¹ Mose na bakalamba babena Israele bakonkomeshe abantu nokutila, ''bakeni amafunde yonse ayo namikonkomesha ilelo. ² Pabushiku ilyo imwe muli nokupita pali Yodani kumpanga iyo Yehoba Lesa wenu alepela imwe, imwe mukapekanyepo amabwe yamo ayakulu nokuyashingulusha nomushingulo. ³ Imwe mufwile ukulembapo pali yena amashiwi Yonse aya ayamfunde ilyo mwapitilila;ukuti imwe mwingaya mumpanga iyo Yawe Lesa wenu alepela imwe, impanga ilefumfumuna umukaka nobuci, nga Yawe, Lesa wafikolwe fyenu, amilaila imwe. ⁴ Ilyo mwapita muli Yordani mukapekanye ayamabwe ayo ndemikonkomesha imwe pali lelo, palupili lwa Ebali, elyo mukashingule yena nobushingulo. ⁵ Palya imwe mukakule icipailo kuli Yawe Lesa wenu, icipailo camabwe;lelo imwe mufwile ukukana pishamo imbesa kumabwe. ⁶ Imwe mufwile ukukula icipailo ca kwa Yawe Lesa wenu, ⁷ elyo imwe mukapele ilambo lyabumfwao nokulya palya, imwe mukasekelele pamenso yakwa Yehoba Lesa wenu. ⁸ Imwe muli nokulemba pamabwe amashiwi yonse aya mafunde mukumwenekesha.'' ⁹ Mose nabashimapepo, abena Lebi, basosele kubena Israele nokutila, ''Beni tondolo nokukutika, Lelo imwe mwaba abantu bakwa Yawe Lesa wenu. ¹⁰ Imwe mufwile ukubela ishiwi lyakwa Yehoba Lesa wenu nokubela amafunde nobupingulo ayo ndemikonkomesha imwe ilelo. ¹¹ Mose akonkomeshe abantu ubushiku bumobwine nokutila, ¹² Iyimikowa ifwile ukwiminina pa lupili lwaGerisimu mukupala abantu panuma imwe namupita pali Yodani: Simeoni,Lebi, Yuda, Isakari, Yosefu ,na Benjamini. ¹³ Iyi emikowa iyo ifwile ukwiminina palupili Ebali mukubilikisha ifitipu:Rbeni, Gadi, Asheri, Sebuloni, Dani, na Naftali. ¹⁴ Abena Lebi bakalaasuka nokulanda kubantu bonse abena Israeli mwishiwi lyakubilikisha: ¹⁵ Abe uwalapishiwa umuntu upanga icabaswa nangu ukwenga akalubi, ukupashanya kuli Yawe, imilimo yaku maboko yakwa kabasa, nokucita mubumfisolo . 'Elyo abantu bonse bafwile ukulanda,'Ameni.' ¹⁶ Abe uwalapishiwa umuntu ukasulla wishi nangu nyina. Elyo abantu bonse bafwile ukulanda, Ameni.' ¹⁷ Abe uwalapishiwa umuntu ukasesha icishibilo campanga yamwna mupalamano. 'Elyo abantu bonse bafwile ukulanda, 'Ameni' ¹⁸ Abe uwalapishiwa umuntu uwalenga impofu ukwendauka ukufuma munshila , 'Elyo abntu bonse bafwile ukulanda, Ameni.' ¹⁹ Abe uwalapishiwa umuntu uwabomfya amaka mukufyenga umutula-tulafye, uwabula abafyshi nangu mukamfwilwa. 'Elyo abntu bonse bafwile ukulanda,Ameni.'' ²⁰ Abe uwalapishiwa umuntu uwalala namukawishi, umulandu apokolola insambu shakwa wishi. 'Elyo abantu bonse bafwile ukulanda, 'Ameni.' ²¹ Abe uwalapishiwa umuntu uwalala nenama. 'Elyo abantu bonse bafwile ukulanda, 'Ameni.' ²² Abe uwalapishiwa umuntu uwalala nenkashi yakwe, umwana mwanakashi wakwa wishi, nangu umwana mwanakashi wakwanyina. 'Elyo abantu bonse bafwile ukulanda, 'Ameni.' ²³ Abe uwalapishiwa umuntu uwalala nanyina-fyala, 'Elyo abantu bonse bafwile ukulanda, 'Ameni.' ²⁴ Abe uwalapishiwa umuntu uwaipaya umwina mupalamano munkama, 'Elyo abantu bonse bafwile ukulanda, 'Ameni.' ²⁵ Abe uwalapishiwa umuntu uwapoka amafisa kanwa mukwipaya umuntu uwakaele. Élyo abantu bonse bafwile ukulanda, Ámeni.' ²⁶ Abe uwalapishiwa umuntu ushilesuminisha amashiwi aya aya mafunde, ukuti abele yena. Elyo abantu bonse bafwile ukulanda, 'Ameni.