¹ Kalanda kuli abo abapanga amafunde ayabipa nokulemba ifipope ifishaba bwino. ² Ba cincintila ifile kabilwa pa nsambu, bebila abalanda bamu bantu bandi insambu, ba senda bamukamfwilwa, nokupanga inshiwa ifikwatwa fyabo. ³ Ukuacita shani pabushiku bwabupingushi ilyo ubonaushi bukesa ukufuma ukutali? Bushe nikuli nani ukabutukila pakuti akwafwe, kabili ukasha kwi ifyuma fyobe? ⁴ Tapashele nangu cimo, kabili mwamfula pamo naba fungwa nangu mu kawa pamo nabepaiwe. Muli ifi fintu, ubukali bwakwe tabwapwa; mukuti, ukuboko kwakwe kuli ukwa tambalikwa. ⁵ Kalanda kuli Asiria, umutambu wabukali bwandi, inkonto yakupwisha imisoka! ⁶ Namutuma ku luko ulusangu kabili ku bantu abo nkapongolwelapo icipyu candi. Namutuma ena ku konaula, kukuba pwilishishisha, nokubanyantaula nga matipa mu misebo. ⁷ Lelo ifi tefyo alefwaya, nangula ukutontonkanya muli iyi nshila. Icili mumutima wakwe konaula nokufumyapo inko. ⁸ Pantu aletila, ''Bushe tabali bana ba mfumu shandi? ⁹ Bushe Kalno tali nga Karikemishi? Bushe Hamati tali nga Aripadi? Bushe Shamaria tali nga Damaseke? ¹⁰ Ngefyo ukuboko kwandi kwasanga amabufumu yatulesa, abo ifyabaswa fyabo fyalicilapo pafyali ku Yerusalemu naku Samaria, ¹¹ nga filya nacitile ku Samaria nefilubi fyafye, bushe tekuti ncite fimo fine ngefyo nacitile ku Yerusalemu naku filubi fyakwe?'' ¹² Ilyo shikulu apwile umulimo palupili lwa Sion na pali Yerusalemu, nkakanda ukulanda kwa mitima yamisuula imfumu ya Asiria napakuitakisha pamimonekele yaiko. ¹³ Pantu aletila, ''Nikumaka yandi kabili niku mano yandi naficitile. Ninjishiba, kabili ninsesha imimpaka ya bantu. Ni njita ifikwatwa fyabo, pamo nge ngómbe iilume ni ncefya abekashi. ¹⁴ Ukuboko kwandi nakwikata, pamo ngo kufuma ku cinsa, ifyuma fya nko, kabili nga filya umo alonganya amani yalekeleshiwa efyo nkalonganya isonde lyonse. Tapali nangu umo uukapampaila amapindo nangu ukwasamuna akanwa nangu ukulongofyanya.'' ¹⁵ Bushe isembe kuti lyaitakisha iline lyeka ukucila paulelibomfya? Bushe icela cakuputwilako imbao kuti cailumbanya ukucila pauputwilako? Cili ngefi umutambu kuti waimya abawimya, nangu inkoto kuti yaimya umuntu. ¹⁶ Eico shikulu Yawe wamabumba akatuma amacushi pabaume babulamba bakwe abamaka: Kabili mubukata bwakwe kukaba icakupya ngo kupya kwa mulilo. ¹⁷ Ulubuto lwakwa Israele lukaluka umulilo, ngo wamushilo wakwe akaba ulubing; lukoca nokupwisha imyulu nabacilasa ubushiku bumo. ¹⁸ Yawe akonaula ubukata bwa mpanga yakwe ne mpanga yafisabo, umupashi nomubili; cikaba ngo muntu umulwele uwo bumi bwa onaika. ¹⁹ Neyashalapo imiti mu mpanga yakwe ikaba inono, icakuti no mwaice kuti apenda. ²⁰ Pali bulya bushiku, abashalapo ku Israele aba mu ngánda yakwa Yakobo aba fyukile, tabakashintilile pali abo abacimfishe, lelo icine cine bakacetekela pali Yawe, uwa mushilo umo pali Israele. ²¹ Abashalapo pali Yakobo bakabwelela ku mpalume Lesa. ²² Pantu abantu bobe, Israele, baba ngo mucanga wapa fyabu fya pali bemba, abashalapofye pali bena ebakabwela. Ubupingushi bwakulofiwa nabupingulwa, nakufula ukufwaya kwa balungami. ²³ Pakuti shikulu Yawe wamabumba, alecita ubonaushi mu calo conse. ²⁴ Eico shikulu wamabumba atila, ''Abantu bandi abaikala mu Sioni, tabatina Asiria. Akamitobaula ku nkonto nokwimya abantu bakwe pali imwe, nga filya fyacitile abena Egypto. ²⁵ Mwimutina ena, pantu mukashita akanono ubukali bwandi pali imwe bukapwa, nobukali bwandi bukatungulula kukulofiwa kwakwe.'' ²⁶ Elyo Yawe wamabumba akemya ubwembya pali bena, nga filya ilyo acimfishe Midiani palibwe lyakwa Orebu. Akemya inkonto yakwe pali bemba kabili akaitumpula nga filya acitile mu Egypto. ²⁷ Pali bulya bushiku icisendo cakwe cikafumishiwapo ukufuma pakubeya nekoli lyakwe ukufuma pamukoshi obe, nekoli likonaulwa pamulandu wa kwina. ²⁸ Umulwani naisa ku Ayati kabili apitile mu Migrone; pa Mikmashi epo ashile ifipe fyakwe. ²⁹ Nababuka pafyabu kabili baletusha pa Geba. Rama aletutuma na Gibea wakwa Shauli nabutuka. ³⁰ Lila punda, wemwana mwanakashi wakwa Galimu! Kutika, Laisha! Wemulanda Anatote! ³¹ Mandemena nafulumuka, nabekashi bakwa Gebimu balebutuka mukufwaya ipusukilo. ³² Muli ubo bwine bushiku akeminina pa Nobu nokusunsha ukuboko palupili lwa mwana mwanakashi Sione, akapili kaku Yerusalemu. ³³ Pali ico, shikulu Yawe wamabumba akatema imisambo ku cinkukuma cakutinya; imiti yalepa ikatemwa, nefyasansama fikepifiwa. ³⁴ Akaputaula mateshi yamu mpanga kwi sembe, na Lebanone mu bulamba bwakwe akawa.