Icipande 20
1
Mu mwaka ulya Taritani aishile ku Ashidode, ilyo sarigoni imfumu ya Asiria yamutumine, ena alwishishe Ashidode no ku poka.
2
Pali ilya nshita Yawe alandile muli Esaya umwana mwaume wakwa Amose kabili atile, ''kabiye no ku fula insalu yobe mu musana, kabili ufule indyato ku makasa yobe.'' Ena efyo acitile, aendele ubwamba kabili ukwabula ifya kumakasa.
3
Yawe atile, ''ngefyo umubomfiwandi Esaya aendele ubwamba kabili ukwabula ifyakumakasa pa myaka itatu, ici cishibilo kabili cakusobela icikumine Egupti ne cikumine kushi.
4
Muli iyi inshila imfumu yaku-Asiria ikatungulula ukufumamubusha ku Egupti, nabatamfilwa ku kushi, abaice naba bakate, ubwamba kabili ababula ifyakumakasa, kabili Nkwabula ukufimba ku matako, ku nsonisha mu Egupti.
5
Ba katutuma kabili nokulengwensoni,pa mulandu wa kushi uo ba cetekele kabili uwa mu Egupti uwa bukata bwabo.
6
Abekashi baku lulamba ulu ba kalanda pali bulya bushiku, icine, ici entolo yesubilo lyesu, ekotubutukila kukwafwiwa ukuti tu lubuke ukufuma ku mfumu yaku Asiria, kabili nomba, ifwe twalafyaka shani?''