1
Ukpẹ le ke ra lẹ, a gbo mie sẹ li khau, e sẹ mọ e emia e le lọ e, Jesu ke echi odibo si ọn ọ re gwe mie i ẹn.
2
I ke mọ itwegbe rẹ ji ọ le sẹ, erẹ khian me re khia ukpẹdẹ ekha, e mọ mina sọ sọ le lọ e.
3
Ikha ji ẹn yi gwe e ke se emia e, e lo mati di khume ukpodẹ, eye so si en e ke za ebọ re vare.
4
O dibo ke nyanyọ, ebi mia lo za mi osweko lo bu ẹkẹ ọle wo na, o lo ke sẹ ni eya gbe-gbe.
5
Ọ mie ẹn, "osweko e ka li wa mọ?" eyọ "ikhiyọn."
6
Ọ gwe miọ lesẹ, wa ja otọ lọ ba, ọ mei ele sweko ikhiyọn, ọ rọkha, ọ ke re khojien. Ọ ri en ni i dibo sọ la ke rẹ ni ẹn, e ke da ni ẹn.
7
E ke gbo mọi e ẹkhe li kere, e bo ke kpẹ mo Ọghẹna ni ẹ, o gwe mie e dibo le ke ne ya gbe-gbe lẹse.
8
Eke e, khọn, e khwa ele kọ re, e kpe vi igede ikhiyọn
9
Ele ya e ke si ekpa ikhien, o re gi ẹ shọ re.
10
O bo bua in, o wẹkẹ okọ bi odibo sọ e ke rẹ yi ewo si iDalmanutha.
11
E ya si iSieravbore e ji a re, e rẹ bẹ ikhia ru rẹ jọi, e kho arẹmie re vare ukhumeimi, la re da mo ghọ
12
Ọ fati gbo otọ nẹse-nẹse eke eti sọ ọ ke gwere "E me ze agbon ni ma ke e na, kho ọ re mie." e kha mi arẹmiẹ.
13
O zi ẹn obọ, ogbo owẹkẹ oko o rẹ ye obọ fio nọ.
14
Adibo sọ eke ye re le re da osweko gwe i ẹn, e ke mọ osweko gbe ria osweko okp lọ ria okọ.
15
O gwe mie ẹn, wa ra ghao, wo re kho khwe egbe wa, re gi iyeasti si isieravbore bi iyeasti si iHerọdi.
16
Ele dibo ke ra gweta re ji gbe ẹn, bai moi ma mọ e osweko.
17
Jesu ke en e me gwe, o kpe gwemioe i ẹn e bo shai wa ke re yo wa mọ osweko, wa gbe ẹn ọ gbe unwa o kwere? udu sa wa ọ ke bia.
18
Wa mọaou, u ze ghu je, u moi ekho, u ma ke khoi u sẹ ye re.
19
E bi re khoji i osweko ikhien a eke eya si okpa ikhien, o gede kha le ke vọ no osweko li wa-wa mie, enyanyọ igbe va.
20
Ebi re khaji osweko, re gi gboro ele, oyede ekh li wa mei; osweko, e rẹ nyanyọ ikhivẹn.
21
O gwere, o nwu wa okwere.
22
E ke va re iSeth Sadai, e le ra in re oya lo ze ghu je jọ, e dwa bọ nai Jesu lo ro bọ soi.
23
Ọ wọ lo mọkhe lo ze ghu je obọ o rio shọ lẹ wo re, e bo ke twe se yọ awo sọ bi o ro obọ sọ yọ awo sọ, ọ mia ọ? u ke mie mina sọso
24
O gho ukhumi, ọ gwere " Imei agbon e ẹn bi oran le khian.
25
O gbo ro bọi sọ swi aou so, aou so tinye o mie mina gbe-gbe nẹse-nẹse.
26
Jesu ke zọ o bọ lọ za yi gwe, o gwe miọ e sẹ o wẹkẹ le wo.
27
Jesu bi odibo sọ e ke re khian ẹkẹ ewo le ria Kaesarea iFilipi. Eba khian ọ lukpodẹ, o mia odibo sọi, eme ya ke gwe i khu.
28
E ke nyanyọ, iJọni li samẹ ewe yo, iElijah eya we, yo, ajukọ sọ Ọghẹna.
29
O gbo moia i en, ama e mie wẹ yọ i khu? iPitar, ke rẹ nyanyẹ, iKristi lu khu.
30
Jesu ke rẹ gwemiẹn, le sẹ gwe mio ya sọso.
31
O ke wiẹ i en, inyọ mọ si mokhe, erọ lo mieshọn si emina le bu, ama okpesan, bi ije ebọreen, bi eli iscribes, bi e ra lọ gbọi ama, uoke eha kha gbera lẹ ọ lọ shure.
32
O gwon na nẹse-nẹse. iPitar ke rọ yo fọ okpa, o ke re gbọ le mọ fia.
33
Jesu Kristi delọ o re gho odibo sọ, o re ya iPitar khian re o we le sun, u ru du sẹ yọ emọ so Ọghẹna, gbere emo si eya la be.
34
O re ke echi ọ le sẹ bi adi bo sọ le kokore, o rẹ inyẹ, ọsọsọ kha kho lo rẹ khien mẹ, ọ lọ ke khei gbọ, o da ogbago sọ, o lo ke ma ti rẹkhia me.
35
Oya lọ ke sumie agbọn sọ, e rọ lọ wa ọ ya, ama ọya lọ ke wa agbọn sọ ba mọ mẹ bi avbe-avbe, e rọ lọ sumọ.
36
E mọ ke ki rẹ jọ oya, okha miọ la gbọn gbe-gbe, ama ọ lo ọn ke wa gbọn so ya.
37
E mọ ya lọ mati rẹ-rẹ ni fime si agbọn sọ.
38
O ya lọ ke le ẹkhọ ba mọ mẹ bi emọ mẹ ẹkẹ olagbọna si oghe bi ese ovbiọya lo gbo mie ẹkhọ rẹ jọ ọ kha vare eke ọkha si erama bi ajukọ.