¹ Yuwa bawun ma mgba'a tarung yi mani, "Ai yer i lo'o ana kuma rengkun wu bapina baring ke tarung. ² Wo lo'a i wu bah girbiwa i mamuni, ka i wu gina bapina bah wo shina bawun ma baring yi, ka mur bassa lo'o, Na bassa yuana, mo ning i ya sa. ³ Mu mur lo'o wun mani chew bah wu mu pis rengkunu ke Kristi na mu lo'o yo kumam. yi do shiwa mashen ba wun sa,. I kun beli yi ba ganmuru i bah wun. ⁴ Chew bah a kpangyai ku gana ngo'oro ku ciri shew, kpah ma i nchimu ku ta'a ganmuru Baku. chew su kpah nah. ⁵ Wu mah murwun sunu ke wu ku ciri pahngichewe. Wu mah murwun wu do suna ne Yeso Kristi i ku ciri yirwun sa? Iku ciri yirwun, wassa ma a do yira i wun sa. ⁶ Mi i ma'anchimu ne wo kum ne a yira i su. ⁷ I mani su mur nere Baku ne wu do pa'a girbiwa sa. Do nira ne su pur bene su lihna beh mahmah sa, i kun beli mu mur nere ne wu pa'a gir ba i kahkah, suna pa'ana bene su kwana beh mah. ⁸ Chew so do ngi pa'a gima bah i be'ene ngichewe sa, so pa'a gir yi ngichewe. ⁹ Su mur bungnchimsu ne su na shiwa wun wui ngyarngya. su mur nere Baku ne a marsa pa'a wun. ¹⁰ Ngwa'ala wu gir mani bah mi do i ba wun sa, chew ne naku yo ba wun mu do ningwun ba ya'anga muru sa, Do njila ne mu pa'a tumu i ganmuru bah Tarsu panam mu ya'ara wun sa, njila mu ba'awun i yi. ¹¹ I marsai, wu mu'uram, i bongnchimwun, wu pa'a tumu chew piwi. wu kum ngyarngya wu yer i yirwun. Wu ningshima. Baku ma njele ka ningshima go ning i wun. ¹² Wu za'ara yirwun i nuhkunu mashimai ¹³ Wu bah warta'aa Baku mbwang a mur za'ara wun. ¹⁴ Beh nzo ma Tarsu Yeso Kristi, Ka njele ma Baku, ka kammuru ma shima mpilar a ning i wun bwang.