¹ ''Tamufwile ukupanga utulubi, kabili tamufwile ukwimya icabaswa nangu icaimikwa ce libwe, kabili tamufwile ukubika conse icabaswa ce libwe icimpashanya ico mukatukamina mu calo cenu, pantu nebo ndi Yawe Lesa wenu. ² Mufwile ukusunga amasabata no kucindika umwashila mwandi. Ninebo Yawe. ³ Nga mwaendela mumafunde yandi nokusunga amakambisho yandi nokuyakonka, ⁴ ninshi nkamupela imfula munshila yaiko; icalo cikasombola mubulimi bwaciko ne muti mwibala ikatwala ifisabo fyaiko. ⁵ ukupetula kwenu kukatwalilila ukufika ku nshita ya kulobolola imyangashi, nobulobololo bwa myangashi kukafika na kunshita ya kulima. Mukalya umukate wenu nokwikuta nokwikala umutende uko mukapanga ubwikalo bwenu mu calo. ⁶ Nkapela icibote mu calo, mukasendama panshi ukwabula icakumulenga umwenso. Nkatwala inama sha busanso ukutali ukufuma mu calo, no lupanga talwakapulinkanye mu calo cenu. ⁷ Mukatamfya abalwani benu, nabo bakawa pa cinso cenu ku lupanga. ⁸ Basano pali mwebo baka tamfya umwanda, no mwanda pali mwebo baka tamfya imyanda ikumi limo; abalwani benu bakawa pa cinso cenu ku lupanga. ⁹ Nkalolesha pali mwebo nokusenamina nokulenga mwebo abafisabo nokumufusha; kabili nkafikilisha icipangano na mwebo. ¹⁰ Mukalya ifyakulya ifyatulilwa inshita ntali. Mukatutulula ifyakulya pamulandu wakuti mukakabila incende ya bulobololo ubupya. ¹¹ Nkabika Ihema lyandi mukati ka mwebo, kabili nshakamupate. ¹² Nkenda mukati ka mwebo nokuba Lesa wenu, kabili mukaba abantu bandi. ¹³ Ninebo Yawe, Lesa wenu uwamufumishe mu calo ca Egypto, pakuti mwiba abasha babo. Nalitobolola imingwala ye koli lyenu nokumulenga ukwenda abaololoka. ¹⁴ Leelo ngatamwakaleumfwa kuli nebo kabili ngatamwakakonke aya makambisho, ¹⁵ elyo kabili nga mwasula ifipope fyandi nokupata amafunde yandi, kukukana konka amakambisho yandi yonse, leelo ukutoba icipangano candi-- ¹⁶ nga mwebo mwacita ifi fintu, lyena nkacita ifi kuli mwebo: Nkaleta amasakanuko pali mwebo, amalwele nokukaba umubili ifikonaula amenso nokupwisha umweo wenu. Mukabyala imbuto shenu apafye, pamulandu wakuti abalwani benu bakalya ifyakulya fyabo. ¹⁷ Nkalosha icinso candi pali mwebo, no kulenga baka mucimfye abalwani benu. Abantu abamupata bakamuteka na mwebo mukafulumukila ukutila, nelyo pashili uulemufulumuna. ¹⁸ Ngacakuti panuma yaifi fyonse tamumfwile kuli nebo, lyena nkamukanda ukulundapo imiku cine lubali pa membu shenu. ¹⁹ Nkatobaula icilumba cenu mu maka yenu. Nkalenga umulu pali mwebo nge cela ne calo cenu ngo mukuba. ²⁰ Amaka yenu yakalabombela ibusha, pamulandu wakuti icalo cenu tacakafumye ubulobolo bwa ciko, ne miti yenu mu calo tayakatwale ifisabo fyaiko. ²¹ Ngamwalaenda mukupusana na nebo, kabili mukakane ukumfwila ine, nkaleta imiko cine lubali nashimbi impumo pali imwe, ukulinga ne membu shenu. ²² Nkatuma inama shapanga muli baimwe, ishikamulila abana benu, ukumonawila ifitekwa fyenu, nokumulenga ukuba aba cepa icakuti imisebo yenu ikaba amapopa. ²³ Ngacakuti kabili na muli ifi fyonse mwebo tamupokelele ukumulungika kwandi kabili mwakonkanyapo ukwendela mukukana nakila ine, ²⁴ lyena naine nkendela mukutalika mwebo, kabili ine wine nkamukanda imiku cine lubali pamulandu wa membu shenu. ²⁵ Nkaleta pali mwebo ulupanga lwa