4 ¹ Metuh Petrus tuntang Yohanes bapander dengan uluh are,dumah akan ewen para imam,takuluk panjaga Bait Allah,dan uluh-uluh Saduki. ² Dengan kuntep kasingi awi ewen majar uluh are tuntang mangabar hong Yesus tege kebangkitan hela-hela uluh matei. ³ Limbahte,ewen manekap Petrus tuntang Yohanes tuntang pateme ewen kan panjara sampai hanjewu awi andau jadi hamalem. ⁴ Namun,are bara ewen je jadi mahining pander para rasul jadi percaya,tuntang kakare ewen hatue je hela ewen te manjadi kira-kira lime ribu uluh. ⁵ Pas kajewu andau ah,pamimpin-pamimpin,bakas-bakas,tuntang ahli ahli Taurat ewen uras hakumpul hong Yerusalem, ⁶ hayak dengan Imam hai Hanas,tuntang Kayafas,Yohanes,Aleksander,tuntang uras uluh bara keluarga Imam Hai. ⁷ Metuh ewen Maandak Petrus tuntang Yohanes intu bentuk ,ewen misek,''Hapan kuasa narai atawa dengan aran eweh ikau manggawi hal jite?'' ⁸ Limbahte,Petrus,inguntep dengan Roh Barasih ,hamauh akan ewen ,''Para pamimpin bangsa tuntang tambakas-tambakas, ⁹ amun ikei imariksa andau tuh awi ije taluh gawi bahalap je jadi ikei manggawi akan uluh je balemu tuh,hapan cara narai uluh te tau impakeleh? ¹⁰ Nau ih hal jite ingatawan awi ikau uras tuntang uras uluh Israel bahwa awi aran Kristus Yesus,Uluh Nazaret,je inyalibmuh,je jadi Allah mambangkit ah bara uluh matei,uluh jituh mendeng hong baun muh huang keadaan ji barigas. ¹¹ Yesus jituh iyete: 'Batu je inolak awim muh,tukang-tukang Bangunan te, je manjadi Batu penjuru. 'Maz 118:22 ¹² Tuntang,jatunti salamat hong huang eweh ji beken awi jatunti aran ji beken hong penda langit inenga hong hela-hela kalunen je awi ara te itah tau inyalamat.'' ¹³ Metuh ewen nampayah kahanyi Petrus dan Yohanes dan paham bahwa ewen iyete uluh-uluh dia tapalajar tuntang awam,ewen manjadi heran tuntang nampara mangasene bahwa kadue te puji haya hayak dengan Yesus. ¹⁴ Tuntang,limbas nampayah uluh ji jadi impakeleh te mendeng hong silan Petrus dan Yohanes ,ewen dia tau malawa. ¹⁵ Maka te,metuh ewen marentah Petrus dan Yohanes nyuhu malihi Sanhedrin , ewen barunding ije dengan ji beken , ¹⁶ dengan hamauh,''Narai je harus ngawi itah taharep kadue uluh jituh?awi te,ije tanda ajaib je luar biasa te terjadi mahalau ewen tuntang puna nyata bagi uras uluh je melai hong Yerusalem,dan itah dia tau manyangkal ah. ¹⁷ Maka te,mangat hal jite dia lalau manyebar melai hela-hela uluh,ayo itah ma ancam ewen mangat dia hindai bapander akan eweh bewei huang ara te ''. ¹⁸ Limbah te,ewen mantehau Petrus tuntang Yohanes,lalu marentah kadue ah mangat dia bapander atawa majar narai bewei hong aran Yesus. ¹⁹ Maka te , Petrus dan Yohanes manumbah tuntang hamauh akan ewen, ''Getu ih, kueh ji bujur hong tampayah Hatalla, akan mahining ikau labih bara Hatalla? ²⁰ Awi, ikei dia tau suali mamander hal-hal ji jadi ikei nampayah tuntang mahining ah.'' ²¹ Metuh, ewen tarus mangancam Petrus tuntang Yohanes, ewen nantalua rasul-rasul te hadari, limbah manyundau cara akan mahukum kadue ah awi uluh are ji manara Hatalla akan narai Je jadi tajadi. ²² Awi, uluh je aka te tanda impakeleh jadi imparahan, jadi baumur labih bara epat puluh nyelu. (Petrus tuntang Yohanes Haluli akan Pahari ije Iman) ²³ Metuh jadi ilapas, Petrus tuntang Yohanes hadari akan kawal-kawal ah kabuat tuntang mangesah taluh macam je imander awi para imam takuluk tuntang bakas akan ewen. ²⁴ Tuntang, metuh kawal-kawal ah te manyeneh, ewen maangkat suara ewen akan Hatalla je ije atei tuntang hamauh, ''Oh Tuhan, Ikaulah je jadi manjapa langit, bumi, laut tuntang uras isi ah, ²⁵ je bapander mahalau Roh Barasih, mahalau nyama hamba-Muh, Daud, tatu hiang ikei: 'Buhen bangsa-bangsa beken marunca, tuntang uluh-uluh nampayah je sia-sia? ²⁶ Raja-raja dunia basia-siap, tuntang para panguasa hakumpul basama,malawan Tuhan tuntang malawan je jadi iurap-Ah.' Mzm. 2:1-2 ²⁷ Awi, sabujur ah hong kota tuh jadi hakumpul hayak akan malawan Yesus, Hamba-Muh je Kudus, je jadi iurap Muh, Herodes tuntang Pontius Pilatus, hayak dengan bangsa-bangsa beken, tuntang uluh-uluh Israel, ²⁸ akan manggawi narai bewei je awi lengem-Muh tuntang Rancana-Muh je jadi inentu sahelu ah akan tajadi. ²⁹ Dan wayah tuh, Tuhan, payah ancaman-ancaman ewen tuntang ingarunia hamba-hamba-Muh te akan mangabar auh Hatalla dengan kare kahanyi, ³⁰ sahindai Ikau maulur lenge-Muh akan mampakeleh tuntang tanda-tanda atawa kaajaiban-kaajaiban tajadi awi aran Hamba-Muh je Barasih, Yesus.'' ³¹ Dan, limbah ewen badoa, tagerek ih leka ewen hakumpul basama tuntang ewen uras inguntep dengan Roh Barasih, dan tarus mangabar auh Hatalla dengan bahanyi. (Pambelum Uluh Percaya) ³² Dan, kumpulan ewen ji percaya ije kaatei tuntang raga. Jatunti uluh ije pun ji bapander bahwa barang ayu iyete ayungkuh kabuat, tapi narai bewei te ayun ewen uras ah. ³³ Limbahte, dengan kuasa je hai para rasul manenga kesaksian ewen tentang pampisik Tuhan Yesus tuntang anugerah je hai tege hong ewen uras. ³⁴ Jatun uluh bewei je kakurangan melai hela ewen are awi uras uluh je tege tana atawa huma, manjual ah, tuntang mimbit hasil panjual ah, ³⁵ limbahte mandak ah hong pai para rasul, tuntang imbagi-imbagi ah akan masing-masing uluh sasuai dengan kaperlua. ³⁶ Kilau te kea Yusuf, uluh Lewi ,katurunan Siprus, je kia intehau awi para rasul, Barnabas je arti 'anak panghibur' , ³⁷ manjual tana je imilik tuntang mimbit duit ah, limbahte mandak ah hong pai para rasul.