¹ Mulishilya inshiku Hisekia alilwele mupepi nokufwa. Eico Esaya umwana mwaume wakwa Amose, kasesema aishile kuli ena, elyo atile kuli ena, ''Yawe atile, 'upekenye ing'anda yobe munkonka: pantu uli nokufwa, nokukanaba nobumi.'''' ² Elyo Hisekia apilibwile icinso cakwe kucebumba elyo apele kuli Yawe, atile, ³ ''Napapata, Yawe, ndibukisheni ifyo ine naendele mucishinka pacinso cenu nomutima wendi onse, elyo ifyo ine nacita ifyo ifisuma mumenso yenu.'' Elyo Hisakia alilile mukupongomoka. ⁴ Elyo Esaya talaya kumfumu mulubansa lwapakati, ishiwi lyakwa Yawe lyaishile kuli ena, ukutila, ⁵ ''Bwelela kunuma, elyo utile kuli Hasekia intungulushi yabantu bandi. Ici eco Yawe, Lesa wakwa Davidi icikolwe cobe alanda: ''Ningufwa ipepo lyobe, elyo nimbona ifilamba fyobe. Ndi nokukundapa pabushiku bwalenga butatu, elyo uli nokuya kung'anda yakwa Yawe. ⁶ Ine ndinokulundako imyaka ikulimo nalisano kubumi bobe, elyo ine nkakupususha na uyu musumba ukufuma muma boko ya Asiria, elyo ine nkacingilila uyu musumba palubali lwandi elyo nokulubali lwakwa Davidi umubomfi wandi.''''' ⁷ Kabili Esaya atile, ''Senda umwina wamumikunyu.'' batile eico nokubika cena mumbale yakwe, elyo ena apolele. ⁸ Hisakia atile kuli Esaya, ''Cinshi cikaba icisambililo icakuti Yawe ali nokundapa ine, elyo ukuti ine nkaya kwitempele lyakwa Yawe pabushiku bwalenga citatu?'' ⁹ Esaya amubweseshe, ''Ici cikaba icishibilo kuli iwe ukufuma kuli Yawe, ukti Yawe ali nokucita icntu ico ena asosa. Bushe icinshingwa cileya kuntanshi intapulo ikumi, nangu ukuya kunuma intapulo ikumi?'' ¹⁰ Hisakia alyaswike, ''Cintu icayanguka kucishingwa ukuyakuntanshi intapulo ikumi. Awe, leka icishingwa ciye kunuma intampulo ikumi.'' ¹¹ Eico Esaya kasesema alilile kuli Yawe, elyo ena abweseshe icinshingwa intapulo ikumi kunuma, ukufuma palya caselele pantampulo shakwa Ahasi. ¹² Pali ilya inshita Marduki-Baladani umwana mwaume wakwa Baladani imfumu ya Babiloni yatumine inkalata ne cabupe kuli Hisekia, pantu ena alyumfwile ukuti Hisakia alilwele. ¹³ Hisekia akutike kuli yalya amakalata, elyo kabili alangile bakaposa conse icipangano nefyabunkala ifintu, silfere, golide,na mafuta yawamisha, elyo nenga'anda yakwe, nanu icili conse mubufumu bwakwe, ico Hisekia talangile bena. ¹⁴ Elyo Esaya kasesema aishile kumfumu Hisekia nokumwipusha ena, Bushe aba bantu batile shani kuli iwe? Bafumine kwisa? ''Hisakia atile, ''Bafumine ku calo caku tali Babiloni.'' ¹⁵ Esaya aipwishe , ''Finshi bamwene mung'anda yobe? ''Hisakia alyaswike, ''Nabamona fyonse mung'anda yandi. Tapali nangu cimo ifyabukankala bwandi ifyo nshibalangile bena.'' ¹⁶ Eico Esaya atile kuli Hesakia, ''Umfwa kwishiwi lyakwa Yawe: ¹⁷ Lolesha, inshiku shilimukwisa ilyo icliconse mucipango cobe, ifintu filya ififkolwe fyobe fyatucitile ukufika na pabushiku bwelelo, fikasendwa ku Babiloni. Nangu cimo tacakashale, efyasosa Yawe. ¹⁸ Bamo abalupwa lobe iwe ukufyala balinokusendwa ukufuma kuli iwe, Elyo bakasangwa bacilolo mucipango ca mfumu ya Babiloni.''' ¹⁹ Elyo Hisakia atile kuli Esaya, ''Ishiwi lyakawa Yawe ilyo iwe wasosa lisuma.'' Pantu ena atonkenye, ''Bushe takwakabe umutende no mutelelwe munshika shandi?'' ²⁰ Nga pamilandu imbi ikumine Hesekia, namaka yakwe yonse, elyo ifyo ena akulile icshiba nomufolo, elyo ifyo aletele amenshi mukati kamusumba-bushe tafyalembwa mwibuku lya milandu yashamfumu sha mu Yuda? ²¹ Hisekia alele nefkolwe fyakwe, elyo Manase umwana wakwe umwaume aishileba imfumu iakumupyana.