8
1
Озьыен, туннэ уг яра судить карыны соосты, кинъёс Иисус Христос пушкын уг уло мугорын, нош духен уло,
2
уго Иисус Христослэн духезлэн улон понна законэз мозмытӥз монэ сьӧлыклэн но кулонлэн законэзлэсь.
3
Малыке шуоно законэз, кудзэ лябомытӥз мугорлэн сьӧлык лэсьтэмез, быдэстыны уг луы вал, соин ик Инмар келяз Аслысьтыз Пизэ сьӧлыко мугорлы тупась мугорын жертвае сьӧлык понна но судить кариз мугорысь сьӧлыкез,
4
законлэн шонере потонэз мед быдэсмоз шуыса асьмеос пушкын, куке асьмеос могоръя ум нӥ улӥське нош духъя,
5
малыке шуоно мугоръя улӥсьёс малпасько могорлэнэз сярысь, нош духъя улӥсьёс - духовной сярысь
6
Мугорлэн малпаськонъёсыз - со кулон, нош духлэн малпаськонъёс - улон но тупаса улон.
7
Мугорлэн малпаськонъёсыз - Инмарлы пумит тушмонъясько, малыке шуоно Инмарлэн законэзлэсь уг но кылзӥсько, уг но быгато кылзӥськыны.
8
Соин ик кин мугоръя улэ, со уг быгаты кельшыны Инмарлы.
9
Нош тӥ уд улӥське мугоръя, нош духъя, Инмарлэн Духез зэм ик тӥ пушкын улэ ке. Нош кинлэн ке ӧвӧл ке Христослэн Духез, со Солэн но ӧвӧл.
10
Нош Христос тӥ пушкын ке, соку мугор сьӧлык понна кулэмын, нош дух улэп шонерлыко улон понна.
11
Солэн Духез, Кин кулэмысь улӟытыса ӝутӥз Иисусэз, улэ тӥ пушкын, соку Христосэз кулэмысь улӟытыса Ӝутӥсь, тӥлесьтыд но мугордэс кулэмысь ӝутоз Святой Духен, кудыз тӥ пушкын улэ.
12
Озьыен, вынъёс, асьмеослы кулэ ӧвӧл мугормылэсь кылзӥськыны, мугоръя улон понна
13
улӥськоды ке мугорэн - кулоды, нош кулытӥськоды ке мугорлэсь ужъёссэ духен - улоды.
14
Уго ваньмыз, Инмарлэн Духеныз валтэмъёс, Инмарлэн пиосыз луо.
15
Уго тӥ, выльысь кышкаса улоно медам луы шуыса ӧд басьтэ рабстволэсь духсэ, нош басьтӥды Духез, Кудыз асьмедыз лыдъяз Аслаз нылпиосыныз. Но со Духен черетскыса вазиськиськом:"Авва, Атай!" шуыса.
16
Ачиз ик та Дух ивортэ асьмелэн духмылы, ми пе - Инмарлэн нылпиосыз.
17
Нош нылпиос ке, соку наследникъёс но, Инмарлэн наследникъёсыз, Христослэн сонаследникъёсыз, Соин ӵошен курадӟиськомы ке, Соин ӵошен данъяськиськомы но.
18
Малпасько, али огдырлы курадӟёнъёс номыр но уг сыло ӵошатыса данъяськонэн, кудыз усьтӥськоз ми пушкын.
19
Уго кылдытэм осконлыкен вите, Инмарлэн нылпиосызлэсь усьтӥськонзэс,
20
малыке шуоно кылдытэм кулэтэм выронъёс ки улэ ӧз сётӥськы ас мылкыдыныз, нош сое ки улаз Басьтӥсьлэн воляезъя, оскиськыса,
21
ачиз кылдытэм Инмарлэн нылпиосызлэн данлыко свободаязы мозмытэмын луоз сисьмонлэн рабствоысьтыз шуыса.
22
Уго тодӥськом, кызьы вань кылдытэм ӝуштэ но курадӟе али но,
23
кулдытэм гинэ ӧвӧл, нош ми асьмеос но, ????
24
Уго ми спастись кариськемын оскиськонэн. Оскиськон нош, куке адӟе, оскиськон ӧвӧл ини, уго кин ке адӟе ке, соку малы солы оскиськыны кулэ на?
25
Нош куке оскиськиськом солы, мае ум адӟиське, соку чидаса витиськом.
26
Озьы ик Дух юрттэ асьмелы асьмеослэн лябъёсамы, уго ми ум тодӥське, мар сярысь но кызьы вӧсяськыны, нош Ачиз Дух куре асьмеос понна ӝуштыса, кудзэ вераны уг луы кылын.
27
Сюлэмзэ эскерись тодэ, мар малпа Дух, уго Со Инмарлы оскисьёс понна дур басьтэ Инмарлэн воляезъя.
28
Нош тодӥськомы, Инмарез яратӥсьёслы, кудъёсыз ӧтемын Солен воляезъя, ваньмыз ӟечен берытске.
29
Уго кинэ Со азьласянь тодӥз, соосты ик Со азьласянь быръйз луыны Солэн Пиезлы тупасес, Со мед луоз шуыса Нырысетӥез тросс вынъёс куспын.
30
Нош кинэ Со азьласянь быръйиз, соосты ик ӧтиз, нош кинэ ӧтиз, соосты ик оправдать кариз, нош кинэ оправдать кариз, соосты ик данъяз.
31
Мар вераны талы? Инмар ке ми понна, кин асьмелы пумит?
32
Со Кин ӧз жаля Аслысьтыз Пизэ, но сётӥз Сое асьмеос понна, соку уз шат сёты Пиеныз ӵошен ваньзэ?
33
Кин Инмарлэсь быръемъёссэ янгыше уськытоз? Инмар соосты оправдать кароз.
34
Кин быгатэ Инмарлэсь быръемъёссэ судить карыны? Иисус Христос кулӥз но, - улӟыса султӥз но : Со Инмарлэн бур палаз, Со ик ми понна дур басьтоз.
35
Кин висъялоз асьмеосты Инмарлэсь яратонэзлэсь: куректон-а, яке пачкатыса возён, яке улляса возён, яке сютэм улон, яке куанере кылён, яке кышкытлык, яке ожтрлык? Кызьы гожтэмын:
36
"Тон понна вийыло асьмедыз котькуд нунал, милемыз чошато вандыны дасям ыжъёсын".
37
Нош ваньзэ тае вормисько асьмеды Яратӥсьлэн кужыменыз.
38
Малыке шуоно мон оскисько, кулон но, улон но, ангелъёс но, кутсконъёс но, кужымъёс но, алиез но, вуоноез но,
39
ӝужыт но, мур но, нокыӵе но мукет кылдытэм асьмелэсь Кузёмы Иисус Христосмы пушкын Инмарлэн яратонэзлэсь люкыны уг быгато.