¹ Mose alimine nokuya ukufuma kululamba lwa Moabu nokuya kulupili lwa Nebo, pa mulu wa Pisga, iyalolenkana na Yeliko. Kulya eko Yawe amulangile yonse impanga yaku Gilaedi ukufika ku Dani, ² na yonse incende ya nafitali ne panga yakwa Eflemu na Manase ne mpanga yonse iya Yuda, kukkapinda ka kulyo aka bemba, ³ na Negevi, no lulamba lwa mukonko ulwa Yeliko, umusumba wa Palimis, ukufika ku Zoari. ⁴ Yawe atile kuli ena, ''Iyi ni mpanga iyo nalapile kuli Ablumu, kuli Isaki, ndelanda ati, 'nkacipela ku bufyashi bobe,' Nalikusuminisha ukucilolesha na menso yobe lelo tawakafike kulya.'' ⁵ Eico Mose umubomfi wakwa Yawe, afwilile palya pene mu mpanga ya Moabu, ngefyo ishiwi lyakwa Yawe lyalaile. ⁶ Yawe amushikile mumukonko mumpanga ya Moabu, iya lolenkana na Beti Peo, lelo takwaba nangu umo uwaishiba imanda yakwe ukufika lelo. ⁷ Mose akwete imyaka umwanda umo, namakumi yabili ilyoafwile; Amenso yakwe tayanakile namaka yabumi bwakwe taya pwile. ⁸ Abana bakwa Israeli baloseshe Mose mululamba lwa Moabu panshiku amakumi yatatu, ne nshiku shakulosha Mose shasukile shapwa. ⁹ Yoshua umwana umwaume uwakwa Nuni aiswlemo umupashi wamano pantu Mose abikile po iminwe yakwe pali ena. Na bana bakwa Israeli baumfwili kuli ena nokucita ukulingana nefyo Yawe akambishe Mose. ¹⁰ Lelo takwatalile akwima kasesema mu Israeli nga Mose, uo Yawe aishibe icinso ne cinso. ¹¹ Lelo takwali kasesema uli onse uwali nga ena kufishibilo fyonse nakufipeshamano ifyo Yawe amutumine ukuyacita mu calo ca Egupiti kuli Farao na ku babomfi bakwe bonse na ku calo conse. ¹² Lelo takwatala akuba kasesema uli onse nga ena mufikalamba fyonse, na kumicitile yafyakutinya ifyo Mose acitile ku menso yakwa Israeli onse.