¹ Mu mwaka walenga cine lubali uwa Yehu, Yehoashi atendeke ukuteka; atekele imyaka amakumi yane mu Yerusalemu. Kabili ishina lyakwa nyina ali ni Sibia, uwaku Beere-Sheba. ² Yehoashi alecita ifisuma mu menso yakwa Yawe inshita yonse, pantu Yehoyanda shimapepo alemusambilisha. ³ Leelo incende shapamulu ishakupepelamo tashifumishepo. Abantu Baali bacili balepela amalambo no kufutumwinapo icushi pa ncende shapamulu. ⁴ Yehoashi atile kuli shimapepo, ''Indalama shonse ishamitulo yamushilo ishiletwa mu ng'anda yakwa Yawe, indalama ishalingwa umuntu umo na umo, indalama shabantu ukulingana no musonko cila muntu apanga mu mutima ukuti esho akaleta ku ng'anda yakwa Yawe- ⁵ kabili lekeni bashimapepo umo naumo bapoke indalama ku bantu babo nokuwamya ponse apali umulale uo basanga mu ng'anda yepepo.'' ⁶ Nomba mu mwaka walenga amakumi yabili na itatu uwakuteka kwa mfumu Yehoashi, bashimapepo tabawemye nangu cimo mung'anda yepepo. ⁷ Eico imfumu Yehoashi yaitile shimapepo Yehoyada na bashimapepo bambi; no kubeba bonse ati, ''Nga cinshi ico imwe tamulewamisha imilale munganda yepepo? Nomba mwilabula ndalama ishilesonkwa na bantu leelo muleshipoka ishakuwamishamo inganda yepepo lelo muleshitwala ku mulimo wakucilika imilale mung'anda yepepo.'' ⁸ Kanshi na bashimapepo balisumine ukukana bula indalama ishalefuma kubantu nangu ukuwamya ing'anda yepepo abene beka. ⁹ Nomba, Yehoyada shimapepo abulile icipao nokutula icipunda pa nkupiko, no kucibika lubali ne cibumbili celambo, lwa ku kulyo kwa muntu uleingila mu ng'anda yakwa Yawe. ¹⁰ Kabili bashimapepo mulya ebalelonda abapamwinshi abalebika indalama shonse ishaleletwa mu ng'anda yakwa Yawe. Kabili nga bamona ukuti indalama shafula sana mu cipao, kalemba wa mfumu na shimapepo mukalamba baleisa bashibika mu mifuko no kushipenda indalama ishasangilwe mu ng'anda yepepo iya kwa Yawe. ¹¹ Balepela indalama isho bapendele kubalebomba umulimo abalashikwe no kulasunga ing'anda yepepo yakwa Yawe. Baleshipela kuli bakabasa ba ng'anda nakuli bakakula abalebomba umulimo pa ng'anda yepepo yakwa Yawe, ¹² na ku baishiba ukukulila na mabwe na kuli bakaputula wa mabwe pakuti bashitemo imbao na mabwe ayaputulwa ifyakuti babomfye ku kuwamya imilale ya ng'anda yepepo yakwa Yawe, na kuli fyonse ifyalefwaikwa nefyaleshitwa ku kuwamya ing'anda. ¹³ Nomba indalama ishaleletwa mukati kang'anda yakwa Yawe tashabomfiwe ku kupangilamo ifyakubikamo amenshi ayakusamba ifya silbere, ifya kushimishako umulilo, imbale shafonka, amapenga, nangu ici conse ica golide atemwa icipe ca silbere. ¹⁴ Balepela isha ndalama kuli abo abalebomba imilimo yakuwamya ing'anda yakwa Yawe. ¹⁵ Kabili mukulundapo, tabalefwaya indalama shakupepla abalewamya, pantu aba bantu abaume bali abacishinka. ¹⁶ Nomba indalama sha mitulo ya pamembu shena tashaletwalwa ku ng'anda yepepo yakwa Yawe, pantu shali shabashimapepo. ¹⁷ Elyo nomba Hasaele imfumu yaku Siria aile lwisha nokulwa na Gati nokuupoka. Hasaele elyo apilibwike nokuya lwisha Yerusalemu. ¹⁸ Eico Yehoashi imfumu yakwa Yuda abulile ifintu fyonse ifyo Yehoshafati na Yehoramu na Ahasia, ifikolwe fyakwe, imfumu shakwa Yuda, bapekenye imitulo yakwe bapekenye nafyonse ifya golide onse uwasangilwe mu ng'anda yacipao iyakwa Yawe namung'anda yakwa Yawe na ing'anda ya mfumu yafitumine nakuli Hasaele imfumu yaku Siria. Elyo Hasaele yaile nokufuma mu Yerusalemu. ¹⁹ Ne mulandu imbi iyashala iya kumine yakwa Yehoashi, fyonse ifyo acitile, bushe tafyalembwa mwibuku lya milandu yashamfumu shakwa Yuda? ²⁰ Leelo ababomfi bakwe balimine no kumupondokela bonse, baipeye na Yehoashi mu Beti Milo, mu nshila iyaya ku Sila. ²¹ Yosakari mwana umwaume wakwa Shimeati, elyo na Yhosabadi umwana umwaume wakwa Shomere, ababomfi bakwe, ebamwipeye, no kufwa. Kabili bamushikile Yehoashi ukwashikwa ifikolwe fyakwe mu musumba wakwa Dabidi, kabili na Amasia, umwana wakwe umwaume, uwaishile ba imfumu pa cifulo cakwe no kuteeka.