1
V 1 Mi Bulus i ka'amuram, mu mur nere wun ku mur bunmuru ka shima shene ma Kristi. Mi i bunmuru ku dum wun, kpah ma mi i ma'anchimu ku murwun na do i bah wun sa,
2
Mu mur nere wun, njila bunmuram. do njila mu ning bah tohmuram sa, Kpah ma njila ngya kwa'am na mu pa'a duwa i wu bah mur sun ne sumu shen i cii yiru.
3
Su shi'ila ne sumu shenshene i yru, su do mur lwabura ma ngayam i shila sa.
4
Chew bah ka'ala lwabura bah sumu bgol i ya do ma yiru sa, i kun beli, ya ka'ala lwabura ma Baku bah ai gamuru ma she'ele wu ganmuru ma bagirbiwa ka a biwi wu lihnan ma lere.
5
Su mur she'ele, wu gir bah a mur pa'a duwa i she'ele Baku su mur bol wu re'eshe re'eshe ne a wo'okun Kristi.
6
Su mur girshi yirsu ta'ara ne su pahchiri wa wu tumu ma sangkunu, imani bah wo'okunu wun na malla.
7
Wu sun gir bah pura i dumwun. Bwara na yira ne yi ma Kristi, I re'esh yi ka'amuri ne, bene bah yi ma Kristi. Su, suna kpana
8
Na ho ngya kwa'am i gamuru bah Tarsu pana wusu ne su girshi wun do'o ne su biwi wun sa.mo do pa'a nzoon sa.
9
Do njila ne i ning bene mu mur pah wunu ji'iri i wu mpuknsheme sa.
10
Chew bah wu gina bapina a ne "Wu mpuknshemei ai ji'iri ka i ganmuru, yi girri yi bah kollong?
11
Wu bapina bilya she'ele ne wu gir bah su ngwa'ala i mpuknsheme su bah su do ha sa, so pa'a ya, suna ha banai ya sah kpah ma a na mur mah yirya ne a mah yirya sunu, a doi she'ele sa.
12
Su do shina gulban sa kama mursu sa ke su mah yirsu i wu bah a mur lem ka'amurya. Kpah ma a na mahna ka'amurya mo'on mo'on i yirya a doi i gir bah a sunu sa.
13
Su, so do ngya kwa'asu ganna sa, I kun bili, so pa'a kahkah bene bah Baku ma'ana su ne su pa'a kahkah bah ho ji ba wun.
14
Su do bo'olo ganna sa suna jiya ba wun. Sui ma mo'on bah su jina ba wun i pahlo'o Kristi.
15
Su do ngyana kwa'a su ganna i murtumu wu bwara sa. I kun bili, ma'anchimsu yini bene bah pahngichewe i mu bwan, tumu su i ba wun i bwan kpah nah.
16
Su mur ma'anchimsu i mur nah, chew ne so pahlo'o i wu ram bah ai duwa i ma wun
17
"I ning ne bah na ngya ku'i i pa'a i Tarsu"
18
Chew do bwara bah ringya kuni giri yi bah ai yer iyi sa. I kun mani, bwara bah Tarsu na rignya kuni yi ba a yer iyi,