10 ¹ Melay ije katika, hong Kaisarea, tege ije biti ara Kornelius, iyete Perwira je inyewut kia pasukan ayun Italia. ² Ie uluh je saleh tuntang mikeh into taharep Hatalla, kilau te kia dengan uluh je tege melay huma te, je rajin manenga sadakah akan uluh are tuntang tarus balaku doa into taharep Hatalla. ³ Hong ije kalemei, sekitar jam ka jalatiyen waktu hete, iye nanture melay tampayah, tege malekat Hatalla dumah halajur hamauh akae, "Kornelius"! ⁴ Lalu, ie nanture Malekat jite sambil mikeh tuntang bapander, "narai jituh, Tuan?" Dan, Malekat jite hamauh kia akae, "jituh doa-doa ayum dengan sadakah-sadakah je jadi mandai akan kilau pampingat into taharep Hatalla. ⁵ Toh, keleh ikau manyuhu uluh are akan Yope halajur tehau ije biti uluh je ara Simon, je inyewut kia Petrus, ⁶ ie melay dengan uluh je gawi tukang upak je arae Simon, humae te melay saran laut." ⁷ Pas malekat je hamauh jadi buhau, Kornelius mantehau due palayan ayu dengan ije biti prajurit je taat bara uluh are je tarus malayan kare keperluan ayu kabuat, ⁸ pas jadi terai manarang kare macam auh akan ewen, iye manyuhu ewen akan Yope. ⁹ Pas kajewu andau, metuh ewen nguan jalanan je jari tukep dengan kota jite, Petrus mandai kan hunjun huma, sekitar jam jahawen, akan balaku doa. ¹⁰ limbas te, iye mangkeme balau handak kuman, tapi pas kanjera uluh are je lagi nyadia panginan, Petrus mandinu tampayah, ¹¹ iye nampayah lagit tabuka, dengan tege talu je kilau kain hai tutu tuntang taulur bara epat macam arah bara hunjun sampai kan petak. ¹² Melay huang te are macam jenis metu je epat pai, metu-metu melay bumi, tuntang burung - burung te melay hunjun. ¹³ Limbas te, dumah suara akae hamauh, "Misik, Petrus, nyambalih tuntang kinan!" ¹⁴ Tapi te, Petrus hamauh, "Dya, Tuhan. Awi, aku dya puji kuman narai bewei, barang je papa tuntang dya tau kinan. ¹⁵ Dan, suara te hamauh hindai akae akan kadue kali, narai je jadi Hatalla pakeleh, ela ikau manyewut jite dya tau kinan." ¹⁶ Hal kilau te tajadi sampai telu kali, pas te kia narai je tege melay hete uras mandai akan langit. ¹⁷ Metuh te, kanjera Petrus je lagi bingung mamikir arti tampayah je iye ture te, tege uluh are je kana utus awi Kornelius lagi manggau kabar melay kueh luka humae Simon, sambil mendeng melay ban batunggang, ¹⁸ sambil iye mantehau, ewen misek en Simon je inyewut Petrus, bamalem melay kanih. ¹⁹ Metuh Petrus lagi marenung tampayah ayu te, Roh hamauh akae, "Payah te, tege telu biti hatue je lagi manggau ikau. ²⁰ Hingkat salajur muhun, tulak dengan ewen ela ikau gaer awi aku jadi mautus ewen." ²¹ Limbas te, Petrus muhun akan ewen te salajur hamauh, ture tuh aku je gau mu. Narai alasan pandumah mu ?" ²² Ewen hamauh, "Kornelius, uluh perwira, uluh je bujur tuntang mikeh into taharep Hatalla, je ingasene tau bara hila uras kakare bangsa Yahudi, jadi impaingat awi malekat akan manyuhu ikau dumah kan humae ayu uka halajur mahining auh pandermu." ²³ Petrus maimbit ewen tame halajur manenga uka melay hong hete. Hong andau je salanjutnya, iye misik tuntang tulak umba ewen, dan pire - pire biti pahari je ije iman bara Yope mangawal iye. ²⁴ Hong andau salanjutnya, ewen maname Kaisarea. Kornelius jadi manunggu ewen tuntang jadi mangumpul kare anak pahari atawa kakawalan je tukep dengae. ²⁵ Pas Petrus tame, Kornelius manyundau iye, halajur sujud into taharep pai Petrus halajur mayembah iye. ²⁶ Tapi, Petrus mandohop ie mendeng halajur hamauh, "Mendeng! aku baya baya kalunen kia."