¹ Elyo Yobo ayaswike nokutila, ² ''Ningishiba ukuti uwacita ifintu fyonse, ukuti ipange lyenu tekuti lingeminina. ³ ''Bushe cinshi ici icishakwata ukwishiba ukufulunganya ubutantiko?'' Icinefye, nalilanda ifintu ifyakuti ine nshaumfwa, ifinfu ifyakosa sana kuli ine ukumfwa, ifyo ine nshingafishiba. ⁴ Mwatile kuli ine, ''Shi umfwa, nomba, naine nalalanda; nalaipusha iwe ifintu, naiwe walanjeba.' ⁵ Namumfwilile pali imwe kumatwi yandi eko namumfwilile, lelo nomba amenso yandi yamumona. ⁶ Kabili naibwesha nemwine, nalapila mu lukungu na mumito.'' ⁷ Lintu caishile ici panuma nalanda ayo mashiwi kuli Yobo, Yawe atile kuli Elifasi umwina Temani, ''Ubukali bwandi bwaimina iwe pamofye nabanobe babili, pantu imwe tamwasosele icishinka pali ine, nga fintu umubomfi Yobo acitile. ⁸ Eco nomba, buleni mwebene ing'ombe ishilume cine lubali ne mpaanga cine lubali, kabiyeni kumubomfi wandi Yobo, elyo mutule umutulo wenu umutulo wakoca. Umubomfi wandi Yobo alimipepelako imwe, elyo ine nkapokelela ipepo lyakwe, pantu nimucita imwe ukulingana nobupumbu bwenu. Pantu tamwasosele icishinka pali ine, nga fintu umubomfi wandi Yobo acitile.'' ⁹ Awe Elifasi umwina Temani, Bildadi umwina Shuli, na Sofari umwina Naamati baile nokucita ngefyo Yawe abakonkomeshe bena, na Yawe aumfwile Yobo. ¹⁰ Ilyo Yobo apepeleko abanankwe, Yawe afumishepo ubucushi. Yawe apele ena imiku ibili ifingi ukucila napafyo akwete kale. ¹¹ Elyo bamunyina bakwa Yobo bonse, nabankashi yakwe bonse, nabonse abamwishibe kale, baishile kuli ena nokulila pamo nankwe ifya kulya mu ng;anda yakwe. kabili bamulangile ena ubulanda no kumusansamusha pa bubi bonse ubo Yawe aletele pali ena, napali cila muntu apele Yobo icipande ca Silfere elyo ne mbalaminwe ia golde. ¹² Yawe apalile Yobo pamuku wakulekelesha mubumi bwakwe ukucila pakutendeka; akwete impaanga amakana ikumi na yane. Ingamila amakana mutanda, ing'ombe shamakoli ikana limo, mpunda ishikota ikana limo. ¹³ Elyo nakabili akwete abana abaume cine lubali nabana abanakashi batatu. ¹⁴ Ainike umwana mwanakashi uwantanshi ishina Yemima, uwakonkapo Kaisa, nowacitatu Kereni-Hapuki. ¹⁵ Mumpanga yonse takwali abanakashi ishina abanakashi abasangilwe ukuwama nga abana banakashi bakwa Yobo. Umufyashi wabo alibapele icabupyani pamo nabandume shabo. ¹⁶ Panuma yaici, Yobo aikele imyaka 140; amwene abana baume bakwe nabeshikulu bakwe, ukufika ku nkulo iyalenga shine. ¹⁷ Elyo Yobo afwile, ali umukote kabili uwamyaka iingi.