5
1
Озьыен, осконэн оправдаться кариськыса, ми тупаса улӥськом Инмарен асьмелэн Кузёмы Иисус Христос пыртӥ,
2
Кудыз пыртӥ осконэн милемлы сётэмын благодать, кудыз котьку миленым но кудызлы ми шум потӥськом оскиськыса Инмарен данэзлы.
3
Озьы ик шум потӥськом курадзёнъеслы но, тодыса курадзёнъёс чиданы дышето шуыса,
4
чиданлэсь тодон - быгатон, тодон - быгатонлэсь оскиськон,
5
нош оскиськон уг возьдаськыты, уго Инмарлэн яратонэз тырмытӥз асьмеослэсь сюлэмъёсмес асьмелы сётэм Святой Духен.
6
Уго Христос азьласянь тодмо дырын, куке асьмеос лябесь вал на, кулӥз сьӧлыкен улӥсьёс понна.
7
Кин ке улонзэ сётоз шат шонерлыко адями понна? Коть ӟеч адями понна кин ке улонзэ сётыны мылкыд кароз ик дыр.
8
Нош Инмар асьмелы Аслысьтыз яратонзэ возьматыса, сётиз Христосэз кортчоганы ми понна, куке ми сьӧлык лэсьтыса улӥськомы на вал.
9
Уката но али, Солэн вирыныз шонере потыса, утиськомы Соин вожпотонлэсь.
10
Уго куке ми, тушмонъёс вал, тупатскимы Инмарен Солэн Пиезлэн кулонэз пыр, соку уката но, кусыпъёсмы тупам бере, Солэн улонэныз.
11
Туж гес но, ушъяськиськом Инмарен асьмелэн Кузёмы Иисус Христос пыртӥ, Кудыз пыртӥ милям кусыпъёсмы тупатскизы Инмарен.
12
Соин ик, кызьы одӥг адями пыртӥ сьӧлык пырӥз дуннее, но сьолыкен - кулон, озьы ик кулон лыктӥз вань калык доры, малыке шуоно вань калыкъёс сьӧлык лэсьтӥзы.
13
Уго закон сётэмлэзь азьло ик сьӧлык вал ни дуннеын, нош сьӧлык уг лыдъяськы сьӧлыкен закон ӧвӧл дыръя.
14
Адам дырысен Моисей дырозь кулон кузёяське вал, кин ӧз лэсьты Адамлэн сьӧлыкезлы тупась ужъёсты соос вылын но. Адам луэ азьпалан улонлэн тусбуез.
15
Нош Инмарлэн благодатезлэн кузьымез сьӧлык лэсьтэмлы уг укша. Уго, одӥг адямилэн сьӧлык лэсьтэмез сэрен тросс адямиос кулӥзы бере, соку уката но Инмарлэн благодатез но благодатезъя кузьымез одӥг Адямилэн, Иисус Христослэн, пачылмыса сётэмын троссэзлы.
16
Инмарлэн кузьымез одӥг адямилэн сьӧлык лэсьтэменыз ӵошатыны уг луы, уго одӥг йыруж понна - приговор, нош благодатьлэн кузьымез - тросс сьӧлыкъёслэсь мозмытыса шонере поттон.
17
Уго одӥг адямилэн сьӧлыкез понна но со одӥг адями пыртӥ кулон кузёяськыса улӥз, соку уката но уно благодатез но шонерлыко кузьымез басьтӥсьёс кузёяськозы улонын одӥг Иисус Христос пыртӥ.
18
Соин ик кызьы одӥг муртлэн йыруж лэсьтэменыз - вань калыкъёс осудить каремын, озьы ик одӥг муртлэн шонерлыкез пыртӥ тросэз шонерлыкоесь луозы.
19
Уго кызьы одӥг муртлэн кылзӥськымтэеныз тросэз сьӧлыке усизы, озьы ик одӥг муртлэн кылзӥськеменыз тросэз шонерлыкоесь луозы.
20
Закон нош сётэмын вал берло, соин сэрен уноязы йыружъёс. Нош ку унояз сьӧлык, Инмарлэн благодатезь но унояз,
21
уго, кызьы сьӧлык кузёаськыса нуэ вал кулонэ, озьы ик благодать кузё луиз асьмелэн Иисус Христос Кузёмылэн шонерлыкез пыртӥ, кудыз нуэ пумтэм - быронтэм улонэ.