¹ Kwali umuntu umwaume ukufuma muli Benjamin, umwaume uwaishibikwa: Ishina lyakwe ali ni kishi, umwana mwaume uwakwa benjamin. ² Alikwete umwana umwaume ishina lyakwe ni Sauli, umwaume uwalemoneka bwino. Takwali umwaume mubena Israel uwacililepo ukuyemba pali ena ukufuma pafipeya ukuya pamuulu alilepeshe ukucila abantu bonse. ³ Nomba bakabalwe ba kwa kishi, wishi wakwa Sauli, balibulile. elyo Kishi atile kuli sauli umwana wakwe, ''sendapo umubomfi umo; imeni nokuya fwaya bakabalwe!' ⁴ Elyo sauli apitile mu caalo ca mpili icakwa Efraimu nokupita mu mpanga ya shalishah, leelo tababasangile. Elyo bapitile mu mpanga ya shaalimu, leelo tapali kulya.elyo apitile mu mpanga yabena benjamini, leelo tababasangile. ⁵ Ilyo baishile ku mpanga ya zuphu, Sauli atile kumubomfi uwali na ena,'' isa katubwelemo pantu batata kuli baleka ukulanguluka bakabalwe nokutampa ukusakamana pamulandu waifwe. Bwino Isa, katuleya .'' elyo baile ku musumba ukwali umwaume wakwa Lesa. ⁶ Leelo umubomfi atile kuli ena, ''KUti keni, muli umwaume umuntu wakwa Lesa muli uno musumba. Uyu mwaume uwacindikwa saana; fyonse ifyo asosa filacitika. Katuleya kulya; limbi kuti atulanga inshila yakukonka mubulendo bwesu.'' ⁷ Elyo Sauli atile kumubomfi wakwe, ''Leelo ngatwaya, finshi Twingaletela uyu mwaume? pantu umukate mu mufuko wesu naupwa, kabili tapali icabupe icakuletela umuntu finshi tukwete?'' ⁸ Umubomfi ayaswike Sauli nokutila, ''Kuno, ninkwata cimo icapali fine amshekele ya Silifere ayo ndepeela ku iyo tulingile ukuyamo'! ⁹ akale mu Israel, ilyo umwaume aleya mu mukufwaya mbwishibibilo ukulingana no kufwaya kwakwa Lesa, atile, ''Isa, katuleya kuli kamona.'' ¹⁰ Elyo Sauli atile kumubnomfi weakwe, ''Walanda bwino. Isa katuleya.'' Elyo baile ku musumba ukwali umwaume wakwa Lesa. ¹¹ Ilyo banininepamulu walupili ukulola ku mu suymba, basangile abakashana balefuma mukutapa amenshi, Sauli no mubomfi wakwe batile kuli bena, ''Bushe kamona eko ali kuno?'' ¹² Bayaswike, kabili batile, '' Epoali; moneni; alifye pantanshi yenu. Endesheni, pantu aleisa kumusumba ileelo, pantu abantu balepeela amalambo ileelo pancende iya sansama. ¹³ Ilyo imwefye muleingila mumusumba mule mulemusanga, elyo talanina pancende iya pamulu kukulya. Abantu tazbalye kanofye nga abwela, pantu aleisa paala ilambo; panuma abo abetilwe balelya. Nomba kabiyeni pamulu, pantu mulemusunga ili line. ¹⁴ Elyo bante ku musumba. Ilyo baleingila mu musumba, bamwene samuel alefumaukwisa kuli bena, ukulola ku ncende yapa mulu. ¹⁵ Nomba ubushiku bwafumineko ilyo Sauli talaisa, Yawe alisokolwele kuli Samuel: ¹⁶ ''Mailo mupepi nenshita ino ine nkamutumina umwaume . Ukufuma ku caalo ca bena Benjamin, kabili ukamusuba ukuba imfumu pa bantu bandi abena Israeli. akapususha abantu bandi mukuboko kwaba Filistini. Pantu nindolesha abantu bandi no bulanda pantu ukulomba ukwafwiwa kwabo nakwisa kuli ine!! ¹⁷ Ilyo Samueli amwene Sauli, Yawe alimwebele, ''Uyu emwaume nalelandapo! Euyu wine uukateka abantu bandi!! ¹⁸ Ilyo Sauli aishile mupepi kuli Samuel mu mpongolo kabili?'' ¹⁹ Samuel ayaswike Sauli kabili atile, ''nine kamona. Nkonka panuma yandi pa ncende yapamulu, pantu ileelo tulelil a pamo. Uluceelo nkakuleka ukaye, kabili nkakweba fyonse ifyo uletontonkanya. ²⁰ Ukwisa kuli bakabalwe bobe abalubile panshi ku shitatu ishafumako. Nomba nipali nani, pantunaba moneka. Nomba nipali nani apashintilile imifwaile yabena israel? bushe tepali iwe na bonsde aba mu ng'anda yakwa wiso?'' ²¹ Sauli ayaswike kabili atile, '''Bushe nshili mwana Bemjamin, ukufuma ku mutundu uwacepesha uwakwa Israel? Bushe umukowa wandi te mukowa uwa cepesha mu mutundu wa bena Benjamini? Mulandu nshi wasosela kuli ine muli uyu musango?'' ²² elyo Samuel asendele Sauli no mubomfi wakwe, abengishe mucikulwa, no kubateka kuntanshi ya abo abaitilwe, abali mupepi amakumi yatatu. ²³ Samuel atile kuli kepika, ''Leelo icakaniko ico naukupela, ico nacitila kuli iwe, cibike lubali. ²⁴ Elyo kepika abulile itanta necali pamulu no kulipela kuli Sauli. Elyo Samuel atile, ''Moneni icisungilise capelwa kuli iwe. Cilye ici, pantu cacipekanishiwa iwe ukufika panshita iyapekanishiwa, ukufuma panshita ilyo natite, 'Ni ndalika abantu.''' Elyo Sauli aliilile pamona Samuel bulya bushiku. ²⁵ Ilyo batentemwike ukufuma pa ncende yapamulu ukwingila mu musumba, Samuel balanshenye na Sauli pa mulu wa mutenge. ²⁶ Nomba ilyo kwabubutulukile, Samuel aitile Sauli pa mulu was mutenge no kutila, Ima, pakuti nkuleke uleya munshila yobe. '' Elyo Sauli ashibwike, kabili bonse ena na Samuel baile munshila. ²⁷ Ilyo baleya kunse ya musumba. Samuel atile kuli Sauli, ''Eba umubomfi ukutangililako kuntanshi yesu''_ kabili ali tangile_ ''Nomba ufwile ukwikala pamo panono, pakuti nsokolole amashiwi yakwa Lesa kuli iwe.''