¹ Elisha kasesema aitile umo pabana baume babakasesema nokutila kuli ena, ''Fwalila ubulendo, nokubula umusukupala wa mafuta mu minwe yobe nokuya ku Ramote Gileati. ² Ilyo ulefika kulya, uye ufwaye Yehu, umwana mwaume wakwa Yoshafati umwana mwaume wakwa Nimushi, nokwingila nokuleka ena ukufuma pabanankwe, nokuyamwingisha mumuputule wamukati. ³ Elyo uye ubule umusukupala wa mafuta nokumwitila pa mutwe wakwe nokusoa auti, ''Yawe asosa ifi: ''Ninkusuba webo imfumu pali Israele.'' Lyena wisuleko icibi nokubutuka wishinga shinga.'' ⁴ Eco umulumendo, kasesema aile ku Ramote Gileati. ⁵ Ilyo afikile, moneni bamushika ba nkondo baikele pamo, eco umulumendo kasesema atile, ''Ninjisa namashiwi kuli iwe mushika.'' Yebu aipwishe ati, ''Nikuli nani pali ifwe?'' Naena alyaswike ati, ''Kuli iwe, mushika.'' ⁶ Eco Yehu alimine nokwingila mu ng'anda, nakasesema aitile amafuta pa mutwe nokusosa kuli Yehu ati, ''Yawe, Lesa wakwa Israel, asosa ici: 'Ninkusuba imfumu pabantu bakwa Yawe, pali Israele. ⁷ Ufwile ukwipaya aba ng'anda yakwa Ahabu shikulu obe pakuti ningalandula umulopa wababomfi bonse aba kwa Yawe abo abaipaiwe nokuboko kwakwa Yesebele. ⁸ Pantu aba ng'anda yakwa Ahabu bonse bakaloba, kabili nkaputula ukufuma kuli Ahabu umwana mwaume onse, umusha nangu umuntungwa. ⁹ Nkacita ing'anda yakwa Ahabu nge ng'anda yakwa Yerobaumu umwana mwaume wakwa Nebati kabili nge ng'anda yakwa Basha umwana mwaume wakwa Ahiya. ¹⁰ Imbwa shikalya Yesebele mu Yesereli, elyo kabili takwakabe nangu umo uwakumushika.'' Elyo kasesema ayaswike icibi nokufulumuka. ¹¹ Elyo Yehu alifumine nokuya kubabomfi bakwa shikulu wakwe, naumo asosele kuli ena ati, ''Bushe ifintu fili bwino? Cinshi ili shilu lyacishila kuli webo?'' Yehu alibaswike ati, ''Mwalimwishiba ulya muntu nomusangon wafintu asosa.'' ¹² Basosele abati, ''Fyabufi ifyo. Twebeko.'' Yehu ayaswike, ''Acisosa ifi nafilya kuli ine, kabili acisosa nokuti, 'Ifi efyo Yawe alanda: Ninkusuba nge mfumu pabena Israele.'' ¹³ Umuntu nomuntu bwangu bwangu afulile icakufwala cakunse nokubika mwisamba lyakwa Yehu pa makasa. Balishishe ipenga nokuti, ''Yehu emfumu.'' ¹⁴ Muli iyi nshila Yehu umwana mwaume wakwa Yehoshafati umwana mwaume wakwa Nimishi alipangila Yoramu. Nomba Yoramu alecingilila Romati Gileadi, ena nabonse abena Isarele, pamulandu wakwa Hasaele imfumu yabena Aramu, ¹⁵ lelo imfumu Yoramu yalibwelelemo ku Yesereli kuku ndapwa ifilonda ifyo abena Aramu bamucenene, ilyo alwile na Hasaele imfumu yabena Aramu. Yehu asosele kubabomfi bakwa Yoramu ati, ''Ili nga etontonkanyo lyenu, kanshi mwileka nangu umo afyuke nokufuma mu musumba nokuyashimika ili lyashi mu Yesereti. ¹⁶ Elyo Yehu aninine mwi celeta ukuya ku Yesereti; pantu Yoramu aletusha kulya. Nomba Ahasia imfumu yabena Yuda alitentemwike kukumona Yoramu. ¹⁷ Malonda aiminine palupungu Yesreli, elyo amwene ibumba lyakwa Yehu ilyo lileisa pa ntamfu, asosele ati, ''Namona ibumba lya baume lileisa, Yoramu asosele ati, ''Bula uwapali kabalwe, nokumutuma ayeeba abakumanye, mwebe ayebepusha ifi, 'Bushe mwaisa mu cibote?''' ¹⁸ Eco umwaume alituminwe pali kabalwe kukumukumanya, asosele ati, ''Eco Yehu asosele ati, ''Cinshi nkwete kumutende? Pilibuka nokulikonka panuma.'' Elyo malonda ayebele imfumu ati, ''Inkombe naibakumanya, lelo tailebweluluka.'' ¹⁹ Elyo atumine