¹ Ku mur pa'a tumu wa wu bah warta'a Baku ma shimai, do ningya yam gba'a ne mu ngwo'olo wun sa, ² Shi'ila ngyarngya nchimwun bah ngyana kwa'am i yi ku dum wu bah Makidoniya. Lo'ana wa ne wu bah bo'ala ngyarngya yirwun ma'ana wu bah bwana ya a bwata tumu. ³ Yiba tuma wu so'ongisu ne ngya kwa'asu i wun do ning biwai sa, chew ne wu basa yirwun ta'ara, bene bah lo'ana ne wo pa'a. ⁴ Na do nah sa, bwara na wara ta'am yo Makidoniya yo kuma wun. wu do baasa yirwun sa, nzoon ko bol su - do chiwa ne gima ku mur wun sa, chew bah ma'anchimam i mur wun ⁵ Yibah suna ne i bwangya ne mu tur wu mu'urusu ma yo bawun, ne a wa girshi ban i mur wu gir bah wu panakun wun ne wo pa'aha. A pa'ana nah ne i ning ne a basai ma ma'abuhu, do ne gir ma ra'asai sa. ⁶ Beh lo'o yini, bwara bah billa chige'e ko chen chige'e, ka bwara bah ne billa i mur ne i njila i kum ma'abuhu, ko chen ma'abuhu. ⁷ Wu ji'ingi ne wu bapina mbwang a pah gir bene bah i biwi nchimu, ke bene a ma'anai ne i pah gba'a sa. Baku njila bah ta'ata'a i bongnchimi. ⁸ Baku ku ngi ma'a nzo ne i bwan chew wun, chew ne, duhi-duhi, i ciri wu gir mbwang wu kum gir bah wu njila. Mani ningya ne wu ma'a shima tumu i bwan. ⁹ Bene bah a ngwa'ala, "Ga'awa murum yi pana wa wu bah sahya gir. Ngichewei ningna ma hueng." ¹⁰ Yi ba i pah belle yi bah belbelle ka fo'ofo chew billah, ho pah ka i ma'a ne beh belle i bwan wunu ne wu belle. Ho ma'a ne chew ngichewe i bwan. ¹¹ Wo kum murum i wu njere mbwang ne wu ning wu bah ta'ata'a, mani ho ma'a a bwat yi Baku kuta'a su. ¹² Pa'a tumu mani do mu pa'a wa wu bah warta'a Baku gir bah a njila na gbura sa, I mur ma'a tum bwat yi Baku i mur bwan. ¹³ Chew ba a ma'ana wun a ya'ana wun i mur beh tumu mani, wo pa'a kahkah yi Baku ku ta'a tata'a wun wu bapina mbwang. ¹⁴ A njila sun wun, a mur lo'o i Baku chew wun.A pa'a mani chew nzo Baku ma bwanai ku mur wun. ¹⁵ Bwata mashen bah Baku chew pah gir yi bah ghana she'ele bapina.