¹ Elihu akonkenyepo no kutila, ² ''Nsuminisheni ndande panono, kabili nalamilanga ifintu fimo pamulandu ninkwatako ifinono ifyakusosa mukucingililako Lesa. ³ Ine nkakolonganya amano yandi ukufuma ukutali; ine nkabilisha ati umulungami akaba kuli kalenga wandi. ⁴ Pantu icine cine amashiwi yandi tayakabe yabufi; umuntu umo uwakula mumano ali nobe. ⁵ Mona, Lesa wamaka, kabili talekelesha nangu umo; ena wanaka mubukose bwakumfwikisha. ⁶ Ena takapusushe imyeo yabantu abacita ifi leelo icakuti acita icalungama pali abo abacula. ⁷ Takafumye amenso yakwe ukufuma ku bantu abalungami leelo icakuti bakababika pacipuna ngemfumu umuyaya, kabili bakemishiwa. ⁸ Nga bakakwa mu minyololo naukwikatwa ku myando yaku cula, ⁹ elyo akalondolwela bena ifyo bacitile, nabu mpula mafunde bwabo no kuibililika kwabo. ¹⁰ Ena kabili akesula amatwi yabo kufipope fyakwe, na ukukonkomesha bena ukubwela ukufuma kufyabipa. ¹¹ Nga baumfwa kuli ena no kumupeepa ena, bakekala inshiku shabo mukushuka, nemyaka shabo mukukwatisha. ¹² Eico, ngatabomfwile, bakafwa kulupanga; bakafwa pamulandu tabakwete amano. ¹³ Abo abashikwete Lesa mu mitima abashisunga bukali bwabo; tabakalile mukwafwiwa nelyo ilyo Lesa akabakaka bena. ¹⁴ Bakafwa muli bumusepela bwabo; nobwikashi bwabo bukapwila muli ba cilende. ¹⁵ Lesa akapokolola abantu abacitikishiwe kufyalebacitikisha; akabesula amatwi yabo mukucushiwa kwabo. ¹⁶ Icine cine, kuti atemwa ukumifumya mubulanda ukuya kuncende ukushaba ifyakosa na uko itebulo lyobe likapangwa nefyakulya ifyaisulamo amafuta. ¹⁷ Leelo imwe mukesushiwa ubupingushi pantu abacita ifyabipa; ubupingushi no mutende fikakwatwa kuli imwe. ¹⁸ Mwileka ubukali bwenu bumitwale mukutumfiwa, nangu ubukalamba bwacifuta mulandu bumifumyeko. ¹⁹ Bushe ifyuma fyobe kuti fyakucitila nshi, pakuti iwe taulengelwe ukuba mubulanda, nangu bushe fyonse ifya maka yakupatisha yenga kwafwa iwe? ²⁰ Wilakabila ubushiku, ukupanga ulubembu pali bambi, ilyo abantu nabekala pamo pancende yabo. ²¹ Cenjeleni ukuti mwikabwelela kulubembu pamulandu imwe mwalyeshiwe ku kucushiwa pakuti mukafume kukubembuka. ²² Mona, Lesa alicindama mumaka yakwe; nikafundisha nshi uwaba nga ena? ²³ Nani uwamulangilile pa nshila yakwe? Nani engalanda kuli ena, 'Naucita icishalungama?' ²⁴ Ibukisha ukutasha imilimo shakwe, isho abantu baimbile. ²⁵ Abantu bonse naba mona pali isho imilimo, leelo imilimo baimwena ukufumafye apatali. ²⁶ Mona, Lesa mukulu, leelo tatwamwishiba ena bwino; impendwa ya myaka yakwe tayaishibikwa. ²⁷ Pantu alafumya amatoni ya menshi ukuti yasunguluka ngemfula ukufuma kuli fube fube wakwe, ²⁸ ilyo amakumbi yaponya panshi nokupona mubwingi pamutundu wamuntu. ²⁹ Cine cine, nani engomfwa ifyo ayansa amakumbi na ifibuluma ukufuma munsakwe yakwe? ³⁰ Mona, ayansapo ulubuto lwakwe lwashinguluka ena kabili lwa fimba panshi yabemba. ³¹ Muli iyi inshila emo apingwila abantu nokubapeela ifyakulya mubwingi. ³² Ena aisusha iminwe yakwe nolubuto mpaka ena akakonkomeshe inkuba ukuponena uusansa. ³³ Icibulukuto cabo cishimika pali ena, ne ng'ombe kuti yaumfwa kucileisa.