¹ Elyo Yobo ayaswike kabili atile, ² ''Tapali ne cakutwishika muli bantu, na maano yakalobela pamo ngefi ni naani? ³ Leelo na ine wine naba na mano pamo nga imwe bene; Nshili uwacepesha kuli imwe. Napili ci, ngo ushaishiba ifyo fiine fintu pamo ngefi ni naani? ⁴ Ndi icakusekwa ku bena-mupalamano bandi--Ine, newakutile kuli Lesa kabili newayaswike kuli eena! Ine, ngo muntu umuloloke uwashingashiniwa akabi--Ndi nomba nge cintu cimo icakusekwa. ⁵ Mu kutontonkanya kwa bamo abo ifintu fyayangukila, balakaana ukuti kwaliba ishamo; batontonkanya mu nshila iyiletelajo ishamo kuli abo abo amakasa yaabo yaleshelemuka. ⁶ Amatenti ya bapuupu pali umutende, na abo abakana Lesa ebomfwa bwino; iminwe yaabo etu lesa twabo. ⁷ Nomba liine ipusha inam, nasho shili noku kufuunda; ipusha ifyuni fya mulwelele, nafyo fili noku kweba. ⁸ Nangu laanda kwi sonde, nalyo lili noku kufunda; ne sabi lya muli cibemba lili noku kushimikila. ⁹ Nga ninama nshi pali ifi fyonse iyishaishiba ukuti ukuboko kwakwa Yawe ekwacita ifi? ¹⁰ Nimu minwe yakwe emwaba ubuumi bwa cintu conse icipeema no muupu uwa bumuntu bonse. ¹¹ Bushe te kutwi ukusonda amashiwi pamo ngefyo akanwa kasonda ifyakulya fyakako? ¹² Ku bantu abakote ekusangwa amano; mu bwingi bwa nshiku e mwaba ukwiluka. ¹³ Mukuba na Lesa emwaba amaano na maka; eufunda ku kwiluka. ¹⁴ Moneeni, ico abongolola, noku kulwa tacingakulwa na kabili; nga afuunga umo, tengafuma nakalya. ¹⁵ Moneeni, nga aikuta amenshi, cabe cilala; na kabili nga ayalekako, yabunsha umushili. ¹⁶ Muli eena emwaba amaka na maano; abantu ababepepwa na babeepa bonse beene baaba mu maka yakwe. ¹⁷ Atungulula bampanda-mano ukuya na makasa ubunkukwalula bakapingula wa milandu ukuba ifipuba. ¹⁸ Eufumya insambu sha minyololo ukufuma ku shamfumu; abakaka insalu mu misana. ¹⁹ Atungulula bashimapepo ukuya amakasa ubunkukwa no kufumyapo abantu abantu ababulamba. ²⁰ Akomeka amashiwi ya abo abcenjela ukulanda apoka na bakamba amano ya kwiluka. ²¹ Aleenga ba kateka ukusulwa no ku kakula imishipi ya bantu ababulamba. ²² Asokolola ifintu ifyashika ifya mu mfinshi no kuleeka ifinshingwa ifyafitisha mu lubuto. ²³ Aleenga imishobo ukushansa, na kabili no kuyonaula; Alakusha imishobo, na kabili aitungulula nga bunkole. ²⁴ Alafumyapo ukwiluka ku ntungulushi sha bantu abapanwe sonde; no kubalenga balalulumba fye mu matololo umo umushaba inshila. ²⁵ Balapulumpunta mu mfinshi umwabulo lubuto; no ku baleenga balatalansuka nga bakolelwe ubwalwa.