¹ Moneni, amenso yandi nayamona fyonse ifi; amatwi nayomfwa nokwiluka. ² Ifyo imwe mwaishiba naine nalishiba; nshili uwacepa kuli imwe. ³ Pali ico, ine ndelanda ku wamaka yonse; ndefwaya ukukansana na Lesa. ⁴ Lelo imwe muwaminisha icishinka kubufi; imwe bonse muli bakondapa ababula ubuyo. ⁵ Iye, nga cakuti imwe bonse mwaikata uluse lwenu! Ecingaba amano yenu. ⁶ Umfweni ukulubulula kwandi; umfweni nokupapata kwa milomo yandi. ⁷ Bushe kuti walanda ifyabipa kuli Lesa, nokusosa mubucenjeshi kuli ena? ⁸ Bushe kuti walanga akapatulula kuli ena? Bushe kuti watalalika umulandu kuli Lesa? ⁹ Bushe kuti caba icawama kuli iwe ilyo balakufwailisha iwe? Bushe kuti wamubepa iwe nga fintu mubepa abantu? ¹⁰ Icine cine ena akafishiba iwe nga cakuti walanga akapatulula mubumfisolo. ¹¹ Bushe bukatebebe bwakwe tabwakamulenge ukuba no mwenso, no mwenso wakutina ena, bushe tawakamuponene? ¹² Ifibukisho fya kusosa kwenu mapinda ayapangwa ne mito; nobucingo bwenu bucingo ubwapangwa ne bumba. ¹³ Ikateni uluse lwenu, ndekeni nemwine neka, pakuti nsose, Lekeni cise icingaba pali ine. ¹⁴ Nkasendela umubili wandi mu meno yandi; nkasendela ubumi bwandi mu minwe yandi. ¹⁵ Moneni, nga anjipaya ine, nshakakwate nesubilo lingashalapo; nga teifyo, nkapokolola inshila shandi ku ntanshi yakwe. ¹⁶ Ici cikaba kuli ine ukukakulwa kwandi, pakuti umusenshi takese kuntanshi yakwe. ¹⁷ Lesa, umfweni bwino bwino kufyo ndelanda; nefyo ndesosa fise mumatwi yenu. ¹⁸ Moneni nomba, nimbika ukuipokolola kwandi bwino; ninjishiba ukuti ndimulungami. ¹⁹ Nani umo twingalubulula nankwe mucilye? Ngawaishile mukucita ico, kabili nganasangilwe necilubo, elyo kuti natalala nokupela umweo wandi. ²⁰ Lesa, ncitenifye ifintu fibili kuli ine, kabili elyo teti mfisame ukufuma ku cinso cenu: ²¹ fumyeni ukuboko kwenu pali ine, kabili mwileka icintinya cenu cipange umwenso. ²² Elyo njiteni ine, naine nkasuka: nangu lekeni insose kili imwe, kabili imwe mungasuke. ²³ Niyanga amampulu ne membu shandi? Lekeni njishibe ifilubo fyandi ne membu shandi. ²⁴ Cinshi mufishila icinso cenu ukufuma kuli ine kabili nokutita ngo mulwani wenu? ²⁵ Bushe ibula lileululwa ilyo mulelenga ukututuma? Bushe icani icauma eco muletamfya? ²⁶ Pakuti mulembe ifintu fyayafya pali ine; nokuncushisha pa membu isha kubwaice bwandi. ²⁷ Naimwe mwabika amakasa yandi mufikalilo; imwe mulampalama nokumona inshila shandi shonse; nokubebeta umushili apo inyantilo shamakasa yandi shacinyanta ²⁸ ngnu naba nge cintu icabola icaonaika, nge cakufwala icalilwa ku mpemfu.