¹ Nomba ilyo Atalia, nyina wakwa Ahasia, amwene ukuti umwana wakwe umwaume nafwa, alimine nokwipaya bonse abana bamfumu. ² Leelo Yehosheba, umwana mwanakashi wa mfumu Yehoramu kabili inkashi yakwa Ahasia, asendele Yoashi mwana Ahasia, noku mufisa ukufuma kubana baume bamfumu abaipaiwe, pamo nowalemusakamana; ababikile ku muputule wakulalamo. Bamufishile ukufuma kuli Ahatalia pakuti tabamwipeye. ³ Ashele nankwe pamyaka mutanda, nafisama mung'anda yakwa Yawe ninshi Atalia aleteka icalo. ⁴ Mu mwaka walenga cine lubali, Yehoyada atumine amashiwi nokutila abakalamba ba fita abapa myanda yabena Carite na bamubalinshi, noku baleta kuli ena, mwitempele lyakwa Yawe. Apangene nabena icipangano, nokuleka balape umulapo mung'anda yakwa Yawe. Elyo abalangile umwana wamfumu umwaume. ⁵ Aba peele icipope, nokubeba ati, ''Ifi efyo muli nokucita. Ibuumba lya butatu ilisa pa Sabata bakalalonda ing'anda ya mfumu, ⁶ nelyo lya butatu bakaba pa mpongolo ya Sur, nelya butatu bakabe pampongolo kunuma ya ng'anda ya mulinshi.'' ⁷ Amabumba yabili aya shakalebomba pa Sabata, yafwile ukulinda ing'anda yakwa Yawe pamulandu wa mfumu. ⁸ Mufwile ukushinguluke imfumu, umuntu onse ali nokukwata ifyanso mu minwe yakwe. Na onse uukengila mu mitande, yaba shilika akepaiwa. Mufwile ukuba ne mfumu ilyo ilefumapo nalintu yaingila. ⁹ Awe abaleangalila abashilika umwanda bacitile fyonse ifyo Yehoyada shimapepo akambishe. Cila muntu asendele umuntu wakwe aba leisa pe Sabata, naba bonse abalekele ukubomba pa Sabata, baishile kuli Yehoyada shimapepo. ¹⁰ Elyo Yehoyada shimapepo apele abakalamba bapa myanda amafumo ne nkwela ifyali fya mfumu Dabidi ifyali mu ng'anda yakwa Yawe. ¹¹ Eico abalinshi, baiminine, cila muntu ne canso cakwe muminwe yakwe, ukufuma ku kulyo kwetempele ukufika kulu bali lwa kukuso, mpepi ne cipailo ne tempele ukushinguluka imfumu. ¹² Elyo Yehoyada afumishe umwana mwaume wa mfumu Yoashi nokubika pali ena icilongwe, nkumupela ifipope fyaci pangano. Elyo ba mucitile imfumu nokumusuba. Bamutotele ne minwe yabo nokutila, ''Umweo wamfumu utwalilile!'' ¹³ Ilyo Atalia aumfwile icongo camulinshi ne cabantu aishile kubantu mu ng'anda yakwa Yawe. ¹⁴ Aloleshe, kabili, moneni, imfumu naiminina paluceshi, ukulingana nolutambi, naba kapitao nakalisha wamapenga baiminine mupepi ne mfumu. Nabantu bonse aba mucalo balesekela nokulisha amapenga. Elyo atalia alepwile ifya kufwala fyakwe nokupunda, ''Nabampondokela! Nabampondokela!'' ¹⁵ Elyo Yehoyada shimapepo aebele abacilolo ba pa myanda abo basontele pebumba lya bashilika, atile, ''Mufumyeni mu mutande wabantu. Uyo onse ulemukonka ena, kumwipaya kulupanga.'' Pantu shimapepo atile, ''mwileka ba mwipaile mu ng'anda yakwa Yawe.'' ¹⁶ Eico balimwikete ilyo afikile pancende ya nshila yaba kabalwe bengilila mumansa yang'anda ya mfumu, na kulya kwine eko bamwipaile. ¹⁷ Elyo Yehoyada apangene icipangano pakati kakwa Yawe ne mfumu na bantu, pakuti bengaba abantu bakwa Yawe, kabili ukuba pakati ka mfumu na bantu. ¹⁸ Eico abantu bonse ba mucalo baile kung'anda yakwa baali nokubongolola panshi. Batobawile ifipailo fyakwa Baali nefimpashanya fyakwe fyonse fipimfya fipimfya, nokwipaya Matani, shimapepo wakwa Baali, pantashi yafipailo. Elyo Yehoyada shimapepo asontele abalinshi petempele lyakwa Yawe. ¹⁹ Yehoyada abulile abakalamba bapamyanda, abena Korite, abalinshi nabantu ba mu calo bonse, nabonse pamo baletele imfumu ukufuma mu ng'anda yakwa Yawe kabili balile namu ng'anda ya mfumu, balingile ukupitile inshila yaku mpongolo yaba linshi. Yoashi aikele pacipuna cabufumu ica shamfumu. ²⁰ Eico abantu bonse aba mucalo balisekelele, na mumusumba mwalitondolo panuma Atalia naba mwipaya ku lupanga pang'anda ya mfumu. ²¹ Yoashi alinemyaka cine lubali ilyo atendeke ukuteka.