¹ Elyo Yobo ayaswike no kutila, ² ''Cine cine ninjishiba ukuti ni fyo fine; lelo umuntunse engaba shani umulungami kuli Lesa? ³ Nga Lesa atemwo kulubulwishanya nankwe, te kuti amwasuke icintu cimo ica pe kana limo ⁴ Wa mano ku mutima, wa maka ayatalila; nani uwatalama kuli wene nokuba umutende? ⁵ Aseshe ,pili na sho tasha ishiba ilyo ashipinuna mubukali bwakwe; ⁶ atenkanye calo ukufumya pabwikalo bwaciko; no kulenga incenshi shaciko ukutetema; ⁷ eba akasuba, na ko takasama, kabili pa ntanda akomenapo; aanse myulu eka, ⁸ Nokunyanta pa matamba ya pali bemba; ⁹ Acita Bere mukalamba na orione Pleyadese nesha mabumba yakukapinda ka ku kulyo; ¹⁰ Acete fikulu fyasuka fyabulo kwilukwa, nefipesha amano fyasuka fyabulwe mpendwa. ¹¹ Moneni apita pali ine na ine nshimumona; kabili apitingana na ine nshimumweensekesha. ¹² moneni, akamuna, n'gani engamulesha? ¹³ lesa tabwesha bukali bwakwe; abaafwa RAhabu bafwamina mwisamba lyakwe. ¹⁴ Pali bufi ine ndemwasuka shani, ndesala shani ifyebo fyandi nsose nankwe? ¹⁵ Uyo nangu nabo walungama te kutiwasuke, kuti napapata kuwa kumpingula. ¹⁶ Nganamwita nao anjitaba, nshingatetekelo kuti akutike shiwi lyandi. ¹⁷ Pakuti engantuta kuli mukakulule wa mwela, no kufusha apa fye ifilaso fyandi. ¹⁸ Tengansuminisha kupema, kuti anjikushe fya malangulusha. ¹⁹ Ngatwasosa amakayawatalila, ati, moneni epondi! Ngatwasosa bupingushi ati, n'gani aningile nshita? ²⁰ Nangumbo walungama akanwakandi nga kanseka; ndiwampomfu; nshilenyangwa; ndesulo mweo wandi. ²¹ Pamopenefye econdetila uwa mpomfu no mubifi wene albampwishishisha! ²² Ngobwe mbwaya bwapumikisha ukwipaya, apumya kupelelwa kwa bakaele. ²³ Pano isonde papelwa mu mwinwe ya babifi: ²⁴ ifinso fya bapingushi bapako afimbako; nge teo kanshi n'gani? ²⁵ Inshiku shandi shipito lubilo ukucila cikabala, shilefyuka tashimona busuma; ²⁶ shileluka ngamato ya matete, nga kapumpe uulefokela pacakulya. ²⁷ Nga nati limbi ndekefye ukuilishanya, nkwate ne nsansa pa menso no kumwentula ndemwentula. ²⁸ Nomba nga naibukisha amacushi yandi umwenso wanjikata, pantu nalishiba ukuti tamwakandeke ngo wabula umulandu. ²⁹ Apo ndi wamulandu cinshi ico ningalaicushisha? ³⁰ Nangu ninga samba bwino mumenshi ya bunga bwa mfula, nafikina neminwe yandi mu menshi ya fishikisa, ³¹ iwe kuti wantupika mu matipa, nefya kufwala fyandi kuti fya kantana. ³² Pantu Lesa te muntu nga ine uwakuti tulepashanya nankwe, uwakuti tuletwalishanya nankwe mucilye. ³³ Nga cakuti kwali uwakukalulula pali ifwe babili, uwingakwata amaka yakuywikatamo ifwe bonse, ³⁴ Uwingasesha icisendo cakwa Lesa icaba pali ine, no kuleka ukutinya kwakwe kwimpeela mwenso. ³⁵ Lyena kuti nalanda ukwabula ukumutiina, nomba ifi tefyo cili ine, kanshi teti nande.''