cilandushi palutoba icipangano mukakolongana pamo mukati ka misumba yenu, na nebo nkaleta amalwele pakati kenu mulya, elyo kabili nkamupela mukuboko kwa mulwani wenu. ²⁶ Ilyo nkaputula intuntuko yafyakulya fyenu, abanakashi ikumi limo bakapanga umukate wenu mu citofu cimo, nokwakanya umukate wenu mukufina. Mukalya nokukana ikuta. ²⁷ Nga tamumfwile kuli nebo pali ifi fyonse, leelo mwakonkanyapo ukwendela mukukana nebo, ²⁸ lyena nkendela mukukana mwebo mu kufulwa, nokumukanda imiku cine lubali ukucilapo nakabili pamembu shenu. ²⁹ Mukalya imibili yabana benu abaume; mukalya imibili yabana benu abanakashi. ³⁰ Nkonaula ififulo fyenu ifyapamulu, nkaputula ifipailo fyenu ifya bubani, no kuposa ifitumbi fyenu pa fitumbi fya tulubi twenu, kabili nkapata imwe. ³¹ Nkalenga imisumba yenu ukuba ifibolya nokonaula ncende shenu ishamushilo, nshakatemunwe nefyabupe fyenu ifya mununko walowa fyenu. ³² Nkapomona icalo cenu. Abalwani benu abakekala mulya bakapapa pa kupomona. ³³ Nkamusalanganya mukati kafyalo, elyo nkafumye ulupanga lwandi nokumukonka. Icalo cenu cikasulwa ne misumba yenu ikaba ifibolya. ³⁴ Elyo icalo cikasekela amasabata ya ciko pa nshita yonse caikala icasulwa na mwebo mwaba mu fyalo fya balwani. Inshita yonse ilya icalo cikatusha nokusekela amasabata ya ciko. ³⁵ Panshita yonse iyo caikala icasulwa, cikakwata ukutusha, ukukaba kutusha ukotacakwete na masabata yenu, ilyo mwaikelemo. ³⁶ Elyo kuli abo abashala mufyalo fya balwani benu, nkatuma umwenso mu miyima yenu ukuti nangu kulila kwe bula ilileululwa mu mwela kukamutinya, kabili mu kafulumuka kwati mulefulumuka ku lupanga. Mukawa, nelyo tapali ulemubutusha. ³⁷ Mukalapunkana umo no munankwe kwati mulebutuka ukufuma kulupanga, nelyo tapali uulemutamfya. Tamwakakwate amaka yakwiminina pa cinso cabalwani benu. ³⁸ Mukalobela mukati kanko, ne calo ca balwani benu cine cikamulya. ³⁹ Bonse abashala muli mwebo bakaiposaika mu membu shabo, mulya mufyalo fyabalwani benu, kabili pamulandu wa membu shaba shibo bakaiposaika naba bene. ⁴⁰ Nga balapila imembu shabo neshaba shibo, nabucisanguka bwabo ubo bacitile mukukana ncetekela, kabili na mumyendele yabo iya kutalika nebo- ⁴¹ ifyalengele ine ukuba futatila elyo nabaletele na mucalo cabalwani babo- nge mitima yabo iishasembululwa yaisaba iyanakila, kabili nga ba pokelela ukukandwa kwa pa membu shabo, ⁴² elyo nkebukisha icipangano candi na Yakobo, icipangano candi na Israeli, ne cipangano candi na Abrahamu; elyo kabili nkebukisha ne calo. ⁴³ Icalo cikaba icasulwa kuli bena, eco cikaba icakusekela amasabata yaciko ilintu cikele icasulwa ukwabula bena. Bakalimwinwa pa membu shabo pamulandu wakuti bena ebakene ifipope fyandi kabili baumfwile ubunani ku mafunde yandi. ⁴⁴ Leelo temulandu nefyo, ilyo bali mu calo ca balwani babo, nshakabakanye, kabili nshakalengwe ubunani pali bena nokupwililila ukubonaula nokufumyapo icipangano candi na bena pantu nine Yawe Lesa wabo. ⁴⁵ Leelo pamulandu nabena nkebukisha icipangano candi ne fikolwe fyabo, abo na fumishe mu calo ca Egypto mu menso ya nko, pakuti naba Lesa wabo. Nine yawe.'' ⁴⁶ Aya emafunde ayampampamikwa na malango ayo Yawe apangile pakati ka ena na bantu bakwa Israeli pa lupili lwa Sinai ukupitila muli Mose.