¹ Icimenwa cikaputuka ukufuma ku cishiki cakwa Jeese, nomusombo ukufuma pa mishila shakwe ukatwala ifisabo. ² Umupashi wakwa Yawe ukekala pali ena, umupashi uwamano kabili uwakumfwa, umupashi wakutungulula na maka, umupashi wakwishiba kabili uwakutina Yawe. ³ Ukusansamuka kwakwe kukaba kwakutina Yawe; takapingulwe pafyo amenso yakwe yamona, nangu ukusala pafyo amatwi yakwe yakomfwa. ⁴ Mucifulo caici, akapingula umupina mubulungami nokusala pakati kabafuka aba pe sonde. Akemika isonde ku nkonto ya mukanwa kakwe, nokupema kwa milomo yakwe akalofya ababifi. ⁵ Ubulungami bukaba emushipi wakwe, ne cishinka umushipi ukashinguluka intungu shakwe. ⁶ Umumbulu ukekala pamo nomwana wa mpaanga, ne mbwili ikalala panshi pamo nomwana wa mbushi, nakana ka ng'ombe, nakana ka nkalamo nakana ka ng'ombe, pamo. Umwana munono akafitungulula. ⁷ Ing'ombe nabene fikaliila pamo. Ne nkalamo ikalya umulemfwe nge ng'ombe. ⁸ Umwana akangala pa bwendo bwa nsoka, nomwana uwasumuka akabika ukuboko kwakwe pa bwendo bwe folo. ⁹ Tafyakacenwe nangu ukonaula mulupili lwandi lonse ulwa mushilo; pantu isonde lyonse likesulamo ukwishiba kwakwa Yawe, filya amenshi yesula pali bemba. ¹⁰ Muli ubo bushiku, umushila wakwa Jeese ukeminina nge cishibilo ku bantu. Inko shikafwaya ena ukufuma, ne ncende yakwe iyakutushapo ikaba iya cindama. ¹¹ Muli ubo bushiku, shikulu akakusha ukoboko kwakwe kukubwekeshapo abashalapo pa bantu bakwe abashele mu Assyria, Egypto, Patrose, Kushi, Elamu, Shina, Hamati, napa fiishi fyapali bemba. ¹² Akabika icishibilo pa nko shonse nokukolonganika abapaswa aba kwa Israele nabasalangana abakwa Yuda ukufuma mu fifutu fine ifyaa pe sonde. ¹³ Akapilibuka pambali kumufimbila wakwa Efraimu, nabalecusha Yuda bakafumishiwapo. Efraimu takabe nomufimbila pali Yuda, na Yuda takacushiwe kuli Efraimu. ¹⁴ Napali ico bakanafuntula panshi pa tupili twa ba Perishiti ku masamba, nabonse pamo bakatapa abantu bakukabanga. Bakasansa Edomu na Moabu, nabantu bakwa Amoni bakabomfwila. ¹⁵ Yawe akapwisha ukonaula icinshoko ca bemba wa ku Egypto. Kucipupu ca mwela wakwe akasunsha ukuboko kwakwe pa mumana wa Euphrate nokuwakanya mu milonga cine lubali, ukuti bakabuke pa nkasa. ¹⁶ Kukaba umusebo kubakashalapo mu bant bakwe abakabwela ukufuma ku Assyria, nga filya cali pabena Israele mu kwisa kwabo ukufuma mu calo ca Egypto.