, ishiletungulula imikowa ya Israeli, balingile ukukukolongana kuli iwe. ⁵ Ilyo walisha sana caumfwika nge cishibilo, inkambi ishili lubali lwa ku kulyo bakatendeke ubulendo. ⁶ Ilyo walishishe sana icishibilo imiku ibili, inkambi ishili ku kulyo balingile ukutendeka ubulendo. Balingile ukulisha sana icishibilo mu malendo yabo. ⁷ Ilyo abekala mushi bakolongana pamo, lisheni amapenga, leelo tekulisha sana. ⁸ Abana baume bakwa Aaroni, bashi mapepo, balingile ukulisha amapenga. Ici lyonse cikaba cipope kuli iwe munkulo shonse shabantu bobe. ⁹ Ilyo mwaya mubulwi muncende yenu kuba lwani abalemicitikisha iwe, elyo ulingile ukulisha amapenga ya kucenjesha. Nine, Yawe Lesa obe, nkakwibusha nokukusunga ukufuma kubalwani bobe. ¹⁰ kabili, panshita shakusefya, pamopene ne mitebeto yacilanshita kukwamba kwa myeshi, iwe ulingile ukulisha amapenga ukushinguluka icakocelapo ifya mabupe na pa camalambo cabo. Ifi fikabomba nge cibukisho iwe kuli ine, ne Lesa obe. Nine Yawe Lesa obe.'' ¹¹ Mumwaka wabubili, mu mweshi wabubili, pabushiku bwalenga amakumi yabili mu mweshi, ikumbi lyasumbwilwepo ukufuma kwi hema lyacipangano. ¹² Abena Israeli bakonkenyepo ulwendo ukufuma mu matololo ya Sinai. Ikumbi lyaiminine mu matololo ya Parani. ¹³ Bapangile ngo ubulendo bwantanshi, balekonka kambisho lya kwa Yawe ilyapelwe ukupitila muli Mose. ¹⁴ Inkambi iyamfyalwa yakwa Yuda baile ntanshi, bafumine cilamuntu nabashilika. Nashone umwana mwaume wakwa Amminadabu atungulwile abashilika bakwa Yuda. ¹⁵ Natanele umwana mwaume wakwa Suar atungulwile abashilika bamukowa wamfyalwa yakwa Isakari. ¹⁶ Eliabu umwana mwaume wakwa Heloni atungulwile abashilika bamukowa wakwa Sebuluni. ¹⁷ Imfyalwa yakwa Gershoni na Merari, ebalesunga ihema lya mushilo, baomawile ihema lya mushilo nokwamba ukwenda ubulendo bwabo. ¹⁸ Abakonkelepo, bashilika bakambi yakwa Rubeni ne nkambi yabo baimine ubulendo. Elisu umwana mwaume wakwa Shedeuri atungulwile abashilika bakwa Rubeni. ¹⁹ Shelumiele umwana mwaume wakwa Surishadai atungulwile abashilika ba mukowa wamfyalwa yakwa Simeoni. ²⁰ Eliasafi umwana mwaume wakwa Deuel atungulwile abashilika ba mukowa wamfyalwa yakwa Gadi. ²¹ Abena Kohati baimine. Basendele ifipe fya mushilo. Bambi bapangile ihema libe abena Kohati bali tabalafika pa nkambi yakokelepo. ²² Abashilika bamfyalwa yakwa Efraimu bakonkelepo. Elishama umwana mwaume wakwa Ammihudi atungulwile abashilika bakwa Efraimu. ²³ Gamalieli umwana wakwa Pedahsur atungulwile abashilika bamukowa wamfyalwa yakwa Manase. ²⁴ Abidani umwana mwaume wakwa Gideoni atungulwile abashilika bamukowa wamfyalwa yakwa Benjamini. ²⁵ Abashilika bali munkambi yabutungulushi mu mfyalwa yakwa Dani ebashalikishe ukuya. Ahiese umwana mwaume wakwa Amishadai atungulwile abashilika bakwa Dani. ²⁶ Pagiele umwana mwaume wakwa Okrani atungulwile umukowa wamfyalwa yakwa Ashere. ²⁷ Ahira umwana mwaume wakwa Enani atungulwile abashilika bamu mukowa wamfyalwa yakwa Nafatali. ²⁸ Iyi enshila abashilika ba bantu babena Israeli baendele. ²⁹ Mose asosele kuli Hobabu umwana mwaume wakwa Reuel umwina Midianine. Reuel alimukowa wakwa Mose. Mose asosele kuli Hobabu atile, ''Tuleya ku ncende iyo Yawe alondolwele. Yawe atile, ''Ikapelwa kuli iwe,' Iseni na ifwe tukacita icisuma. Yawe alilaya ukucita ifisuma kubena Israeli.'' ³⁰ Nomba Hoba atile kuli Mose, ''Ine nshaye nobe. Ine ndeya ku calo candi na ku bantu bandi.'' ³¹ Ilyo Mose abwakeshe, ''Napapata witusha. Walishiba ifyakwikala munkambi mumatololo. Ufwile ukutulinda. ³² Nga waya naifwe, twalacita icisuma kuli iwe nge fintu Lesa acita icisuma kuli ifwe.'' ³³ Bafumine kulupili lwakwa Yawe pashiku shitatu imbokoshi yafilayano iya kwa Lesa yaile ntanshi panshiku shitatu mukufwaya incende apo bengatusha. ³⁴ Ikumbi lyakwa Yawe lyalebafimba mukasuba pa lwendo. ³⁵ Nge mbokoshi yafumishiwapo, Mose nga atile, ''Sumbulweni, Yawe. Salanganyeni abalwani benu. Citeni ababonse abamipata ukufulumuka kuli imwe.'' ³⁶ Ilyo lyonse imbokoshi yaiminine, Mose alelanda, ''Bweleni, Yawe, kuli Israeli amakumi amakana ayengi.''