¹ Uleibukisha umweshi Abibi, nokusunga icakucilila kuli Yawe Lesa wenu. Pantu mu mweshi wa Abibi emo Yawe Lesa wenu amufumishe mu Egypito ubushiku. ² Muli nokulapela ilambo nokusefya ikumi Yawe Lesa wenu impaanga ne ng'ombe mu cifulo icamushilo Yawe akasala ukuti ishina lyakwe likale. ³ Mwikalilila pamo no mukate, uwatutumuka, panshiku cine lubali muli no kulya umukate uushatutu muka, umukate wabucushi; pantu mwafumine mu calo ca Egypto mukwangufyanya. Mulecita ci munshiku shonse isha myeo yenu epakuti mukale ibukisha mu mano yenu ubushi ku uba mwafumine mucalo ca Egypto. ⁴ Mwikasangwa muli nomufuba wa citutumushi mumipaka yenu munshiku cine lubali; nangu inama yonse iyo mukapela ilambo mu nshita ya cungulo pabushiku bwantanshi wikekala ubushiku bonse ukufika ulucelo. ⁵ Limbi tamwakasumishiwe ukupeela ilambo iya ca kucilila muli umo muli shipongolo shamisumba yenu iyo Yawe Lesa wenu alemupela. ⁶ Leelo, mulepela ilambo pa cifulo Yawe Lesa wenu alinokusala uko akekala apa mushilo pakwe. Kulya muli no kupela ilambo cakucilila mu cungulo mukuwa kwakasuba, panshita yamwaka ilyo mwafumine ku Egypto. ⁷ Muli no koca nokulya pa ncende iyo Yawe Lesa wenu asala; mulucelo muli nokwaluluka nokubwelela ku matenti yenu. ⁸ Panshiku mutanda muli nokulya imikate isha tutumuka; pabushiku bwa kulenga cine lubali kuli nokuba ukulongana kwacindamisha kuli Yawe Lesa wenu, pali bulya bushiku tamwakabombe umulimo nangu umo. ⁹ Muli nokupenda imilungu cine lubali mwebene; ukufuma panshita muli nokubika ici kwakwa cenu capita mu ngano ishaiminina muli nokupenda imilungu cine lubali. ¹⁰ Mufwile ukusunga umutebeto wamilungu kuli Yawe Lesa wenu ukulingana no mutuulo wa kuitemenwa uwa minwe yenu uo mukapela, ukulingana nefyo Yawe Lesa wenu amupala. ¹¹ Kabili muli no kusekele pamenso yakwa Yawe Lesa wenu- imwe, no mwana wenu umwaume, abana benu abana kashi, ababomfi benu abaume, ababomfi benu abanakashi, umwina Lebi uuli mu mpongolo shamisumba shenu, nomutula tula, nabana banshiwa, nabamukamfwilwa abali mukati kenu, pancende iya shila iyo Yawe Lesa wenu ali no kusala ukuti ekale. ¹² Muli nokwibukisha ku mano ukuti mwali abasha mu Egypto; mulesunga ifipope ifi nokufikonka. ¹³ Muli nokusunga ukusefya umutebeto wansakwe panshiku cine lubali panuma mwakolonganika ifilefuma palya mupumina ingano ngamwalonganika namafuta nefifuma umo mukamina imyangashi. ¹⁴ Mukale sekelela mu mutebeto wenu- imwe, nabana benu abaume, abana benu abanakashi, ababomfi benu abaume, ababomfi benu abanakashi, umwina Lebi, nomutula tula, nabana banshiwa nabamukamfwilwa abali mu mpongolo shenu. ¹⁵ Panshiku cine lubali mukaleibukisha ukusefya umutebeto kuli Yawe Lesa wenu pacifulo ico Yawe akasala, pantu Yawe Lesa wenu akamupala mubusomboshi bwenu na mu mulimo onse uwa minwe yenu, na imwe muli nokuba abasangalala umupwilapo. ¹⁶ Inshiku shitatu mumwaka bonse abaume benu bakale monekela kucinso cakwa Yawe Lesa wenu pacifulo ico ali nokusala: pamitebeto yamikate ishatutumuka, mumitebeto yamilungu, napamitebeto yansakwe. Takuli nangu umo uwakumonekela ku cinso cakwa Yawe iminwe nkutwa; ¹⁷ icakuti, umuntu onse ali nokupela ifyo engakwanisha, ekuti muleishiba amapalo ayo Yawe Lesa wenu amupela. ¹⁸ Mukaleisontela abapingushi na bacilolo mukati ka mpongolo shamisumba isho Yawe Lesa wenu alemupela. Bali nokulabulwa ukufuma muli cila mukowa, nabo bakalepingula abantu ubupingushi ubwalungama. ¹⁹ Tamufwile ukusenda ubupingushi ukubomfya amaka; tamufwile ukulanga akapatulula nangu ukupoka amafisa kanwa, pantu amafisa kanwa yalapofwisha amenso yabamano nokupondamika amashiwi yabalungami. ²⁰ Mukalekonka umulinganya, panuma yamulinganya weka, epakuti mube nomweo nokupyana kwikala mu calo ico Yawe Lesa wenu aleemupela. ²¹ Mwikemika mwebene icakupepa nga Ashela, umusango onse uwa cimuti, mupepi necipailo cakwa Yawe Lesa wenu ico mukapanga mwebene. ²² Nangu ukwimika mwebene conse icakutinya icamabwe, ico Yawe Lesa wenuapata icine cine.