¹ Yawe asosele kuli Mose, ukutila, ² ''Ili elikaba ifunde pa muntu umulwele pabushiku bwa kwe ubwa kusanguluka. Aletwe kuli shimapepo. ³ Shimapepo afume kunse ya nkambi ukuceceta umuntu ukumona nga ubulwele bwa lwambu ubwa pa mubili nga nabupola. ⁴ Elyo shimapepo akakonkomeshe uuposhiwe ukuleta ifya mweo fibili, ifyuni fyasanguluka, icimuti ca keda, insalu yakashika, na hyssop. ⁵ Shimapepo amukonkomeshe ukwipayapo cimo pa fyuni pa menshi ayalengama ayali munongo. ⁶ Shimapepo akabula icuni ca mweo na icimuti ca keda, ne nsalu yakashika na hyssop, kabili afilobeshe fyonse ifi, ukubikako na iconi ca mweo, mu mulapo wa coni cilya cipaiwe icili mu menshi ayalengama. ⁷ Elyo shimapepo akasanse aya menshi imiku cine lubali pa muntu uulesangululwa ukufuma ku fibashi, kabili elyo shimapepo alamubilisha ukuba uwasanguluka. Elyo shimapepo akalekeko icuni ca mweo ukuya mu mpanga. ⁸ Umuntu ulya uulesangululwa akacape ifyakufwala fya kwe, abeye imishishi shakwe shonse, aisambe umwine mu menshi kabili elyo alasanguluka. panuma yaifyo afwile aisa mu nkambi, lelo akekale panse ye tenti lyakwe panshiku cine lubali. ⁹ Pabushiku bwa cine lubali afwile ukubeya imishishsi shakwe shonse ku mutwe, kabili afwile ukubeya umwemfu ne fipeni peni. Afwile ukubeya imishsishsi yakwe yonse, kabili afwile acapa ifyakufwala fyakwe no kusamba umwine mu menshi; elyo akaba uwasangululwa. ¹⁰ Pabushiku bwa lenga cine konse konse afwile asenda impanga ishilume shibili ishabula akalema, umwana wa mpanga umo umukota uwabula akalema, ne fyapekumi fitatu ifya pa efa ifya bunga bwa sankanamo na mafuta nge cabupe cangano, na pamafuta ya logi. ¹¹ Shimapepo uulesanguluila akeminina umuntu alesangululwa, pamo nefyo fintu, pacinso cakwa Yawe pa mwinshi we tenti lya ku kumaninamo. ¹² Shimapepo akabulapo imo pa mpanga ishilume nokupela nge cabupe ca pa mulandu, pamo na log wamafuta; akafishishike ukuba icabupe ca kushishiks kuli Yawe. ¹³ Afwile akepaye umwana wa mpanga ku ncende be pailako ifyabupe fya lubembu no kufikilisha icabupe ca kuninika, ku ncende ye Hema, pantu icabupe ca lubembu cakwa shimapepo ngefyo caba icabupe ca mulandu, pa mulandu wakuti fyamushilo nganshi. ¹⁴ Shimapepo akabulepo umulapo umo pa fya bupe fya mulandu nokubika lwa kukutwi kwa kukulyo kwa muntu uulesangululwa, kucikumo ca kukuboko kwakwe ukwakukulyo, na kucikondo cakwe kulukasa lwa kukulyo. ¹⁵ Elyo shimapepo abule amafuta muli logi nokuyetila mu cisansa cakwe icakukuso, ¹⁶ no kutumpika umunwe wakwe uwa kukulyo mu mafuta ayali ku kuboko kwa kukuso, nokusansa yamo amafuta neminwe yakwe imiku cine lubali pa cinso cakwa Yawe. ¹⁷ Shimapepo abike amafuta yashele mukuboko kwakwe pakubika pampela ya kutwi kwaku kulyo ukwa muntu asangulwile, kucimo cakwe ica ku kulyo, na pacikondo cakwe icikulu ica kukulyo. Afwile