¹ Kabili Yawe atile kuli Abarahamu, ''Kabiye fuma mu caalo cobe, nokufuma kuli balupwa lobe, fuma mu ng'anda yakwa wiso, uye ku ncende iyo ine nkakulanga. ² kabili ine nkakucita uluko lukalamba, kabili ine nkakupaala, kabili nkalenga ishina lyobe ukulumbuka ukukalamba, kabili naiwe ukuba ipalo. ³ Kabili ine nkapaala bonse abakupaala, nomba onse ukakususha ine nkamutipwila. Muli iwe ndupwa shonse pano isonde shikapalwa.'' ⁴ Abrahamu aile, ukulingana nefyo Lesa amwebele ukucita, na Lote aile nankwe. Abrahamu ali nemyaka yakufyalwa amakumi cine lubali na isano ilyo afumine Harani. ⁵ Abrahamu asendele Sara, umukashi wakwe, loti, mwana munyina, nafyonse ifyuma ifyo banonkele, na bantu abo bakwete mu Harani. Baimine nokuya mucalo ca Kenani, efyo baishile na mucaalo ca Kenani. ⁶ Abrahamu apitile mu caalo cilya aile ku Shekemu, mupepi ne miti yakwe More. Napanshita muli cilya caalo mwaikele abena Kenani. ⁷ Lesa amonekele Abrahamu, nao atile, ''Ku bana bobe nkabapela ici caalo. ''Elyo palya pene Abrahamu akulile icibimbili celambo ca kwa Lesa, uwamonekele kuli ena. ⁸ Panuma afumine kulya aile kuu caalo campili icabela kukabanga ka Betele, kulya kwine apangile insakwe yakwe, ku Betele kumasamba na Ai naku kabanga. kabili akulile icibimbili cacipailo cakwa Lesa kulya kwine no kulabilikisha ishina lyakwa Lesa. ⁹ Elyo Abrahamu akonkenyepo ulwendo, nokuya alungama ku Negebu. ¹⁰ Kwali icipawe ku calo cilya, nomba Abrahamu aile mu Egypt mukwikala, pantu icipowe calikulile muli cilya calo. ¹¹ Nomba ilyo apaleme mukwingila mu Egypt, atile kuli Sara umukashi wakwe atile, ''Mona kuno, nalishiba ukuti uli mwanakashi umusuma. ¹² Elyo abena Egypt bakakumona bakatila, ''Uyu mukashi wakwe, kabili balenjipaya, leelo iwe balekusunga uwa mweo. ¹³ Utile ati uli nkashi yandi, pakuti ifintu fingangwamina pamulandu obe, napakuti umweo wingacingililwa pamulandu obe.'' ¹⁴ Nomba ilyo caishile kuli Abrahamu aingile mu Egypt, abeena Egypt bali mwene Sara ukuti musuma saana. ¹⁵ Ilyo bashicilye bakwa Farao bamumwene, kabili balamulumbilisha kuli Farao, kabili no mwanakashi atwelwe ku ng'anda yakwa Farao. ¹⁶ Farao asungile bwino Abrahamu pamulandu wakwe, na Abrahamu apokelele impanga ne ng'ombe, bapunda abalume, ababomfi abaume, ababomfi abanakashi naba punda abakota, ne Ngamila. ¹⁷ Elyo Yawe aponeshe ifikuko ifikalamba pali Farao na bang'anda yakwe pamulandu wakwa Sara, umukashi wakwa Abrahamu. ¹⁸ Farao aitile Abrahamu ano atile, ''Cinshi ici wacita kuli ine? Cinshi ico ushanjebele ukuti mukashi obe? ¹⁹ Cinshi ico walandile, ati ninkashi yandi,'' ico kuti ngashamubulile ukuba umukashi wandi? Nomba kanshi buula umukashi obe uyu, musende muleya.'' ²⁰ Elyo Farao apele icipope ku bantu bakwe palimAbrahamu, nabo banushindike, nomukashi wakwe na fyonse ifyo akwete.