¹ Uko muli nga kwaima kasesema umo muli nangu kalota wa filoto,kabili amupela icilangililo nangu ifipapwa, ² Kabili icilangililo nangu ifipapwa fyaisa, ifyo alandile kuli iwe no kutila, 'leka ifwe tukonke panuma ya tulesa tumbi, uto iwe wakene ukwishiba, no kuleka abene batupepa; ³ Mwikomfwa ku mashiwi yakwa uyo kasesema, nangu kalota wa filoto; pantu Yehoba Lesa wenu alemwensha no kwishiba nga cakuti mwalitemwa Yehoba Lesa wenu ne mitima yenu yonse na myeo yenu yonse. ⁴ Mwakulaenda munkonka Yawe Lesa wenu, mucindikeni, sungeni amakambisho yakwe, kabili muleumfwila ishiwi, kabili mukalamupepa kabili eo mulelambatilako. ⁵ Kasesema ulya nelyo kalota wafiloto akabikwa kukwipaiwa, pantu ena alandile amashiwi ayabi ayakupondokela Yawe Lesa wenu, uwamufumishe mumpanga ya Egupti, kabili ewamulubwile ukumufumya mumpanga ya Egupiti, kabili ewamulubwile ukumufumya mungánda yabusha. Ulya kasesema alefwaisha ukuti mufume munshila iyo Yawe Lesa wenu amukambishemo ukwendamo. Eico fumyeni fyonse ifyabipa apo muli. ⁶ Nga ulya munyina obe, umwana umwaume wabanoko , nangu umwana mwaume obe, nangu umwana mwanakashi obe, nangu umukashi obe, nangu umunobe ulinga iwe no mweo obe wemwine, akatunka mubumfisolo no kutila, 'Natuleya no kuya pepa tu lesa tumbi uto iwe tawaishibe, nangula ifkolwe fyobe- ⁷ nangu tu lesa tumbi utwabantu abo abamishinguluka, mupepi naiwe, nangu apatali ukufuma kuli iwe, ukufuma kumpela ino iye sonde nakumpela imbi iye sonde ⁸ Taufwile ukuipela ukwali nangu ukumumfwila, kaabili taufwile ilinso lyobe ukumumfwila ubulanda nokumubelela uluse, kabili nelyo ukumucingilila nangu ukumutenkelesha. ⁹ Leelo, mucine cine ukamwipaya; ukuboko kobe kukabalilepo ukuba pali ena nokumuleka afwe, kabili panuma amaboko yabantu bonse yakonkelepo. ¹⁰ Kabili uli nokumutobela imfwila kumabwe. Pantu naesha uku kufumya kuli Yawe Lesa obe, uwamufumishe mumpanga ya Egupti, mungánda ya busha. ¹¹ Bonse abena Israele bakabomfwa kabili no kutina,kabili tabaka bwekeshepo ukucita icabipa ngeciapo muli mwebene. ¹² Nga waumfwa uli onse alanda pamusumba wenu umo, uo Yehoba Lesa wenu amupele ukwikalamo: ¹³ bamo bancita tubi banabo nabafuma muli imwe kabili balefumyamo abekala mushi mu musumba wabo nokutila, 'Noktuleya nokupepa balesa bambi abo iwe mushaishiba. ¹⁴ Elyo mukeshiwa icishinka icishinka, mukafwaya fwaya mukasanga ukuti cacine kabili cintu cabipa fyalicitwa mukati kenu, elyo iwe ufwile wabombako ¹⁵ Iwe mucine cine mukacimfya abekashi ba mu musumba ulya kulutwe lwampanga, mukonaula conse icilimo na bonse abantu abekalamo, kumo ne fitekwa fyabo kulupanga. ¹⁶ Iwe ukalonganya fyonse ifyo naikete pakati kanshila kabili mukoce no musumba, ne fipe fonse ifyaonaika_pantu Yawe Lesa wenu. Kabili umusumba ulya ukabe ifitantala umuyayaya, kabili tawakatale aukulwa na kabili. ¹⁷ Kabili mwikekatilila icili conse icifwile ukonaulwa cifwile caikalila mu maboko yobe. Neci cifwile ukuba umulandu ,pqntu Yawe akabweshamo ubukali bwakwe, no kulanga uluse, ali kukwatila inkumbu pali iwe, kabili akakufushisha mumpendwa, nga filya fine Lesa alaipile ifikolwe fyenu. ¹⁸ Lesa akacita ici pantu mulomfwa kwi shiwi lya kwa Yehoba Lesa wenu, no kusunga yonse amakambisho ayo ine ndekukambisha iwe lelo, ukucita ici icalungama pa cinso cakwa Yawe Lesa wenu.