¹ Elyo Sofari umwina-Namati ayaswike no kuti, ² ''Bushe amashiwi yafulishefi tekuti yasukwepo? Ngo yu muntu, uwasabailafi, kwingaba abenga sumina? ³ Bushe ukuitakisha kobe kwingalenga bambi ukwikala tondolo? Ilyo ulepukula, takwingaba nelyo umo uwingakulenga insoni? ⁴ Apo kuli Lesa uleeti, 'Nasumina mu fyasanguluka, nshingalengululwa ku cinso cobe? ⁵ Nomba, iyee, Lesa nga aati asose no kwasamuna imilomo yakwe kuli iwe; ⁶ pakuti engakulenga inkaama sha maano! Apo ukwiluka kwakwe kwa lulumbi, Lyena ishiba ifyo Lesa akabila kuli iwe ukucila pafyo walufyanya. ⁷ Bushe kuti waishiba Lesa ukupitila muku mufwailisha? Bushe kuti wailuka uwapulamo mu cishinka? ⁸ Ubwafya bwasansama ngo muulu, kuti wacita shani? Bwashika ukucila ku mbo, finshi wingeshiba? ⁹ Ukupima kwabuko kwalepesha ukucile sonde, no kasalala ukucila pali cibeemba. ¹⁰ Nga apitile ukupulinkanya no kwisalilapo uuli onse, nga cakuti aitilepo uuli onse ku bupingushi, elyo ni naani uwingamukanya? ¹¹ Apo alishiba abantu ababufi ilyo amona ifilubo, bushe tafishiba iyo? ¹² Leelo ifipuba fya bantu tafyakwata ukwiluka iyo; bakeshibafye ilyo impuunda yamumpanga ikafyaalo muntu. ¹³ Leelo nilyofye walungamika umutima obe no kwimya amaboko yaobe ukupepa kuli Lesa; ¹⁴ ngacakuti ifilubo ficili mu minwe yoobe, leelo nilyofye wataluka kuli fyena noku kanasuminisha ubwikashi bwa lufyengo mu matenti yoobe. ¹⁵ Lyena nali o ukeemya icinso cobe ukwabula icakulanga ukulengwe nsoni, mu kucitefi, ukaba uwayangukila ukuiteyanya kabili tawakatiine. ¹⁶ Ukalaba ku mucushi yoobe; ukalayebukishafye epela nga filya ciba kuli mulaamba uipitile akale. ¹⁷ Ubuumi bobe bukabakilisha nga kasuba lilya kafika pa kati ka mutwe; nelyo ku kaba ifinshi, ikaluka ngo luceelo. ¹⁸ Ukucingililwa pantu pali icicetekelo; mukucitefyo, umutende ukasangwa pali iwe kabili utuushamu mutelelwe. ¹⁹ Neelyo ukalesendama mu kutusha, nakabili takwakabe nowa ku leenga ukutiina, na pali co, abeengi bakabila ubuciingo bobe. ²⁰ Leelo amenso ya babifi yakafilwa, tabakakwate nshila ukwakubutukila; isubilo lyabo limofye mpo lya kupeema umupu wa kulekelesha mu myeo yabo.''