¹ Pali ilya nshita Yawe atile kuli ine, 'BAasa amabwe yabili ngayalya ayapakubala, kabili unine kuli ine palupili, nokupanga imbokoshi yacimuti. ² Naine nkalemba amashiwi pa mabwe yalya yaliko pakubala ayo watobele, elyo ukayabike mumbokoshi.' ³ Eico napangile imbokoshi yacimuti ca mushita, nokubasa amabwe yabili ngayalya ayapakubala, nokunina palupili, namabwe yabili mu minwe yandi. ⁴ Alembele pamabwe, ngafilya pakubala alembele, amafunde ikumi ayo Yawe asosele kuli imwe palupili ukufuma mu kati mulilo mubushiku mwalongene; elyo Yawe ayapele kuli ine. ⁵ Nalipilibwike nokutentemuka ulupili, elyo nokubika amabwe mu mbokoshi ayo napangile; ukuti yekale mulya, ngefyo Yawe ankambishe.'' ⁶ Abana bakwa Israeli bafumine ku Beerote bene Yakani nokuya Mosera. Kulya eko Aaroni afwilile, kabili eko ashikilwe; Eleasari, umwana wakwe umwaume alimupyene pali bushimapepo. ⁷ Ukufuma kulya baile ku Gudigoda, elyo ukufuma ku Gudigoda baile ku Yotebata, impanga yamilonga yamenshi. ⁸ PAli ilya inshita Yawe asalile umukowa wa bena Lebi ukusenda imbokoshi yacipingano cakwa Yawe, ukwiminina icinso cakwa Yawe ukumubombela, nokupala abantu mwishina lyakwe, nga leelo. ⁹ Eco Lebi ashakwatila icakaniko nangu ubupyani bwa mpanga pamo nabamunyina; Yawe ebupyani ngafilya fine Yawe Lesa wenu asosele kuli ena.) ¹⁰ ''Ine naikele palupili ngashilya inshiku shapakubala, inshiku amakumi yane akasuba no bushiku. Yawe alilimfwile kuli ine pali ilya nshita; Yawe taifwaile ukumyonaula imwe. ¹¹ Yawe alile kuli ine, 'Ima, kabiye kubantu nokubatungulula mubulendo bwabo; bali nokuya kwata impanga iyo nalapile kufikolwe fyabo ukupelwa kuli bena.' ¹² Nomba, Israeli, cinshi Yawe Lesa alefwaya kuli imwe, nakucilisha ukuti na Yawe Lesa wenu, ukwenda mu nshila shakwe, ukumutemwa, nokumupepa Yawe Lesa nomutima obe no mweo obe, ¹³ ku kusunga amafunde yakwa Yawe, namafunde ayo ndemikambisha ileelo pakuti ifintu filemuwamina? ¹⁴ Mona, kuli Yawe Lesa obe kuli umulu elyo no mulu wa myulu, isonde, nafyonse fyonse ifyabamo. ¹⁵ Ekafye Yawe abulile inshita muli bashinwe ukuti abatemwe bena, elyo na ena asala iwe, ulupwa lwabo, panuma yabo, ukucila pabantu bambi ngefyacita ileelo. ¹⁶ Eico sembululeni inkanda yakunse ya mitima yenu, nokukana kosha imikoshi shenu. ¹⁷ Pantu Yawe Lesa wenu, ni Lesa uwatu lesa elyo ni Shikulu uwabashikulu, uwacila bashikulu bonse, Lesa mukulu uwamaka tapoka mafisa kanwa. ¹⁸ Ena apingwila umulinganya uwabula wishi elyo namukamfwilwa, no kubalanga ukutemwa umutula tulafye nokumupela ifyakulya ne fyakufwala. ¹⁹ Eico temweni abatula tulafye; pantu nwmwe mwali abatula tulafye mumpanga ya Egypto. ²⁰ Imwe mukatina Yawe Lesa wenu; ena eo mukalalumbanya. Kuli ena eko mulambatile, kabili mwishina lyakwe emo mulelapila. ²¹ Ena ekutashiwa kobe, kabili ena ni Lesa obe, ifi kalamba elyo ifintu ifyakutinya, ifyo amenso yenu yamona. ²² Ba shinwe baile ku egypto balifye abantu amakumi cine lubali; leelo Yawe Lesa wenu amulenga ukufula ngentanda shamu mulu.