¹ Nomba icalo conse calebomfyafye ululimi lumo na mashiwi yamoyene. ² Pakuya kwabo kukabanga, basangile apalingana mu mpanga ya Shinari kabili baikele palya pene. ³ Balelanda kuli cilaumo nomunankwe, " Iseni, lekeni tutame amatafwali kabili toce na koca." Bakwete amatafwali mucifulo ca mabwe kabili bitumene endaka. ⁴ Batile, "Iseni, lekeni lekeni tuikulile fwebene umusumba wesu kabili na ulupungu ulwalepa ubutali ukufikafye na mulwelele, kabili natuipangile neshina fwebene. Nga cakuti tatucitile, tukaba abasalangana ukukumanafye icalo conse." ⁵ Awe Yawe aikila mukumona umusumba na ulupungu ulo ulupwa lwakwa Adamu baelkula. ⁶ Yehoba atile, ''Moneni. abantu bamobene na ululimi lumo lwine, kabili nabatampa no kucitefi! nomba line tapali nangu fimo ifyo bakafwaya ukucita ifikabakosela. ⁷ Lekeni, aleni natwikile nokuya fulunganya ululimi lwabo kulya, pakweba ati tabaleumfwa umo no munankwe. ⁸ Awe Yawe abasalangenye kulya ukukumana icalo conse kabili balekele no kukula umusumba. ⁹ Eico, ishina lyauko lyaleitwa Babele, pamulandu wakwa Yawe wabo alifulungenye ululimi icalo conse kabili Yawe wakulya abasalangenye ukufumafye na kunse ya fyalo fyonse. ¹⁰ Aba ebali ulupwa lwakwa Shemu. Shemu ali nemyaka umwanda, kabili aishileba wishi wakwa Arpakishadi imyaka ibili panuma yacibundo. ¹¹ Shemu aikele imyaka imyanda isano panuma aishileba wishi wakwa Arpakishadi kabili aishileba ni wishi wabana bandi abaume na banakashi. ¹² Elyo Arpakishadi aikele imyaka amakumi yatatu na fine, aishileba wishi wakwa Shela. ¹³ Aepakishadi aikele imyaka imyanda ine na itatu panuma ali wishi wakwa Shela. Kabili aishileba niwishi wabana bambi abaume naba nakashi. ¹⁴ Ilyo Shela aikele imyaka amakumi yatatu, aishileba wishi wakwa Ebere. ¹⁵ Shela aikele imyaka imyanda ine na itatu panuma ali wishi wakwa Ebere. Kabili aishileba niwishi wabana bambi abaume naba nakashi. ¹⁶ Ilyo Ebere ikele imyaka amakumi yatatu na ine, aishileba wishi wakwa Pelege. ¹⁷ Ebere aikele imyaka imyanda ine na makumi yatatu panuma aishileba wishi wakwa Pelege. kabili aishileba niwishi wabana bambi abaume naba nakashi. ¹⁸ Ilyo Pelege aikele imyaka amakumi yatatu, aishile ba wishi wakwa Reu. ¹⁹ Pelege aikele imyaka imyanda ibili na pabula panuma ali wishi wakwa Reu. Kabili aishileba niwishi wabana bambi abaume naba nakashi. ²⁰ Ilyo Reu aikele imyaka amakumi yatatu na ibili, aishileba wishi wakwa Serugi. ²¹ Reu aikele imyaka imyanda ibili na cine lubali panuma aishileba wishi wakwa Serugi. Kabili aishileba niwishi wabana bambi abaume naba nakashi. ²² Ilyo Serugi aikele imyaka amakumi yatatu, aishileba wishi wakwa Nahore. ²³ Serugi aikele imyaka imyanda ibili panuma aishileba wishi wakwa Nahore. Kabili aishileba niwishi wabana bambi abaume naba nakashi. ²⁴ Ilyo Nahore aikele imyaka amakumi yabili na pabula, aishileba wishi wakwa Tera. ²⁵ Nahore aikele imyaka umwanda umo ikumi limo na pabula panuma aishileba wishi wakwa Tera. Kabili aishileba niwishi wabana bambi abaume naba nakashi. ²⁶ Panuma Tera aikele imyaka amakumi cine lubali, aishileba wishi wakwa Abrahamu, Nahore na Harani. ²⁷ Kabili aba ebali ulupwa lwakwa Tera. Tera aishileba wishi wakwa Abrahamu, Nahore, na Harani, na Harani aishileba wishi wakwa Loti. ²⁸ Harani afwile ninshi bawishi bakwe ba tera epobali mu nceende intu afyalilwemo, mu Uri wa Bakaidi. ²⁹ Abrahamu na Nahore balibulile abakashi. Ishina lya mukashi wakwa Abrahamu ali ni Sarai na ishina lya mukashi wakwa Nahore ali ni Milka, uwali umwana mwanakashi wakwa Harani, uwali wishi wakwa Milka na Iska. ³⁰ Nomba Sarai alishikilwe, takwetepo umwana. ³¹ Tera abulile Abrahamu umwana wakwe umwaume, Loti umwana mwaume uwamwana mwaume wakwa Harani, na Sarai umwanakashi umwanafyala wakwe, umwana mwaume wa mukashi wakwa Abrahamu, kabili nabonse balishile Uri wa Bakaidi, nokuya mumpanga ya Kenani. Leelo baishile kuli Harani na ukwikala kulya kwine. ³² Tera aikele imyaka imyanda ibili na isano kabili afwilile mu Harani.