ukubika amafuta pamulu wa mulopa ukufuma ku fyabupe fya mulandu. ¹⁸ Nakumafuta ya shala mu minwe yakwa shimapepo, abike pamutwe wa muntu uusangululwa, kabili shimapepo alamukonsolwelako kuli Yawe. ¹⁹ Elyo shimapepo akapela icabupe ca lubembu nokucita icikonsolwelo cauyo alesangululwa pamulandu wakukana sanguluka, na panuma akepaya icabupe cakuninika. ²⁰ Elyo shimapepo akapela icabupe cakuninika ne cabupe canganu kucipailo. Shimapepo akapange icikonsolwelo pa muntu, kabili akasanguluka. ²¹ Nelyo cibe fyo, umntu nga mubusu no kuna fikilisha aya amalabo, elyo ubule umwana wa mpanga umulume umo nge cabupe ca mulandu ukuba icakushishika, ukupanga icikonsolwelo umwine, ne capekumi cimo ica efa wabunga bwa sankanishiwamo na mafuta nge cabupe cangano na logi wa mafuta. ²² Pamo ne nkunda shibili nelyo ifipele ifinono fibili ifyakweba ati kuti akwanisha ukwikayta; iconi cimo cikabe nge cabupe ca lubembu elyo cimo cabupe ca koca. ²³ Pabushiku bwa kulenga cine konse konse afwile afileta pa kusangululwa kwa kwe kuli shimapepo, pa mwinshi ye tenti lya ku kumaninamo, ku ntanshi yakwa Yawe. ²⁴ Shimapepo asende impanga iyana iilume ukuba icabupe, no kusenda logi wa mafuta ya olifa, kabili afishe pamulu ukufipela kuli Yawe. ²⁵ Akepaya umwana wa mpanga nge cabupe ca mulandu, nokusendako umulopa umo ku cabupe ca mulandu kabili abike kukutwi kwa kukulyo ukwa ulesangululwa, pa cinkumwa ica kukuboko kwa kukulyo, na pacikondo cakwe ica kukulu kwa kukulyo. ²⁶ Elyo shimapepo apongolwele amafuta pa cisansa cakwe ica kukuso, ²⁷ kabili akasansaila amafuta yamo ayali ku kuboko kwa ku kuso ukubomfya umunwe wakwe uwa kukulyo imiku cine lubali pacinso cakwa Yawe. ²⁸ Shimapepo elyo alabika amafuta yamo ayali mu minwe yakwe nokutoneka ku kutwi kwa kukulyo ukwa uyo ulesangululwa, pa cinkunwa ku kuboko kwakwe ukwa kukulyo, kabili napa cikondo cakwe icikalamba kukulu kwa kukulyo, pa ncende imoine apo abikile umulopa wa cabupe ca mulandu. ²⁹ Abike amafuta ayashele mu minwe yakwe pa mutwe waulesanguluka, kukupanga icikonsolwelo caena ku cinso cakwa Yawe. ³⁰ Afwile apela imo pankunda nangu utupele utunono ukulingana nefyo umntu engakwanisha ukwikata- ³¹ imo nge cabupe ca lubembu nalimbi nge cabupe ca kuninika pamopene ne cabupe ca ngano. Elyo shimapepo alakonsolwelako uyo umo uulesangululwa pa cinso ca kwa Yawe. ³² Ili efunde lya muntu uyo muli ena muli ubulwele bwa mbukila umubili, uushingakwanisha ifyabupe ukulingana nefyo filingile ukuba pakusangululwa kwa kwe.'' ³³ Yawe alesosa kuli Mose na kuli Aaron, ukutila, ³⁴ ''Ilyo mukesa mu calo ca Kennan ico napela kuli imwe nge cikwatwa, kabili nga nasalanganya ifibashi mu mayanda mu calo ico mukakwata, ³⁵ elyo umwine wa ng'anda afwile aisa nokweba shimapepo. Afwile atila, 'Fimo fimonekele kuli ine ukuba nga ifibashi