¹ Yawe aitile Mose alandile kuli ena ukufuma mwi tenti lyakukumaninamo, ati, ² "Landa kubantu bakwa Israeli ubebe, ilyo umwaume uli onse ukufuma kuli baimwe aleta icabupe kuli Yawe, mulete ngecabupe inama, ukufuma mung'ombe nangu ukufuma mumukuni. ³ Nga cakuti cabupe cakwe cabupee cakuninika ukufuma mu ng'ombe, afwile apela iilume iya bula akalema. Apele ici pamwinshi we tenti lyakukumaninamo, pakuti cibe icapokelelwa pa cinso cakwa Yawe. ⁴ Atambalike ukuboko kwakwe pamutwe wacabupe cakuninika, elyo kabili cikapokelela pamulandu wakwe ukuba icikonsolwelo cakwe. ⁵ Elyo afwile ukwipaya ing'ombe iilume pacinso cakwa Yawe. Abana baume bakwa Aaroni, bashimapepo, bakatambika umulopa nokusansa pacipailo icibelele pamwinshi we tenti lyakukumaninamo. ⁶ Elyo afwile ukufuma icabupe cakuninika nokuciputula mufipimfya. ⁷ Elyo abana baume bakwa Aaroni shimapepo akabika umulilo pacipailo nokupekanya inkuni shamulilo. ⁸ Elyo abana baume bakwa Aaroni, bashimapepo, babike ifipimfya, pamo nomutwe namafuta, pankuni ishili pamulilo uli pacipailo. ⁹ Leelo ifya mukati namolu yaiko afwile afisamba na menshi. Elyo shimapepo akoce conse pacipailo ngecabupe icakuninika. Icikaleta umununko uwalowa wandi; cikaba cabupe candi icapangwa nomulilo. ¹⁰ Ngecabupe cakwe cabupe cakuninika cakufuma mumukuni, imo pa mpanga nangu imo pa mbushi, afwile apela iilume iya bula akalema. ¹¹ Afwile aipaila kukapinda kakukuso akacipailo pacinso cakwa Yawe. Abana abaume abakwa Aaroni, bashimapepo, bakasansaile umulopa waiko kumbali shonse ishacipailo. ¹² Aputuke mufipimfya pamo nomutwe waiko namafuta yaiko, nashimapepo afwile abika ifipimfya pankuni ishili pamulilo uuli pacipailo, ¹³ leelo ifyamukati namolu afwile afisamba na menshi. Elyo shimapepo akapele conse, nokucocela pacipailo. Ecabupe cakuninika, icikaleta umununko walowa uwakwa Yawe; ecikaba icabupe camulilo capangilwa kuli ena. ¹⁴ Nge cabupe cakwe kuli Yawe caba cabupe cakuninika ica fyoni, ninshi afwile aleta icabupe cakwe icipele nangu umwana wankunda. ¹⁵ Shimapepo afwile aleta ici kucipailo, ukuteta umutwe waciko, nokoca pacipailo. Elyo umulopa waciko ufwile wasumina mumbali yacipailo. ¹⁶ Afwile afumyeko ne cibukulo ne fyabamo, nokuciposaa kumbali ya cipailo lubali lwakukabanga, kucifulo camito. ¹⁷ Afwile acilepwila mumapindo, leelo tafwile ukulekanyamo fibili ifiputulwa. Elyo shimapepo akocele pacipailo, pankuni ishili pamulilo. Ecikaba icabupe cakuninika, elyo ciakleta umununko uwalowa uwa kwa Yawe; cikaba icabupe camulilo capangilwa kuli ena.