¹ Elyo Yobo ayaswike nokuti, ''Ifyo wayafwa uwabula amaka! ² Ifyo wayafwa ukuboko ukushakosa! ³ Ifyo wapususha uushakwata amano no kubilikisha kuli ena amano ayomfwika! ⁴ Nikukwafwa kwakwa nani walandile aya mashiwi? Nikumupashi wakwa nani wa fumine muli iwe? ⁵ Abafwa balalenga ukututuma, abo ababa panshi ya menshi nabo bonse ababa muli yena. ⁶ Inshinshi shaba fye pa mbilimbili ku cinso cakwa Lesa; nokonaulwa takwakwata amaka ayakulenga ena ukumukanya. ⁷ Ayansa akapinda kakukuso pa mbilimbili, nokutobeka isonde apashaba kantu. ⁸ Afunga amenshi mumakumbi yakwe, lelo amakumbi tayapepuka mwisamba lya ifi. ⁹ Alafimba kumbali ya mwenshi no kusalanganya amakumbi pali lyena. ¹⁰ Alishingulusha icishilwa pa mulu wa menshi nge cishilwa caba pakati kalubuto ne mfifi. ¹¹ Incenshi sha mulu shapungila no kupapa ku kwebaula kwakwe. ¹² Atalalika bemba ku maka yakwe; na ku mano yakwe asansawile Raabu. ¹³ Alengele imyulu ukubengeshima ku mupu wakwe; ukuboko kwakwe kwalashile insoka iilefulumuka. ¹⁴ Mona, ifi cinonofye ifya micitile yakwe; ifyo kwacepa ukutepelesha kwakwe uko tumfwa! Nani engakwiluka ukubilima kwakwe?''