uwacibili umuntu pali kabalwe, uwaishile kuli bena nokusosa ati, ''Imfumu yasosa ici,'' Bushe waisa mucibote?''' Yehu ayaswike ati, ''Cinshi ukwete ku mutende? Pilibuka nokukonka panuma yandi.'' ²⁰ Nakabili malonda asosele ati, ''Nabakumanya, nomba talebweluluka. Pantu nemwenseshe yeceleta ili kwati myenseshe yakwa Yehu mwana Nimishi, aleensha bushilu bushilu.'' ²¹ Eco Yoramu asosele ati, ''Pekanyeni iceleta lyandi.'' Balipekenye icelelta lyakwe, na Yoramu imfumu yaba Israele na Ahasia imfumu yabena Yuda baliminine nokufuma cilamuntu mwi celeta lyakwe, ukuya kumanya Yehu. Bailemusangila pacakaniko cakwa Nabote umwina Nasareti. ²² Ilyo Yoramu amwene Yehu, asosele ati, ''Bushe uleisa mucibote, Yehu?'' Ayaswike ati, ''Cibote nshi cilipo, ilyo imicitile yabulale lale nobuloshi ubwa kwa noko Yeserele lyafulisha?'' ²³ Eco Yoramu apindulwiie iceleta lyakwe nokufulumuka elyo nokusaosa kuli Ahasia ati, ''Apapile bucisanguka, Ahasia.'' ²⁴ Elyo Yehu akanine ubuta bwakwe namaka yakwe yonse nkulasa Yoramu pakati kamabeya yakwe; umufwi wapulinkenye pamutima wakwe, atobelele namwiceleta lyakwe. ²⁵ Elyo Yehu atile kuli Bidika mushika wakwe, ''Mwimye nokumuposa mwibala lyakwa Nabote umwina Yeserele. Tontonkanya pafyo ilyo iwe na ine twaninine pamo ukukonka Ahabu wishi, Yawe abikile ubusesemo ubu pali ena: ²⁶ 'Mailo nalimwene umulopa wakwa Nabote nomulopa wabana bakwe abaume elyo asosa Yawe kabili cinefye nkamulenga ukulandwila pali ici pali ili ibala, efyo asosa Yawe. Eico nomba, mwimye nokumuposa pali ili ibala, umwabela ishiwi lyakwa Yawe.'' ²⁷ Ilyo Ahasia imfumu yabena Yuda yamwene ici, yalibutwike ukuya kumulu wa musebo ku Beti Hagami. Lelo Yehu alimukonkele, nokusosa ati, ''Mwipayeni naena mwiceleta,'' nabena balimulashile pa muniniko wa Guri, uwabela ku Ibleam. Ahasia abutukile ku Megido nokufwila kulya. ²⁸ Ababomfi bakwe basendele umubili wakwe mwi celeta ukuya ku Yerusalemu nokumushika mu nshinshi yakwe pamo na bawishi mumusumba wakwa Davidi. ²⁹ Nomba cali mumwaka walenga ikumi limo naumo iyakwa Yoramu umwana umwaume uwakwa Ahabu emo Ahasia atampile ukuteka Yuda. ³⁰ Ilyo Yehu aishile kuli Yeserele, Yeserele aumfwile palwa ici, kabili apentele amenso yakwe, awemye umushishi wakwe, nokulolesha panse pa nsolokoto. ³¹ Lilya Yehu aleingila pa mpongolo, umwanakashi asosele kuli ena ati, ''Bushe waisa mucibote, webo Simiri, wewaipeye wisokulu?'' ³² Yehu apunamine pa nsolokoto nokusosa ati, ''Nani uuli kulubali lwandi? Nani?'' Elyo babili nangu batatu bamutungwi balolesheko. ³³ Eico Yehu asosele, ''Muposeni panshi.'' Eico baposele Yesebele panshi, nomulopa wakwe umo wasabukile kucibumba kuli bakabalwe, kabili Yehu bamunyantawile. ³⁴ Ilyo Yehu aingile kwisano alilile nokumwa. Elyo asosele ati, ''Moneni nomba kuli uyu mwanakashi watipwa nokumushika pantu mwana wa mfumu.'' ³⁵ Baile kukumushika, lelo tabasangile icintu ukucila pacipanga, amakasa, nefisansa fyamaboko yakwe. ³⁶ Eico balibwelelemo nokwebe Yehu. Asosele ati, ''Ili eshiwi lyakwa Yawe ilyo alandile mu mubomfi wakwe Eliya umwina Tishibite, ukutila, 'Mumpanga pa ncende ya Yeserele imbwa shikalya umunofu wakwa Yeserele, ³⁷ nomubili wakwa Yeserele ukaba nga citindi pamulu wamabala mu mpanga pa ncende yakwa Yeserele, ico kanshi takuli nangu umo uukasosa ati, ''Uyu ni Yesebele.'''