¹ Awe Abrahamu aile ukufuma ku Egypti no kuya ku Negebu, ena nomukashi wakwe, nafyonse ifyo akwete. Loti nao aile pamo nabena. ² Nomba Abrahamuu ali nonkele sana ifitekwa, na silbele, elyo na golide. ³ Ena akonkenyepo ubulendo ukufuma ku negebu ukuya ku betele, ku ncende uko ukwali inkambi yakwe inshita yakunuma. Pantu ka Betele na Ai. ⁴ Aile ku ncende ukwali icipailo ico icakulilwe munshita yakunuma. Apa apaleitwa ishian lya kwa Yawe. ⁵ Nomba Loti uwaleenda na Abrahamu, nao alikwete umukuni, ne ng'ombe, na matenti. ⁶ Impanga ilya tayakulile iya kwikalapo aba babili ukupalamana, pantu ifikwatwa fyabo fyali fulishe, icakuti teti bekale pamo. ⁷ Kabili kwali ukuumana pakati kaba kacema bafitekwa abakwa Abrahamu naba kwa Loti. Abena Kenani nabena Perisiti baleikala muli cilya calo pali ilya nshita. ⁸ Elyo Abrahamu atile kuli Loti.'' twileka pabe ukulwishanya pakati kaiwe nandi, na pakati kaba kecema ba fitekwa fyobe nabakacema bafitekwa fyandi, nakucilisha, tuli ba lupwa. ⁹ Bushe mpanga yonse te yobe? kabiye patukako kuli ine. Nga walaya ku kuso, ninshi ine nalaya ku kulyo. nangu nga walaya ku kulyo, ine nalaya ku kuso.'' ¹⁰ Ekutila loti aloleshe mumbali, nokumona ukutila icitungu conse ica Yordani cli na menshi bwino bwino konsefye ukufika naku Soari, ngebala lyakwa Yawe, nge calo ca Egypti. Ici cali ninshi Yawe talati onaule Sodoma na Gomora. ¹¹ Ekutila aisalile umwine icitungu conse ica Yordani nokuya ku kabanga, na aba abalupwa balekene ukufuma kuli umo no mubiye. ¹² Abrahamu aikele mu calo ca Kenani, elyo Loti aikele mu musumba wapali ilya misumba ya muli cilya citungu. Apangile inkambi yakwe apatali iwaku Sodoma. ¹³ Nomba abantu ba mu Sodoma bali ababi aba bembukila Yawe. ¹⁴ Yawe atile kuli Abrahamu panuma Loti natuma kuli ena, '''Mona ukufuma pa ncende apo wiminine ku kapinda ka kukuso, kukapinda ku kulyo, ku kabanga naku masamba. ¹⁵ Yonse iyi mpanga iyo wamona, nkaipela kuli webo nobufyashi bobe umuyayaya. ¹⁶ kabili nkafusha ubufyashi bobe bukafule ngo mucanga wa p sonde, ukuti ngo muntu engapenda umucanga wa pesonde, ninshi nobufyashi bobe kuti bwapendwa. ¹⁷ Ima wendemo mubutali na mubwipi bwa mpanga, pantu impanga iyi ndepela kuli webo.'' ¹⁸ Ekutila Abrahamu aimishe itenti lyakwe nokwisaikala lwapa fimiti ifikulu ifya mu Mamre, ifyabela mu Hebroni, noku kulila Yawe icipailo kulya kwine.