¹ Saulo ali nemyeka amakumi yatatu elyo bamusontele pabufumu kabili atekele abena Israeli pamyaka amakumi yane nayabili. ² Saulo aslile abume amakana yatatu ukufuma mu Israeli. Amakana yabili yali nankwe ku Mikimashi namucalo campili sha Betele, elyo ikana limo lyali na Yonatani ku Gibea wamu Benjamini. Abantu bonse abashelepo ababweseshamo kuncende shakumwa uko bafumine. ³ Yonatani acimfishe impuka yaba Falisiti abali pankambi yaku Geba, naba Falisiti bonse baumfwako icatitike. Elyo Saulo alishishe ipenga mucalo monse, ''Lekeni aba Hibulu bomfwe!'' ⁴ Kanshi bonse abena Israeli balyumfwile amashiwi yakuti Saulo nasansa inkambi yaba Falisiti ilyo nomba Israeli asangwike umulwani waba Falisiti. Kabili abantu balongene pamo na Saulo ku Giligali. ⁵ Aba Falisiti nabo balongana pamo pakulwisha abena Israeli , bali nama celeta amakana yatatu nabapali bakabalwe amakana mutanda, elyo nefita ifngi kwati munsensenga wapali bemba. Baili nokuya cita inkambi ku Mikimashi, kukabanga ka Beti Afeni. ⁶ Ilyo abaume bamu Israeli bamwene ukuti bakwata ubwafya ubushaibipila, kabili nokuti ifita fyabo fyacilikilwa, bafisama muncengo namufilindi, mumateshi, mumabwe elyo namu mendo yamumabwe. ⁷ Bamo aba Hibulu balyabwike umumana wa Yodani ukuya mu calo ca Gileadi.Saulo ashele ku Giligali nempuka shonse isho ali nasho shilekankafye kumwenso. ⁸ Apembele panshiku cine lubali, ukulingana nenshita Samwele apimine. Lelo Samwele taishileko ku Giligali! Abantu bakwa Saulo batampile nokula salangana. ⁹ Eico Saulo atile, ''Leteni kuli ine ilambo lyakoca elyo nemitulo yakwampana. ¹⁰ Elyo Saulo atulile ilambo lyakoca. Kanshi cilya apwafye ukupe;a ilambo lykoca na Samwele afika, kabili Saulo aile mukumusengela nokumuposha. ¹¹ Samwele aipusha ati, ''Bushe cinshi wacita.'' Saulo ayaswike ati, ''Ilyo nacimona ukuti abantu balasalangana kabili tawishile panshita yapiminwe, elyo abafalisiti nabo balongana ku Mikimashi, ¹² Eco nasosele nati, 'Nomba aba Falisiti balangishilila ine wine ku Giligali, kabili nshilalomba nokuti Yawe ansekelele. Kanshi epakuipatikisha pakutula ilambo lyakoca.''' ¹³ Samwele epakweba Saulo ati, ''Ucitilefye ngembulwa mano. Taubakile ifunde Yawe Lesa obe akupela. Aucita ifyo akukonkomesha nganakosha ubufumu bobe pali Israeli ukuba ubwapenape. ¹⁴ Lelo nomba ubufumu bobe tabwatwalillile. Yawe nafwaya umuntu uwamibele iisansamusha umutima wakwe. Kabili eo asontele ukuba intungulushi yabantu bakwe, pantu iwe taubakile ifnde lyakwe. ¹⁵ Elyo Samwele afumine ku Giligali nokuya ku Dibea wamuli Benjamini. Elyo Saulo apendele abume abashele nankwe asanga ati bali nalimo imyanda mutanda. ¹⁶ Saulo nomwana wakwe Yonatani, nabaume bali nabo baikele ku Geba wakwa Benjemini ninshi abaFalishiti nabo bacitile inkambi ku Ikimashi. ¹⁷ Elyo ibumba lyabantu aonaushi lyafumine kunkmbi yaba Falishiti mu mpuka shitatu. Impuka imo yalungeme ku Olifa mu calo cakwa Shauli, ¹⁸ imbi yalungeme ku Beti Holini, elyo iya citatu nayo yalolele kupanga yalungatana ne shika lya Seboyimu ukulolenkana nakumatololo. ¹⁹ Nomba takwali ukufuma ifyela mu calo conse ica Israeli, pantu aba Bafalisiti batile, ''Epali aba Hibulu bayamba ukufula impanga nangu amafumo!'' ²⁰ Kanshi bonse abena Israeli baleya ku ba Falisiti nokunonesha inkasu sha ng'ombe, ba piki, amasembe, elyo nefikwakwa. ²¹ Umutengo wakunonesha inkasu sha ng'ombe, ba piki, wali ukucila citika wa shekeli umo elyo pakunona amasembe elyo napakulola kwa misumba kwine kwali mupepi nacitika wa shekeli. ²² Kanshi pabusiku bwa bulwi takwasangilwe mufita fyakwa Saulo na Yonatani uwali nolupanga nangu ifumo muminwe kanofye Saulo no mwana wakwe Yonatani ebakwete. Yonatani alwisha aba Falisiti. ²³ Nomba impuka imo iyaba Falisiti yaile ku mupoka poka wa ku Mikimashi.