¹ Umuntu, uwafyalwa ku mwanakashi, ekalafye inshiku ishinono kabili aisulamo amafya. ² Amena ukufuma mumushili nge luba kabili lya temwa; apupuka nge cinshingwa kaili nokukana bako. ³ Bushe mu lalolesha cimo pali ifi? Bushe mulendeta ine mubupingushi pamo naimwe? ⁴ Nani engaleta icasanguluka mucakowela? Tapali nangu umo. ⁵ Inshiku sha muntu shalishibikwa. Impendwa ya myenshi yakwe yaba na imwe; mwasonta icipimo cakwe ico tekuti apulemo. ⁶ Fumyeni pali ena amenso yenu pakuti enga tuusha, pakuti enga sekelela ubushiku bwakwe nga filya umubomfi enga cita. ⁷ Kuti kwaba isubilo ku cimuti; nga cakuti bacitema, nakabili kuti camena, pakuti imisambo tailobele. ⁸ Umushila wauko nga wakotela mwi sonde ne cishiki cauko cafwila mumushili, ⁹ eico nga canunshafye amenshi, kuti catumba nokufumya imisambo nge cimuti. ¹⁰ Lelo umuntu alafwa; nokuba uwabula amaka; icine cine, umuntu alaleka ukupema, kabili alikwi? ¹¹ Nga filya amenshi yaya muli bemba, kabili filya umumana ukama nokuma, ¹² efyo nabantu balala panshi kabili tekuti babuuke kabili iyo. Mpaka imyulu tayakabepo, tabakabuke nangu ukubushiwa mukulala kwabo. ¹³ Iye, nga mwingafisa ukutali munshishi ukufuma mumafya, kabili nokunsungila umwafisama mpaka ubukali bwenu bukapite, mwalenga ne nshita yalingwa iya kwikala kulya kabili elyo mwanjita mumano! ¹⁴ Ngo muntu afwa, bushe kuti aba nomweo kabili? Ngefyo, kuti nalolela inshita yakucula kwandi kulya mpaka ukulubulwa kwandi kukese. ¹⁵ Mukketa, naine nkasuka imwe. Imwe mukafwaya umulimo waminwe yenu. ¹⁶ Imwe mulapenda nokusakamana intapulo shandi; tekuti mu nsungile ifya lubembu lwandi. ¹⁷ Ububifi bwandi bwa lisalilwa mu calo; kuti mwafimba napafilubo fyandi. ¹⁸ Lelo impili ishilewa nokukanaba icintu; nangu fimabwe ifyaseshiwa pa ncende yaikelepo; ¹⁹ amenshi yafwala amabwe; mulamba wayako asenda ulukungu lwa panshi. Pamo ngeci, imwe monaula isubilo lya muntu. ²⁰ Imwe lyonse mulamucimfya, kabili apita; mulamwalula ne cinso cakwe kabili mulamutuma mukufwa. ²¹ Nga bana bakwe abaume bacindikwa, ena tafishiba; kabili nga babasula, nao teti afimone. ²² Ena omfwafye ubukali bwamubili wakwe, kabili alailoosha.