¹ Ndi uwasakamana pa mweo wandi ndepela apafye ubulondoloshi bwakuilishanya kwandi ndelandila mubukali bwa mweo wandi. ² Ndetila kuli Lesa, mwimpelafye icilubo, nangeni ico mulempingwila ine. ³ Bushe cisuma kuli imwe ukti mucushe ine, ukususha umulimo wamaboko yenu ilyo mulentula pamapange yababif? ⁴ Bushe mwakwata amenso yabumubili? Bushe mumona ngefyo umuntu amona? ⁵ Inshiku shenu shabakwati ninshiku shabantunse nangu imyaka yenu kwati myaka yabantu, ⁶ pakuti mumfwaye palwaficitwa fyandi no ku fwaya palwa lubembu lwandi. ⁷ Nangu namwishiba nshili wakaele nangu takuli nangu umo uwinga mpususha ukumfumya muminwe yenu? ⁸ Iminwe yenu eyampekanya nokunjelenganya capamo ukunshinguluka ilyo mulengonaula ine. ⁹ Ibukisheni mumano yenu, namupapata, ukuti mwanjelengenye kwi loba. Bushe mulefwaya ukuncita ulukungu nakabili? ¹⁰ Bushe tamwanjitulula kwati mukaka nokuntikamika kwati lishiba? ¹¹ Mwafwikile ine inkanda no munofu kabili mwapikwile ine pamo na mafupa ne mishipa. ¹² Mwapele ine umweo ne cipangano cacishinka, ubwafwilisho bwenu bwatungulwile umupashi wandi. ¹³ Kabili ififintu mwafisa umutima wenu-nalishiba ukuti ifi efyo mwaletontonkanya. ¹⁴ Ukuti ngana bembuka, imwe mwafisungila, imwe tekuti munjelele mu filubo fyandi. ¹⁵ Nga ndecita ifbi bulanda kuli ine, kabili nangufye nga ndecita icalungama, tekuti njimye umutwe wandi, apo nalisushiwa nomusebanya-moneni ukucushiwa kwandi! ¹⁶ Ngo mutwe wandi wainuka, mukanunga kwati ninkalamo; kabili mukananga mwebene ne micitile iyawama yamaka pali ine. ¹⁷ Mwaleta bakambone abapya pali ine no kulanda ubukali bwenu pali ine, mwa pakasa ine naba shilika bakumubili. ¹⁸ Cinshi ico mwafumishe mwifumo lyandi? Nde cetekela nalimipela umupashi no kutila takuli ilinso ilya mwene ine. ¹⁹ Nganali ngo ushatalabako; nga nalisendelwe ukufuma mwifumo ukuya kumanda. ²⁰ Bushe inshiku shandi teshinonofye? Lekeni elyo muleke ine mbe neka, pakutila ninga kwata ukutushako panono. ²¹ Apo nshilaya uko nshakabwele kucalo camfifi kabili icakwakupwa nemfwa, ²² icalo icaba ngo kufita kwapakati kabushiku, icalo icakupwa nemfwa, ukushaba muyano, uko lubuto lwaba kwati nipakati kabushiku.'''