¹ Nomba Ahasi ali nemfyalwa amakumi cine lubali mu Samaria. Yehu alembele amakalata nokubatumina ku Samaria, kuli bashimafunde baku Yesreele, ukubikapo abakalamba na balesakamana imfyalwa yakwa Ahabu, nokulanda, ² ''Imfyalwa shakwa shikulu shili naimwe, naimwe bene namukwata amaceleta na bakabalwe no musumba welinga ne fyanso. Awe elyo, nga yaisa kalata kuli imwe, ³ musale bwino no kucilisha uwatambalala mu mfyalwa yakwa shikulwinwe noku musala pa malo yakwa wishi, no ku lwila.'' ⁴ Nomba balyumfwile umwenso nokutila abene, ''Moneni ishamfumu shibili tashaiminine pa menso yakwa Yehu. Nomba kuti twaiminina shani?'' ⁵ Elyo umuntu uwale angalila icipango no muntu uwaletungulula umusumba, na bakalamba nabo, nabaleimya abana, batumine ishiwi ukubwesha kuli Yehu, basosele, ''Tuli babomfi bobe. Tukalacita icili conse ico watukonkomesha. Tatwakapange umuntu nangu umo imfumu. Cita iciweme mumenso yobe.'' ⁶ Elyo Yehu abalembele kalata wabubili nakabili asosele, ''Nga muli kulubali lwandi, nangu ngamukomfwa ishiwi lyandi, mu kwisa kuli ine ku Yesreele kabili mailo ino ine nshita.'' Nomba imfyalwa ya mfumu, impendwa ama kumi cine lubali, bali nabashimucindikwa ba musumba, aba baletele. ⁷ Awe ilyo kalata yafikile kuli ine, ba bulile abana ba mfumu abaume no kubepaya, abantu amakumi cine lubali, babikule imitwe yabo mu miseke, nokubatuma kuli Yehu mu Yesreele. ⁸ Inkombe yafikile kuli Yehu, asosele, ''Na baleta imitwe yabana baume abamfumu.'' Atile, ''Ibikeni mumina ibili pa mwinshi wa mpongolo ukufika ulucelo.'' ⁹ Ulucelo Yehu alifumine no kwiminina, noku kutila kubantu bonse, ''Muli bakaele. Moneni, nali pangile shikukulu wandi nokumwipaya, nomba naipeye bonse aba? ¹⁰ Nomba ibukisheni ukuti takwa kabe ishiwi lyakwa Yawe, ishiwi ilyo alandile ukupitilla mulupwa lwakwa Ahabu, ukuponena panshi, pantu Yawe nacita ifyo alandile ukupitila mu mubomfi wakwe Eliya.'' ¹¹ Awe Yehu aipeye bonse abashele mulupwa lwakwa Ahabu mu Yesreele, naba shimucindikwa bakwe, abanankwe aishibene nankwe, naba shimapepo bakwe, tashilepo nangu umo pali bena. ¹² Elyo Yehu alimine nokufumako, aile ku Samaria ilyo afikile pa mpanga shaba kacema, ¹³ akumenye bamunyina abaume Ahasia, imfumu ya Yuda. Yehu atile kuli bena, ''Nimwe bani?'' Bamwaswike, ''Nifwe bamunyina abaume bakwa Ahasia, tuleya mukuposha na bana ba mfumu na bana bakwa na mfumu Yesreele.'' ¹⁴ Yehu atile kubantu bakwe, ''Bekateni aba mweo.'' Awe balibekete aba mweo nokubepaya pa mpanga, abantu bonse amakumi yane na babili. Tashilepo nangu umo pali bena uwamweo. ¹⁵ Ilyo Yehu afumine kulya, akumenye Yehonadabu umwana mwaume wakwa Rekabu aleisa muku mukumanya. Yehu alimuposeshe nokutila kuli ena, ''na iwe?'' Yehonadabu ayaswike, ''Emukwai.'' Yehu atile, ''Nga wampela ukuboko kobe.'' Awe apele Yehu ukuboko kwakwe, na Yehu asendele Yehonadabu na ena mwiceleta. ¹⁶ Yehu atile, ''Isa kuli ine no kumona ukupimpa kwandi pali Yawe. Awe ali Yehonadabu na ena mwiceleta lyakwe. ¹⁷ Ilyo afikile ku Samaria, Yehu aipeye bonse abashele ukufuma mumfyalwa yakwa Ahabu mu Samaria, mpaka aonawile amalo yakwa Ahabu, ukulingana nefyo babebele panuma yeshiwi lyakwa Yawe, ilyo