¹ Su njila ne wu she'ele, wu mu'urusu i mur beh nzo Baku bah a pana wa wu ba warta'a Baku ma Makidoniya. ² Ku ban ma nuhchiri, beh mor bungnchimu ka beh sahya ya ma bwana a pa'a wa murum ma ta'a-ta'a. ³ Mi ringya kun ya ne a panagir kahkah i ngyarngya ya, ka a pah ganna gir bah a ngina pah. I ciri yere nchimya. ⁴ A nira su, i nere mangichewe ne a pawa ban ne a benmur ya ku ciri tumu chew wu bapina ma Baku. ⁵ Gir mani do pa'ana bene ba su ma'ana nchimsu sa, kpah ma, I duwai a pana mur ya yi Baku, ka a pana wusu mur ya bene bah Baku njila. ⁶ Yiba su pana ngyarngya yi Titua bah i wo paka beh tumu ne i marsa beh tum nzo Baku i ciri wun. ⁷ Kpah ma wu ganna ma wun i wu gir mbwang. i pahngichwewe, i lo'o-lo'o, i she'ele, i ciri tumu i ngyarngya,ka i ciri njele wun i mur su chew mani wu pa'a ne wu gan ma wun i mur tum ta'ata'a. ⁸ Do panakunnu i mur lo'o mani sa, i ku beli lo'ana ne mu mah njere wun mangichewe ku ta'a ah beh njele wun mangichewe i ngyarngya nchim wu gamur bapina. ⁹ Chew bah wu shi'ila ne nzo ma Tarsu Yeso Kristi. yi bah wo ba murum, ningya ba sahya gir ku ta'a wun ne ku ta'a beh sahya gir yi wu ning wu ba murum. ¹⁰ I mur mani, mu lo'o wunu lo'o bah ko kum wun, ba'a bah bwa'ala sudo pak gir na ba wu paha sah, wu pa'a bene pa'a beh gir. ¹¹ Wu marshi bene bah wu wo pa'ana nbon pa'a beh gir, wu ngyarngya yirwun marsa. ¹² Wunu njila pa'a beh tumu mani, i ningya gir shima ka gir ya'a kpah. Gba'a i ning kahkah i gir bah bapina iyi do gir bah i do iyi sa. ¹³ Tumu mani do ne a dang wun ne wu gina bapina a kum so'o polyirya sa. i kun beli, a kum pa'a kahkah. ¹⁴ Chew ma ne a ne su gau kahkah, su kum yirsui pah gir imani ku yo murum su, chew ba a do iyi sa, chew ma duk mo'on ya kpanah au yo kumsu ku yo murum mabaya chew ba su doi iyi sa, ne su girshi wu gir. ¹⁵ Ina bene bah a ngwa'ala "Bwara bah i yi bwana a do wuha yi gima sa, bah i yi chige'e do sahai i gima sa." ¹⁶ Bwata ningya ma Baku bah ma'ana i nchim Titus bong sun wun bene bah mi iyi i nchimam chew wun. ¹⁷ Do wa'ana nere su nah sa, pa'a i ngichewe beh gir. I yere nchim yi bah yua'ana ba wun. ¹⁸ Su tuma ya, ai Songisu ban a mu lemi ku bo bah warta'a Baku chew tumui ma pahlo'o Baku. ¹⁹ Do nah gbura sa, Kpah ma beh wu ba warta'a Baku ya tarai ne i shen i su i ciri beh tum nzo mani mani chew ne a pahjeh yi Tarsu ka chew shima njelesu. ²⁰ Su mur bang ne bwara do kur wusu girbiwa i mur tum ta'ata'a bah sui yi mani sa. ²¹ Su njila pa'a girshima do kudum Tarsu nah sah, ku dum wu bapina kpah nah. ²² Su mur tum so'ongisu magina ai ya. Su mahnai i mur wu gir bwana, i ngyarngya yiri i mur beh wu tumu. I mur pah ngyarngyai bwana i mani chew beh yere ma bwana ba i yere i wun. ²³ I mur Titus yi mwan shene ka mwan tumu yam chew wun. I mur wu mu'urusu a tuma ya yo boh bah warta'a Baku. ya ningya kahkah i Kristi. ²⁴ Chew mani wu sah wa njele wun, ka wu sah wa wu bah warta'a Baku gir bah ma'ana su mur ngya kwa'asu i wun.