¹ V 1 Njila ne wu dang nchimwun i mi ho ciri, mgbutuk yam. Shi'ila ne wu mur dangnchimwun i mi. ² Chew bah mu mur pa'a puk i ta'a wun. puk mam mbom ma Baku chew wun. Yo bah kurrah buhu i wun ta'a rem milim mo'on. ³ I mur pam ji'iri i wun, wo ngi ning ne bene bah yo'o lira Hauwa'u i nzor yi, nchimwun ko pi'iri yo bana pahmuruwun mangichewe yi Kristi. ⁴ Bene bwara na ma'anakun i mur Yeso maginai do bah su pahnalo'o i muri sa, ke wuna ya'ana mpilar maginai, do bah su ya'anai sa, ke wu ya'ana lo'o Baku maginai do bah su ya'ana sa. Yere wun wa wu gir mani a jina! ⁵ Mu mur sun ne, mi do i nzum i boh bah a mu tu'ulu ya ne wu munatumu ma mo'arai. ⁶ A na do ruma mi i pahlo'o sa, Do saya she'ele she'ele sa, i wu njere mbwang ka i mur wu gir bwang su ruma wun i ya. ⁷ Pa'ana girbiwa bah bunamuram ne wun a kahkah wun? chew bah pa'ana wunu pahlo'o Baku gburai. ⁸ Ra'asa wa wu gina wu ba warta'a Baku ka'ala ya bah a pana chew ne mu pa'a wunu tumu. ⁹ I ban bah woi ba wun ka kuma muram i ciri njelgir, do kura wunu beh lu'ura ka'ala sa, chew bah wu mu'uram ba a yuana yo Makidoniya a pana yam wu gir bah njila. I ciri wu gir mbwang ma'ana muram ne mu do ning wunu lu'ura ka'ala sa, mo ningyi pa'a nah. ¹⁰ Bene bah ngichewe Kristi i bwam. beh ngya kwa'am ko do ning kiring ku ram ma Akaya. ¹¹ Chew man? chew bah do njila wun sa? Baku shi'ila. ¹² Gir bah mu mur pa'a, mo ningyi pi'i. Mo pa'a ne mu yerkun wu bah a mur pe'e njere bene su i mur wu gir bah a mu ngya kwa'a ya iyi. ¹³ Wu bapina belya ya wu munatumu ma lo'olilim ka wu bah tumlere. A mur pi'iri murya bene wu munatumu Kristi. ¹⁴ Do ningna gir fah kunu sa, bah girbiwa i ngi ma pi'iri muri bene yi shima muntumu Baku. ¹⁵ Do ningna mor gir fah kunnu sa, ne wu korom yi ai pi'iri murya ne a tolya bene ya wu korom mangichewe. ¹⁶ Mu mur chew kpah ne, bwara do sunam ne mi mgbutuk sa, wuna suna nah, i wu twalam ne mi mgbutuk ne mu ngya kwa'am chige'e. ¹⁷ Gir bah mu mur chew i ma'anchimu ma ngya ku'u mu do mur lo'o bene bah Tarsu ka ho lo'o sa, kpah ma mu mur lo'o bene mi mgbutuk. ¹⁸ Chew bah wu bapina bwana a mur ngya ku'u i yiru, mi mo ngya kwa'am kpanah. ¹⁹ I mur bongnchimwun bah wu kama murwun i wu mgbutuk. Wo bah nzor! ²⁰ Wu mu dangnchimwun i bwara bah ma'ana wun wu ningna wu korom, na pi'ira wun, i mur pa'a tumu i wun ne i kum gir yi ka'amuri, na twala muri ne i ganna wun, ke i ngyaha wun i mish wun. ²¹ Mu chew ne nzoon bwala su bah su sahya ngyarngya nchimu ma pa'a na. I mani mbwang bwara na ho ngya kwa'am kpanah. ²² Wu bah Yahuda? mi na kpanah. Ya wu ka'a Ibrahim ? mi na kpah nah. ²³ Ya wu korom Kristi? (mu mur lo'o bene do shi'ila gima sa.) mi ganna ya. Gana ya, i pa'a tumu, i bor nengye ganna mbwang i ya'a ngya gbe'e, i sun gir ma'awuh bwana. ²⁴ Mgba'a tongnung ya'a ngya "Lum yinung param mo'on" i buhu wu ba Yahuda. ²⁵ Mgba'a tarung ya'a ngya i wu garrah, mgba'a mo'on a bu'uha mi i tah. mgba'a tarung kwa'aha i ngoro sau mu'uru sallah. ²⁶ Shina shene ku ciri gir ma'a ngoro ma mu'uru, ho gir ma'a ngo mo ba'a njiwi, bwa'ara ngo i buk wu bapinam, bwa'ara ngo ho buk wu gamur bapina bwa'ara ngo i ciri ram, i ciri ma'a ngo ma to'o, ciri ma'a ngo ma salla, ciri ma'a ngo ma wu songiu ma lere. ²⁷ Kuma muram i ciri tumu bah lina misam ha ciri duhu bwana ma param tolong, ku ciri nzalla ka was mu'uru, ku ciri param lih i nuh bwana, ku ciri pollo ka mgbelle. ²⁸ Ku nzum wu mani mbwang, mor tumu ma raman duhi duhi yi re'eshe'am ku mur wu bah warta'a Baku bwang. ²⁹ Yini wuhna gan, bah do wuhna gan ku muri sa? Yeni ba a ma'a ngyana mgbu'i bah do twana mi sa, ³⁰ Na ho ngya kwa'am. mo ngya i gir ba ho rum ne shiwa. ³¹ Baku yi Tar Tarsu Yeso, ba jina a lemmi ma hueng, i shi'ila ne mu do mur lo'olilim sa.' ³² Ku Damasku, bah nzah i tah gom Aritas ma'ana a nigna lel ram Damasku ne a bwalam, ³³ Kpah ma, a ma'ana mi hu bum ka'a kosso a pura i mi yo puktuna giri, nga tah pura ku buhi.