14
1
Осконэн ляб адямиосты бордады басьтэ, соосын споръяськытэк малпанъёссы сярысь.
2
Одӥгез оске, котьма сиыны яра шуыса, нош лябез бакча сиён гинэ сие.
3
Кин ваньзэ сие, эн ултӥя созэ, кин уг сиы, кин уг сиы, эн судья созэ, кин сие, уго Инмар сое бордаз басьтӥз.
4
Кин тон, муртлэсь рабзэ судъясь? Аслаз Кузёез азьын со сылэ яке усемын. Но ӝутэмын луоз, уго Инмар кужмо ӝутыны сое.
5
Одӥгез пӧртэм шуэ котькуд нунал, нош мукетыз шуэ котькуд нунал одӥг кадь. Котькудыз мед лэсьтоз аслаз убеждениосызъя.
6
Кин висъя нуналъёсты - Кузё - Инмар понна висъя, но кин уг висъя нуналъёсты - Инмар понна уг висъя. Кин сие - Кузё-Инмар понна сие, но таукаре Инмарез, но кин уг сиы - Кузё-Инмар понна уг сиы но таукаре Инмарез.
7
Уго асьмеос пӧлысь нокин но уг улы ачиз понна, нокин но уг кулы ачиз понна,
8
нош улӥськомы ке - Кузё-Инмар понна улӥськом, нош кулӥськомы ке - Кузё-Инмар понна кулӥськомы: соин ик, улӥськомы-а, кулӥськомы-а - котьку Кузё-Инмарлэн.
9
Соин ик Христос кулӥз но, кулэмысь но султӥз, улӟиз но, кулэмъёс но улэпъёс вылын кузёяськон понна.
10
Нош тон малы судьяськод аслысьтыд вындэ? Яке тон, малы ултӥяськод аслысьтыд вындэ? Асьмеос ваньмы султомы Инмарлэн судэз азьын.
11
Уго гожтэмын:" Мон улӥсько, шуэ Кузё-Инмар, Мон азьын пыдесъяськоз котькыӵе выжы, котькыӵе калыкъёс Инмарез исповедовать карозы".
12
Озьыен, котькудыз асьмеос пӧлысь ачиз понна Инмар азьын отчёт сётоз.
13
Ойдолэ ум ни судить карелэ ог огмес, нош ӟечгес луоз, асьмеос малпаськимы ке, вынмы медаз канжаськы шуыса асьмеос шоры учкыса.
14
Мон тодӥсько но оскисько Кузёмы Иисус пушкын, ӧвӧл шуыса нокыӵе но чылкыттэм сиён, солы гинэ ӧвӧл чылкыт, кин ке лыдъя ке маеке чылкыттэм шуыса.
15
Тынад выныд сиён понна ӝоже усе ке, тон соку яратыса уд ни лэсьтӥськы. Эн быдты аслад сиёнэныд сое, кин понна Христос кулӥз.
16
Медаз луы курламын со, мар тӥ понна ӟеч.
17
Уго Инмарлэн Царствоез - сиён но юон ӧвӧл, нош шонерлык, тупаса улон но шумпотон Святой Дух пушкын.
18
Христослы кин тазьы служить каре, со Инмарлы кельше но сое умоен калыкъёс лыдъяло.
19
Озьыен, тыршомы тупаса улонлы но ог огмылы юрттомы кылдыны.
20
Эн куашкаты Инмарлэсь ужзэ сиён понна. Сиен чылкыт ке но, куректон со адямилы, кудызлэн сиёнэз нуэ мукетъёссэ канжаськонние.
21
Ӟеч гес луоз сӥль но сиытэк, вина но юытэк, номыр но сыӵезэ лэсьтытэк, марлэсь выныд канжаськоз, ӵемтаське яке лябоме.
22
Тынад вань- а осконэд? Возь сое аслад сюлэмад, Инмар азьын. Шудо со адями, кин осуждать уг кары асьсэ, мае быръе.
23
Нош сомневаться кариськись, сие ке но, судить каремын луоз, малыке шуоно уг оскы. Нош ваньмыз, мар осконтэк - сьӧлык.