¹ Kabili Elisha asosele ku mwanakashi umwine wamwana mwaume umo abweseshe kubumi. Atile ku mwanakashi, ima kabiye naba ng'anda yobe, no kwikala konse ulefwaya mu calo cimbi, pantu Yawe naita icipowe ico icalaisa muli cino calo pa mwaka cine lubali.'' ² Umwanakashi alimine nokukonka ishiwi lya muntu wakwa Lesa. Umwanakashi aile naba ng'anda yakwe nokwikala mu calo caba Pelishit imyaka cine lubali. ³ Pampela ya myaka cine lubali umwanakshi abwelele ukufuma mu calo caba Pelishit, aile ku mfumu mukulomba ing'anda yakwe ne mpanga. ⁴ Imfumu yalelenda na Gehasi umubomfi umuntu wakwa Lesa, aiti, ''Napapata njeba ine fyonse fintu ifikalamba ifyo Elisha acita.'' ⁵ Ilyo alelondolwela imfumu pafyo Elisha abweseshe kubumi umwana wafwile, na ulya mwanakashi uo umwana mwaume wakwe wabushiwe aishile mukulomba ku mfumu ing'anda ne mpanga. Gehasi, atile, ''Shikulu wandi, imfumu, uyu euyu mwanakashi, na uyu emwana mwaume wakwe, eo Elisha abweseshe ku mweo.'' ⁶ Elyo imfumu yaipwishe umwanakashi palwa mwana wakwe mwaume, ailondolwele. Imfumu yapele ikambisho ku mukalamba wabashilika ku mwanakashi, yatile, ''Mubweseshe fyonse ifyali fyakwe nobusomboshi bwa mabala yakwe ukufuma ubushiku afumine mu calo kufika nalelo. ⁷ Elisha aishile ku Damaseke uko Ben Hadadi imfumu yabena Aramu yalwele. Imfumu yaebelwe, ''Umuntu wakwa Lesa naisa muno.'' ⁸ Imfumu yatile kuli Hzeale, ''Bula senda icabupe mu minwe yobe nokukumanya muntu wakwa Lesa, nokwipushako kuli Yawe kupitila muli ena, atile, ''Nkapola ukukulwala?''' ⁹ Hazaele aile mukukumanya asendele ifyakumupela ifintu ifyapusana pusana ifisuma ifya mu Damaseke, fyasendelwe pa ngamali amakumi yane. Hazaele aishile iminina ku cinso cakwa Elisha atile, ''Umwana mwaume obe Ben Hadadi imfumu yamu Aramu natuma ine kuli iwe, atile, kapola ukulwala uku?'' ¹⁰ Elisha atile kuli ena, ''Kabiye, ulande kuli Ben Hadadi, mucine ukapola,' lelo Yawe nananga ukuti mucine akafwa.'' ¹¹ Elyo Elisha amulolekeshe pa menso Hazaele mpaka aumfwile insoni, na umuntu wakwa Lesa alilile. ¹² Hazaele aipwishe, ''Bushe shikulu wandi cinshi alilila?'' Ayaswike, ''Pantu ninjishiba ububi ukacita kubena Israel. Ukoca intungulushi shabo pa mulilo, ukepaya abalumendo kulupanga, abana banono ukufwantaula, nokulepula amafumo yabo abanakashi.'' ¹³ Hazaele ayaswike, ''Nani umubomfi, uwinga cita icintu cakulefi? Ninshi nimbwa.'' Elisha ayaswike, 'Yawe nananga ukuti ukaba imfumu pali Aramu.'' ¹⁴ Elyo Hazaele afumine kuli Elisha aishile kuli shikulu wakwe, uwa sosele kuli ena, ''Cinshi Elisha acilanda kuli iwe?'' Ayaswike, ''Anjebele ati ukupola akapola.'' ¹⁵ Elyo ubushiku bwakonkelepo abulile icakufimbana Hazaele nokucibika mu menshi, nokubwanshika pali Ben Hadadi pa menso pakweba ati afwe. Elyo Hazaele aishileba mfumu mwi punda lyakwe. ¹⁶ Mumwaka uwa cisano kuli Yehoramju umwana mwaume wakwe Ahabu, imfumu yakwa Israel, Yehoramu atendeke ukuteka ali mwana mwaume wakwa Yehoshafat imfumu yabena Yuda. Atendeke ukuteka ilyo Yehoshafat ali mfumu yakwa Yuda. ¹⁷ Yehoramu ali nemyaka amakumi yabili iyabukulu ilyo atendeke ukuteka, kabili ali mfumu imyaka cine konse konse, Yerusalemu. ¹⁸ Yehoramu aendele mumibele ya shamfumu sha Israel, nge ng'anda yakwe Ahabu balecita; pali ico alikwete umwana mwanakashi wakwa Ahabu nga umukashi wakwe, kabili acitile ulubali ku cinso cakwa Yawe. ¹⁹ Nipamulandufye wa mubomfi wakwe David, Yawe talefwaila ukonaula Yuda, ukufuma apo aebelwe lyonse akalapela imfyalwa. ²⁰ Munshika shakwe Yehoramu, Edomu alwile ukufuma kukuboko kwakwa Yuda, baimike imfumu mulwabo. ²¹ Elyo Yehoramu ayabwike ku Sairi namaceleta yakwe. Elyo abena Edomu bashingulwike Yehoramu, umukalamba wamaceleta aiminine nokunina noku bapakasa ubushiku; lelo abashilika bakwa Yehoramu babutwike nokubwelela mu mayanda yabo. ²² Edomu asangukile amafunde yakwa Yuda ukufika nabuno bushiku. Libana alwile pa nshita imoine. ²³ Kabili imilandu yakwa Yehoramu, naconse acitile, tafyalembwa mwibuku lyaficitwa mu sha mfumu shabo Yuda? ²⁴ Yehoramu atushishe naba wishi nokushikwa kuli ba wishi mumusumba wakwa David. Elyo Ahasia umwana wakwe umwaume ali mfumu mwipunda lyakwe. ²⁵ Mu mwaka wekumi a ibili kuli Yehoramu umwana mwaume wakwa Ahabu, imfumu yakwa Israel, Ahasia umwana mwaume wakwa Yehoramu, mfumu yakwa Yuda atendeke ukuteka. ²⁶ Ahasia ali nemyaka amakumi yabili na ibili iyabukulu iyo atendeke ukuteka; atekele umwaka umo mu Yerusalemu. Ishina lyakwa nyina lyali ni Atalia; ali mwana mwanakashi wakwa Omri, mfumu ya Israel. ²⁷ Ahasia aendele mumibele ya ng'anda yakwa Ahabu; acitile ububi mu menso yakwa Yawe, nge fyacitile ing'anda yakwa Ababu, pantu ali nishifyala wa ba ng'anda yakwa Ahabu. ²⁸ Ahasia aile Yoramu umwana mwaume wakwa Ahabu, mukulwa na Hasaele, imfumu yabena Aramu ku Ramote Gilead; eko abena Aramu bacenene Yoramu. ²⁹ Imfumu Yoramu abwelele kukundapwa ifilonda mu Yesreele, abena Aramu bamucenene mu Rama, Elyo alwile na Hasaele imfumu ya bena Aramu. Ahasia mwana mwaume wakwa Yehoramu, imfumu yabena Yuda, atenetemukile ku Yesreele mukumona Yoramu umwana mwaume wakwa Ahabu, pantu Yoramu alicenenwe.