mu ng'anda yandi.' ³⁶ Elyo shimapepo akonkomeshe ukuti afumye fyonse mu ng'anda kabili shimapepo talaingila mukushininkisha ifibashi, pakuti fikowele ifili mi ng'anda. Nga kwafuma ifyo shimapepo afwile engile mu kumona mu ng'anda. ³⁷ Afwile aceceta ifibashi ukumona ku fibumba fya ng'anda umwafonka, na ukumona nga filemoneka ifya katapa katapa nangu ifyakashikila pa mulu. ³⁸ Nga mu ng'anda muli ifibashi, elyo shimapepo afume kunse ya ng'anda nokwisala iciibi panshiku cine lubali. ³⁹ Elyo shimapepo akabwela pa bushiku bwa lenga cine lubali mu kuceceta ukumona nga ifibashi nafisalanganina ku fibumba fya ng'anda. ⁴⁰ Nga caba ifi, elyo shimapepo akonkomeshe ukufumyapo apasangilwe ifibashi nokuya posa ku ncende iishasanguluka kunse ya musumba. ⁴¹ Icibumba conse ica ng'anda mukati ukuba icapalwa, kabili afwile ukusenda ifyalamba ifyo bapalile ukufyabushisha kunse ya musumba nokuposa ku ncende ya kowela. ⁴² Bafwile babula amabwe nokuya bika ku ncende ya mabwe yalya ayafumishiwepo, kabili talingile ukubomfya iloba limbi elyo bamasa ku ng'anda. ⁴³ Nga ifibashi fyabwela nakambi kabili batobe ing'anda iyo amabwe yacifumishiwako nokupala icibumba kabili elyo imaswe, ⁴⁴ elyo shimapepo engile mu kati nokuceceta ing'anda ukumona ifibashi nga nafisalangana. Nganacitike ifi, lyena fibashi fyabusanso, na ing'anda intu yakowela. ⁴⁵ Ing'anda ifwile yatobwa. amabwe, imbao, namaloba ya ng'anda yafwile yafumishiwa kunse ya musumba ku ncende ya kowela. ⁴⁶ Mukulundapo, onse uwaingila ku ng'anda panshita iyo yaisalwa akowele ukufika icungulo. ⁴⁷ Uuli onse uwalala muli iyo ing'anda afwile acapa ifyakufwala fyakwe, kabili onse uwalilile afwile acapa ifyakufwala fwakwe. ⁴⁸ Nga shimapepo aingila mu ng'anda mu kuceceta nga cakuti ifibashi nafisalangana mu ng'anda libe naimaswa, nelyo, nga ifibashi nafiya, akabilikishe ing'anda ukusanguluka. ⁴⁹ Elyo shimapepo asende ifyuni fibili kukuwamya ing'anda, ne cimuti ca keda, insalu shakashika cee ne sopo. ⁵⁰ Epayepo iconi cimo pafyoni mumenshi yalengama mu mutondo. ⁵¹ Asende icimuti ca keda, ne sopo insalu yakashika, ne cuni ica mweo, nokufitumpika mu mulopa waico iconi cipaiwe, mu menshi yalengama, nokusansaisha ing'anda imiku cine lubali. ⁵² Akasangulule ing'anda ku mulopa wa cuni na ku menshi yalengama, ku cuni ca mweo, ku cimuti ca keda, isopo, kabili ne nsalu yakashika cee. ⁵³ Lelo aleke icuni ca mweo ukuya kunse ya musumba mu mpanga yaisuka. Muli iyi nshila afwile apanga icikonsolwelo ca ng'anda, kabili ikasanguluka. ⁵⁴ Ili efunde lya bulwele bonse ubwambukila ku mubili nefintu ayo amalwele, nayababa, ⁵⁵ na ifibashi ku fyakufwala na mu ng'anda, ⁵⁶ icifimfya, kufipulumba, na kufibashi, ⁵⁷ kukulanga ilyo cimo pali ishi imilandu cali kowela nangu calisanguluka. Ili efunde lya malwele yalwalika umubili ne fibashi.''