¹ Yawe atile kuli ine, ''Bula icipampa icikulu nokulembapo, Moher-Shakali-Hash-Basi.' ² Nketa inte shacishinka kuku njimininako, Uria shimapepo, na Sekenia mwana mwaume wakwa Yeberekia.'' ³ Naile kuli kasesema mwanakashi kabili aimite nokufyala umwana mwaume. Elyo Yawe atile kuli ine, ''Mwinike ishina lyakwe Mahe-Shalali-Hashi-Basi. ⁴ Pantu ilyo umwana talaishiba ukulila, batata, na bamayo, ifyuma fyakwa Damaskasi necatapwa cakwa Samaria fikasendwa nokutwala ku mfumu yamu Ashuri.'' ⁵ Yawe asosa kuli ine nakabili, ⁶ ''Pamulandu aba bantu bakana amenshi ayasuma aya Sione, nokutina Resin na mwana mwaume wakwa Remaria, ⁷ eico shikulu ali nokuleta amenshi pali bena aya kumumana, ayakosa kabili ayengi, imfumu yaku Ashuri nobukata bonse. Yakanina monse yapita nokupongolokela mumipuma. ⁸ Ykatulila mu Yuda, ukwisula nokupitapo, mpaka yakafike mumukoshi obe. Cikatambulula amapindo ukwisusha mubwipi bwa calo cobe, Immanuel.'' ⁹ Imwe mwe bantu mukatobaulwa mutupimfya. Umfweni, mwe fyalo fyonse ifya kutali; ipekanyeni mwebene kubulwi nokuputaulwa mutupimfya; Ipekanyeni mwebene nokuputaulwa mutupimfya. ¹⁰ Pangeni ipange, lelo talili nokukonkwa; peleni ikambisho, lelo talili nokukonkwa; pantu Lesa ali naifwe. ¹¹ Yawe asosele kuli ine,nokuboko kwakwe ukwa maka pali ine nokunsoka ukuti ninkendela mu nshila yaaba bantu. ¹² Mwitila kumana akapi icili conse abantu beta ukumana akapi, mwiba nomwenso kuco batiina, kabili mwitina. ¹³ Ni Yawe wamilalo eo mwishibe ukuti wamushilo; eumo uomulingile ukutina, kabili eumo mufwile ukututuma. ¹⁴ Akaba uwamushil; lelo akabe ilibwe lyakuipuntulako, kabili icilibwe cakupunwisha kuma yanda yonse yabili aya mu Israele, kabili akaba ulukose kabili iciteyo ku bantu bamu Yerusalemu. ¹⁵ Abengi bakawa pali cena nokuponapo nokutobwa, kabili bakekatwa mu citeyo nokufukatilwa. ¹⁶ Kaka ubunte bwandi, komenena ifikakula fyalembwa, nokupela ku basambi bandi. ¹⁷ Nkalolela pali Yawe, uwafisa icinso cakwe ukufumya ku ngánda yakwa Yakobo; nkacetekela muli ena. ¹⁸ Mona, ine nabana baume abo Yawe ampela nge fishibilo kabili ifipesha amano fya mu Israele ukufuma kuli Yawe wamilalo, uwaikala mu lupili lwa mu Sione. ¹⁹ Bkatila kuli imwe, ''Ipusheni kufyakupangwa ku mipashi,'' abo abasobela nabatepelesha. Bushe tekuli Lesa wabo bafwile ukwipusha? Bushe baipusha abafwa ukulandilako abamweo? ²⁰ Nikwifunde na kubunte! nga tabakasose ifi fintu, nipamulandu wakuti tabakwete ulubuto lwakumacaca. ²¹ Bakapita mu calo nobucushi ubukalamba ne nsala. Ilyo bakaba ne nsala bakafulwa nokutiipa imfumu yabo na Lesa wabo, nokupilibule ifinso fyabo ukulosha mumulu. ²² Bakalolesha pe sonde nokumona ubucushi, imfifi, kabili nomutitikisha wabiipa. Bakabatamfisha mu calo ca mfifi.