¹ Mumwaka walenga imakumi yabili na itatu uwakwa Yehoashi umwana mwaume wakwa Ahasia imfumu yaba Yuda, Yehoashi umwana mwaume wakwa Yehu atendeke ukuteka mu Israel mu Samaria, kabili atekele pa myaka ikumi na cine lubali. ² Kabili alecita ifyabipa mu menso yakwa Yawe nokwenda mulubembu lwakwa Yeroboamu umwana mwaume wakwa Nebati, uwalengele Israel ukubembuka; elyo Yehoashi tafumineko kuli bena. ³ Ubukali bwakwa Yawe bwaimine abena Israel, icakuti abapele muminwe yabena Hasaele imfumu ya Aramu na mu minwe yakwa Benhadadi mwana Hasaele. ⁴ Eico Yehoashi anashishe Yawe kabili Yawe alimumfwile ena pantu alimwene ifyo balecula abena Israel, ifyo imfumu yaku Aramu yalebacusha bena. ⁵ Eico, Yawe apeele Israel umupashi, icakuti bafumine mu minwe yabena Aramu, nabana bakwa Israel baikele mu ma yanda yabo nga kale. ⁶ Lelo, tabafumine kulubembu lwaba mu ng'anda yakwa Yeroboamu, ulwalengele Israel ukubembuka, nokutwalilila muli bena; necimuti caimikwa cashele mu Samaria. ⁷ Abena Aramu bashile Yehoashi na makumi yasano ya bantu bali pali bakabalwe, namaceleta ikumi, nabakwenda pamakasa amakana ikumi, pantu imfumu yaku Aramu yalibonawile bena pakuti babacite ngo lukungu lwakupuminapo pa nshita yakulusha. ⁸ Kabili imilandu yashalako iyakwa Yehoashi nafyonse ifyo acitile muli bumpalume bwakwe, bushe tafyalembwa mwi buuku lya milandu ya sha mfumu sha mu Israel? ⁹ Eico Yehoashi aleele ukwalala ifikolwe fyakwe, bamushikile mu Samaria, no mwana wakwe umwaume Yehoahashi asangwike imfumu pa cifulo cakwe. ¹⁰ Mumwaka walenga cine lubali ukutula apo Yehoashi imfumu yaba Yuda, ukuteka kwakwa Yehoashi umwana mwaume wakwa Yehoahashi atendeke ukuteka Israel mu Samaria, atekele imyaka ikumi na mutanda. ¹¹ Ena acitile ifyabipa mu menso yakwa Yawe. Ena tashilepo kunuma imembu shakwe shonse ishakwa Yerohoamu umwana mwaume wakwa Nebati, isho alengele abena Israel ukubembuka, nomba ena aendele nabena. ¹² Ngefyo imilandu imbi iikumine Yehoashi, nafyonse ifyo acitile, muli bumpalume bwakwe nefyo alwile na Amasia imfumu yaba Yuda, bushe tafyalembwa mwi buuku lya milandu ya sha mfumu sha mu Israel? ¹³ Yehoashi aleele ukwalala ifikolwe fyakwe, na Yeroboamu aikele pacipuna cakwe ica bufumu. Na Yehoashi ashikilwe mu Samaria ukwashikilwe ishamfumu sha kwa Israel. ¹⁴ Nomba Elisha alilwele ubulwele ubo kuntanshi bwa mwipeye, eico Yehoashi imfumu yakwa Israel aile kuli ena nokulilila pali ena. Ena atile, ''Mwe tata wandi, mwe tata wandi, iceleta ilya kwa Israel naba pali bakabalwe balekusenda iwe.''' ¹⁵ Elisha atile kuli ena, ''Bula ubuta nemifwi,'' elyo Yehoashi abulile ubuta nemifwi. ¹⁶ Elisha atile ku mfumu yaba Israel, ''Ikata ubuta muminwe yobe,'' elyo ena abikilepo nokuboko kwakwe. Na Elisha abikilepo iminwe yakwe pa minwe ya mfumu. ¹⁷ Elisha atile, ''Isula iwindo lyakukabanga,'' nayo yaliswile. Elyo Elisha atile, ''Lasa'', nayo yalilashile. Elisha atile, ''Uyu mufwi wakwa Yawe uwakucimfya, mufwi wakucimfishako Aramu, pantu iwe ukapasa abena Aramu mu Afeke mpakafye nokubafwilisha bena. ¹⁸ Elyo Elisha atile, ''Bula imifwi, ''Yehoashi nao abulile. Ena atile ku mfumu yaba Israel, ''Lasa panshi kuli iyo ine,'' nayo yalashile panshi imiku itatu, nokuleka. ¹⁹ Nomba umuntu wakwa Lesa afulilwe kuli ena nokutila, ''Wacilinga ukulasa panshi imiku isano nangula mutanda. Elyo iwe nga walipasa Aramu mpakafye nokumupwilishisha, nomba iwe wapasafye Aramu imikufye itatu.'' ²⁰ Elyo Elisha afwile, kabili bamushikile ena. Nomba ama bumba yabena Moabu yalebelele icalo kukutampa kwa mwaka. ²¹ Nomba ilyo baleshika umuntu, bamwene ibumba ilya bena Moabu, nabo baposele umubili umunshinshi yakwa Elisha. Ilyolinefye umuntu aikete kumafupa yakwa Elisha, ena alipokelele nokwiminina kumakasa yakwe. ²² Hasaele imfumu yaku Aramu yalecusha abena Israel inshiku shonse isha kwa Yehoahashi. ²³ Nomba Yawe ali necikuku kubena Israel, kabili ali nenkumbu pali bena, pamulandu wacipangano apangene na Abraham, Isaki na Yakobo. Kabili Yawe tabonaula bena, kabili tabatamfya ukufuma ku cinso cakwe. ²⁴ Hasaele imfumu yaba Aramu yafwa, no mwana mwaume wakwa Ben Hadadi ewali imfumu pacifulo cakwe. ²⁵ Yehoashi umwana mwaume wakwa Yehoahashi apokelwele kuli Ben Hadadi umwana mwaume wakwa Hasaele imisumba iyo apokele kuli Yehoahashi wishi wabulwi. Yehoashi amupakese imiku itatu, kabili ena apokelelwe nemisumba yakwa Israel.