¹ Mumwaka walenga cine lubali, Yehoyada ailangile ukushipa nokwingila mu cipangano pamo nabakalamba babashilika ba nkondo aba pamyanda, Asaria mwana Yorahamu, Ishimaele, mwana wakwa Yehohanani, Asaria mwana Obede, Maasewa mwana Adaya, na Alishafati mwana Sikri. ² Baile shinguluka mu Yuda nokulonganya abena Lebi ukufuma mu misumba yonse iyakwa Yuda, nabakalamba ba ndupwa shakwa Israele kabili baishile ku Yerusalemu. ³ Ukulongana konse kwapile icipangano pamo ne mfumu mu ng'anda yakwa Lesa. ''Moneni umwana wa mfumu akateka, nga fintu Yawe atile ukukonka nemfyalwa yakwa Davidi. ⁴ Ifi efyo mukacite: Aba pali ifi fitatu pali imwe bashimapepo na bena Lebi abaleisa mukubomba pe sabata bakabe bamalonda paminshi. ⁵ Na bambi abapali fitatu bakabe ku ng'anda ya mfumu, nabambi abapali fitatu bakabe pa mpongolo yamufula abantu bonse bena bakaba mu mansa yakwa Yawe. ⁶ Mwikaleka nangu umo ukwisa mu ng'anda yakwa Yawe, kanofye bashimapepo na bena Lebi abalebomba. Bafwile ukwingila pantu baliisangulula. Lelo abantu bonse bafwile bakonka ifipope fyakwa Yawe. ⁷ Abena Lebi bafwile ukushinguluka imfumu mumbali shonse, umwaume onse ne fyanso mu minwe yakwe. Uyo onse uwaisa mu ng'anda, lekeni akepaiwe. Mukaleikala ne mfumu ilyo yaingila nalintu yafuma. ⁸ Eico abena Lebi na Yuda onse abombele mu nshila yonse ayo Yehoada shimapepo asosele. Cila umo umo abulile abaume bawke, abo abaleisa mukubomba pe sabata nabalefuma pe sabata, pantu Yehoada shimapepo tasuminishe aya mabumba ukuleka ukubomba imilimo yabo. ⁹ Ilyo Yehoada shimapepo aletele kubakalamba babashilika amafumo ne nkwela ishinono neshikalamba ifyali fya mfumu ifyali mu ng'anda yakwa Lesa. ¹⁰ Kabili Yehoada aimike abashilika, cila mwaume necanso mu minwe yakwe, ukufuma kukulyo kwe tempele ukufika kukulyo kwe tempele, mupepi necibumbili celambo lye tempele nokushinguluka imfumu. ¹¹ Ilyo bafumishe umwana wa mfumu nokubika pali ena icilongwe, nokumupela icipangano ca mafunde. Elyo bamucitile imfumu, Yehoada nabana bakwe balimusubile. Elyo batile, ''Ube nobumi umuyayaya.'' ¹² Ilyo Atalia aumfwile icongo ca bantu abalebutuka nokulumbanya imfumu, aishile ku ng'anda yakwa Yawe, ¹³ kabili aliloleshe kabili moneni imfumu yaiminine paluceshi lwaiko pa mwinshi, nabakalamba ba bashilika wa mapenga bali mupepi ne mfumu. Abantu bonse abamu calo balesekelela nokulisha amapenga, nabakemba balelisha ifilimba nokutungulula ukwimba kwakululmbanya. Elyo Atalia alepwile ifyakufwala fyakwe nokupunda, ''Nabampondokela! Nabampondokela!'' ¹⁴ Ilyo Yehoada shimapepo afumishe abakalamba babashilika abapamyanda abaleangalila ibumba lya bashika nokutila kuli bena, mufumisheni pakati ka milongo: naonse uulemukonka, lekeni epaiwe kulupanga.'' Pantu shimapepo atile mwimwipaila mu ng'anda yakwa Yawe.'' ¹⁵ Eico balimwikete aile namumwinshi wa mpongolo yaba kabalwe iya mu ng'anda ya mfumu, nokumwipaila palya pene. ¹⁶ Ilyo Yehoada apangile icipingano pakati kakwe umwine, nabantu bonse, ne mfumu, ukuti bafwile ukuba abantu bakwa Yawe. ¹⁷ Elyo abantu bonse baile ku ng'anda yakwa Baali nokuibongolola panshi. Batobawile ifipailo fya kwa Baali nefimpashanyo fyakwe mutupimfya, kabili baipeye Matani, shimapepo wakwa Baali, ku ntanshi yaifyofine ifipailo. ¹⁸ Yehoada asontele bakangalila mu ng'anda yakwa Yawe mu minwe yaba shimapepo, abali abena Lebi, abo Davidi asontele ku ng'anda yakwa Yawe, pakutula amalambo yakoca kuli Yawe, nga fintu calembelwe mu mafunde yakwa Mose, pamopene nokusekelela nokwimba, nga fintu Davidi apekenye. ¹⁹ Yehoada abikile bamalonda pa mpongolo ya ng'anda yakwa Yawe pakuti nangu umo uwakowela mu misango yonse ekengilamo. ²⁰ Yehoada abulile abakalamba babashilika ba pa ng'anda, aba cishinka, nabakateka wa bantu, nabantu bonse mu calo. Aletele panshi imfumu ukufuma mu ng'anda yakwa Yawe; abantu baishilepita pa mpongolo yapamulu wa ng'anda ya mfumu kabili batekele imfumu pa cipuna ca bufumu. ²¹ Elyo abantu bonse balisekelele, nomusumba wali tondolo na Atalia, bamwipaile kulupanga.