alandile kuli Eliya. ¹⁸ Ilyo Yehu alongenye abantu bonse pamo nokutila kuli bena, ''Ahabu alepepa Baali panono, nomba Yehu akula mupepa sana. ¹⁹ Eico nomba iteni bakasesema bonse abakwa Baali, bonse abamupepa nabashipepo. Mwileka nangu umo ashale, pantu ndine lambo ilikalamba ilya kutula kuli Baali. Kabili uushaise tabe no mweo. Nomba Yehu aciitle ici mubu cenjeshi, na pakuti epaye abalepepa Baali.'' ²⁰ Yehu atile, ''Patuleni inshita iyaku kwata ukulingana ukwa kwa Baali.'' Awe ba bilishe ici. ²¹ Elyo Yehu atumine monse mu Israeli na bonse aba mupepa bali shile, kabili takwali umuntu uwashele uushaishile. Baleisa nokwingila mwitempele lyakwa Baali, no kwisula ukufuma palutwe ukufuka na pampela. ²² Yehu atile kumuntu uwale sunga ica kusungilamo ifyaku fwala fya kwa shimapepo, ''Leteni ifyaku fwala fya ba kapepa bonse abakwa Baali.''Nao umuntu abaletele ifya ku fwala. ²³ Awe Yehu aile na Yehonadabu umwana mwaume wakwa rekabu mu ng'anda yakwa Baali, nokutila kuli bakapepa bakwa Baali, ''Fwayeni nokushininkisha ukuti tamuli nangu umo muno muli ine ukufuma mu babomfi bakwa Yawe, kano bakapepa bakwa Baali beka.'' ²⁴ Elyo baile mukutula amalambo nokuninika imitulo. Nomba Yehu asalile abantu amakumi cine konse konse abaiminine panse, noku beba, ''Nga uli onse uwala pusumuka mumaboko yenu pa bantu nalaleta, umuntu uo balapusumuka, ubumi bwakwe bule bulwa pabumi bwa umo ulepusumuka.'' ²⁵ Awe ilyo apwishishe umutulo nga mutulo wakuninika, atile kuli ba kalinda na bakapitao, ''Ingileni bepayeni. Mwileka nangu umo afume.'' Awe bali bepeye no lupanga na bakalinda na bakapitao babaposele panse nokuya ku muputule wapa mulu mu ng'anda yakwa Baali. ²⁶ Bafumishe amabwe ayaimikwe mu ng'anda ya kwa Baali, no kuboca. ²⁷ Elyo bawishishe necaimikwa ica kwa Baali, nokonaula ing'anda yakwa Baali nokupanga icimbusu, ukufika nabuno bushiku. ²⁸ Efyo Yehu ao nawile Baali ukupepa ukufuma mu Israeli. ²⁹ Nomba Yehu tashele na masambi yakwa Yeroboamu umwana mwaume wakwa Nebati, isho alengele abena Israeli ukubembuka eico, ukupepa abana ba ng'ombe aba golide mu betele na mu dani. ³⁰ Eico Yawe atile Yehu, ''Pamulandu wacita bwino na pakucita kung'anda yakwa Ahabu ukulingana na fyonse ifyali mu mutima wandi, imfyalwa shobe shikekela pamalo yakwa Israeli ku nkulo iya lenga bune.'' ³¹ Nomba Yehu tabikileko amano ukulaenda mumafunde yakwa Yawe, Lesa wakwa Israeli, nomutima wakwe onse. Tafumine ku membu shakwa Yeroboamu, isho alengele Israeli ukubembuka. ³² Munshiku shilya Yawe atendeke ukuputula ifitungu ukufuma mu Israeli, na Hasaele alofeshe abena Israeli pakati ka Israeli, ³³ ukufuma ku Yodani lwaku kabanga, mu calo conse ica bena Giledi, abena Gadi, na bena Rubeni, na bena Manase, ukufuma ku Aroere, uwaba mumupokapoka wa arnone ukufika mu Giledi ku Bashani. ³⁴ Ne milandu iya pali Yehu, nafyonse ifyo acitile, namaka yakwe yonse, tafyalembwa mwibuku lya myaka yashamfumu shakwa Israeli? ³⁵ Yehu alele ne fikolwe fyakwe, bamushikile na mu Samaria. Elyo Yehoahasi umwana wakwe umwaume asangwikw imfumu pancende yakwe. ³⁶ Nenshita iyo Yehu atekele Israeli mu Samaria yali imyaka amakumi yabili na cine konse konse.