¹ Elyo Samwele abulile umulashi wa mafuta, no kupongolwela pa mutwe wakwa Shauli, no kumutomona. Atile, ''Bushe te Yawe akusubile ukuba intungulushi pa bupyani bwa kwe? ² Ilyo walansha ilelo walasanga abaume babili mupepi ne nshiishi ya kwa Rakele, mu mupaka wakwa Benjamini pa Selesa. Bakatila kuli iwe, 'Impunda waile ku kufwaya shalisangwa. Nomba wiso naleka ukusendapo pa mpunda kabili asakamene pali imwe, atile, ''Decita shani pa mwna wandi?'' ³ Ilyo walaya ku ntanshi ukufuma kulya, kabili uleisa ku Muterebinti pa Tobore. Abaume batatu baleya kuli Lesa pa Betele balekukumanya kulya, umo nasenda abana ba mbushi batatu, umbi nasenda imikate itatu, naumbi nasenda umutondo wa mwangashi. ⁴ Balekuposha no kukupela imikate ibili, iyo ulepoka ukufuma mu minwe yabo. ⁵ Panuma ya ifyo, muleisa ku lupili lwa kwa Lesa uko abashilika ba bapelishiti bali. Ilyo walafika ku mu sumba, walakumanya ibumba lya ba kasesema baletentemuka ukufuma pa ncende iyasansama na impango, akaoma, icimpeta, na nsengo pa ntanshi yabo, balesesema. ⁶ Umupashi wakwa Yawe ulepona pali iwe, kabili walasesema pamo nabo, kabili walasanguka umuntu uwapusanako. ⁷ Nomba, ilyo ifi ifishibilo fyalaisa pali iwe, cita ico iminwe yobe yasanga ukucita, pantu Lesa ali na iwe. ⁸ Ukatangilila ukutentemukila ku Gilgali. Elyo nkatentemukila kuli iwe ku kutula amalambo ya mutende. Nkalolela pa nshiku cine lubali nkasuke nkese kuli iwe no ku kulanga ifyo ufwile ukucita.'' ⁹ Ilyo Shauli afutatike inuma yakwe ku kusha Samwele, kabili amupele umutima umbi. Elyo ifi fyonse ifishibilo fyaishilepita muli bulya bushiku. ¹⁰ Ilyo baishile ku lupili, ibumba lya bakasesema bali mukumenye, kabili umupashi wakwa Lesa waikile pali ena pakuti aseseme pali bena. ¹¹ Ilyo bonse abamwishibe tabalamumona alesesema pamo na ba kasesema, abantu baletila kuli cila umo, ''Cinshi cacitika kuli mwana Kishi? Bushe Shauli umo uwa muli bakasesema nomba?'' ¹² Umwaume uwafumine pa ncende imoine ayaswike, ''Kabili shibo nani? pamulandu wa ici, eco caishile landilwa, ''Bushe Shauli naena umo uwa muli bakasesema?'' ¹³ Ilyo apwile ukusesema, aishile pa ncende iyasansama. ¹⁴ Ilyo munyina wakwa wishi wa kwa Shauli atile kuli ena no mubomfi wakwe, ''Mwaile kwi? Atile, kukufwaya impunda. Ilyo bamwene ukuti tabashisangile, batile kuli Samwele.'' ¹⁵ Munyina wakwa wishi wakwa Shauli atile, ''Shinjeba ico Samwele asosele kuli iwe.'' ¹⁶ Shauli atile kuli munyina wakwa wishi, ''Atwebele ukti impunda nashisangwa.'' Lelo tamwebele palwa mulandu wa bufumu, uo Samwele asosele. ¹⁷ Nomba Samwele akutile abantu pantanshi ya kwa Yawe pa Mispa. ¹⁸ Atile ku bantu ba kwa Israele, ''Ifi efyo Yawe, Lesa wakwa Israele atile: 'Nafumishe Israele ukufuma mu Egyputi, no kumupokolola ukufuma mu maboko aya mabufumu yonse ayalemutitikisha. ¹⁹ Lelo ubwelelo, na mukana Lesa wenu, uwa milubwile ukufuma mu mafya yenu yonse na mufibi fyenu, kabili mwatile kuli ena, 'Mubike imfumu pali ifwe.' Nomba iminineni mwe bene ku cinso cakwa Yawe mu mitundu yenu ne mikowa yenu.'' ²⁰ Elyo Samwele aletele imilandu yonse iya kwa Israele mupepi, no mutundu wakwa Benjamin walisalilwe. ²¹ Elyo aletele umutundu wakwa Benjamin mupepi no mukowa wakwe, no mukowa wa bena Matri walisalilwe, na Shauli mwana Kishi alisalilwe. Lelo ilyo baile mukumufwaya, tasangilwe. ²² Elyo abantu bafwaile ukwipusha amepusho Lesa ifipusho ifingi, Bushe kulya ku cili umuntu umbi uuleisa? Yawe alyaswike, ''nabelama umwine mu fipe.'' ²³ Eico babututwike no kuyamubula Shauli ukufuma kulya. Ilyo aishileiminina pakati ka bantu, ali umutali pa bantu bonse ukufuma pa mabeya yakwe ukuya pa mulu. ²⁴ Elyo Shauli atile ku bantu, ''Bushe mwamona umuntu uo Yawe asala? Takuli nangu umo uwaba nga ena pa bantu bonse!'' Abantu bonse balabilikisha, ''Mwikale inshiku ishingi mwe mumfu!'' ²⁵ Elyo Samwele aebele abantu ifya ntambi elyo na mafunde ya butekeshi, aya bufumu, ukufilemba mwi buuku, no kubika ku cinso cakwa Yawe. Samwele elyo akatume abantu bonse ukuya. Umwaume onse ku ng'anda yakwe. ²⁶ Shauli nao aile ku mwakwe ku Gibea, na kuli ena kwaile abaume abakosa, abo Lesa aikete imitima. ²⁷ Lelo ifinangwa fya bantu fimo fyatile, ''Ngo uyu muntu kuti atupususha shani?'' Aba bantu balimusulile Shauli kabili tabamuletele ica bupe nangu cimo. Lelo Shauli atalele tondolo.