1
E ke khian o fọ nọi sọ lọ eda vare, e ke khian jẹ wọ si igerasenesi.
2
E bi iJesu ke rẹ khe ẹkẹ o kẹ da re, o bo buai e, o ya ke vare ọ gaze ẹkẹ idire, omọkhe lo ke moi eti lo khia.
3
Ẹkẹ idi lọ jah, oya sọ so ye wo lo rlo ke mati wọn mọi e, a mati re ifi wọn.
4
A ke re ifi wọn ji eghẹ-eghẹ le ke bu, ọ ke fan li ifi khau, o yo so so ke moi eti rẹ wọn ji.
5
A sọ bi ebia, ẹkẹ o le idi bi ukhumi kiki, o ke vie jare bo o ro do loi nywu yehie gboi.
6
E bọi ke re mi iJesu Kirisi re khia ebọ re o ke la bu ọ, ọ rẹ de ukhumi rẹ nai.
7
O ke vie jare rẹ khian uru li khau, e mi lọ ke re ekhien, iJesu, inyo mọ sọ Ọghẹna? i ke dwa bọ nai reji Ọghẹna le gbọi, e se mei mẹ ẹshọn.
8
E ọ ke gvbere rẹ joi, ji a re ẹkẹ egbe sọ iọ mọhi na vbẹ-vbẹ eti lọ bei.
9
Ọ ke mie ọ, e mi ke kheni sẹ? o ke nyanyọ e ni mẹ ọ bu ọ, ba moi ma bu.
10
Ọ ke dwa bọ nai ọze ra bi ọze ra, lọ sẹ vbi en khien i re.
11
Nyẹnyẹ isi le ke bu e ekhemaie ọ no lo kọ.
12
E ke dwa bọ nai, khu mai jẹ ẹkẹ isi, zi ma wẹ ke i en.
13
Ọ ke zi en o bọ, ọ le ti lọ khia ke ji a re ọ ke vẹ ke e li isi, e ke za la ukhumo ko la va de otọ, e lọ o wẹ ke eda isi le ke si gbọ i gbe e ke wọ ẹkẹ eda.
14
Nyẹne ele ke za remia ni isi e, e la lọ akhọ, bi e ke ọ gvbere e ma mie ẹkẹ o le wo bi ewo lo she kian e en, e le ya ke jia re le re ọ khume ma mie go.
15
E ke vare ọ ghi iJesu ze, bi eke mi ọmọhe lọ mọi e lọ khia, ọ lọ ke kpa o moi eti lọ khia ja in, ọ kvbi uku, ọ ke ria eghwan sọ, ofẹ ke re wi en.
16
E le ke mie e ma mie rẹ ji, omọhi lo moi eti lọ khia, o ke gwi ema ke miẹ ọ le mọ a ke gbe gwe mie i en emo, se li isi.
17
E ke dwa bọ nai lọ shei ọ lẹ wo re.
18
E bọ ke re wẹkẹ okẹ eda, ọmọkhen lọ mọ eti lọ khai dwa bo lọ za rẹ khien i on.
19
Ama e iJesu o ke sẹ re khe nai, ama ọ gvbe miọ ra khia egwe se, ọ ge bo ẹ ze gvbe mie en, e me Ọghẹna ke u nai, e bọ ke rẹ ibolẹkẹ.
20
Ọ ke shai e re, inyọ ko gwere emina lẹse li iJesu Kristi ke wu nai ẹkẹ iDekapolis, bi eyo gbe-gbe za ghon-ghon bi e nyunu a.
21
Nyẹnẹ ebi iJesu ke rẹ faralẹ o fiọ nọ, eke o ke da, esẹ sa gbọn ke fi gha o, e bo ke re ra asefẹ so le da.
22
Ọ tọ kpa lọ ke re en khien eba za ro kha ni iJesu, la e che iJarius, ọ ke vare, e bọi mọi, o dere a gwe sọi.
23
O ke gbe dwa bọ nai vare, ọ ro bọ so ọ lọ mọ iwegbe dan bi oreghe.
24
Ọ ke rekhia ọn, esẹ sa gbọn re khia ọ bi e ke shi kha ọ.
25
Ọ kposo lọ mie ro re khia ukpe igbeva kee miọ
26
O ke mie sho rẹ khia ele kwẹ agbọn bi oke ya emin a lo mọ e gbe-gbe, lọ rẹ ke khume ọ khọ owọ.
27
E bo ke rre khi emọ si iJesu, ọ ke vare u wokho sọ eke ọ le sẹ, ọ re ro bọ swi uku sọ.
28
Ọ ke rẹ yọ, i kha ke mati ro bọ swi uku sọ, i lo ke mi iwegbe dan.
29
E bọ ke re ro bọ swọ, ọ le ro muzai o khọ ẹkẹ gbe sọ, yọ ọ vbi ọ egbe dan, re khian ẹkẹ imiame sọ
30
iJesu ejẹje ọ en eti shiọ gbe re o ke delọ jo le sẹ o re yọ, ọ ọ ro bọ so mẹ ukhu.
31
E le rekhie ọ khia ke gvbemiọ, u mọi le sẹ shi wẹ, u kpẹ yọ ọ ọ ro bọ swẹ.
32
iJesu ke khọ lọ rẹ mie o lọ ke wọi.
33
Ọ lọ kposo ke ẹ ema mie re jọ, o fẹ ke woi bi ọ re ge se gbe, o ke dere, o re ke gwe ọ la ta sọ lẹ mọ mie o.
34
iJesu re gvbemọi, omọkhi, imoaou se lọ ke mẹi fan, za khia ẹkẹ ofure, bi lu mọi vbegbedan ẹkẹ emiamese.
35
Ebọ ke re gvbere, eya le ra agbọn shian vare, e ba ze khwe mọ Ọghẹna, e yo, owie lọ mọkhi ọ u, e bọ sha lu ke rẹ khwakhui e iJesu.
36
Ama, ebi iJesu Kristi ke rẹ khọn, e me gvbere, ọ re ke gvbemie ọ lọ ra gbọn khia, anazagha, e ke lofẹ mọi aruduọ
37
Oke se yamai lọ yah sọ so re khien ọ iPitar, iJamisi, bi iJọni dokpai, lo wo mie si iJemisi.
38
E ke dọ li gwe re. Igwe sọ oyah lo ra gbọn khian ẹkẹ igwe sọ Ọghẹna, o ke ze gwe ya le ke kpokeke, e ke ra viẹ ji a re.
39
Ebọ ke rẹ o ẹkẹ li gwe, o ke re gwe mi ẹn, e me zẹ wa ke rẹ biokhian bi wa viẹ, o inyọ mọ ọ sẹ khu e rọ mẹhẹn.
40
E ke za jọ o khwo i ẹn yọ ungwẹdẹ, o ke rwi era lọ mọkhi bi inyọ re khi e le rẹ khia on, o ke wekẹ ebe ọ lu nyọ mọ e.
41
O ro bọ sọ lu nyọ mọ, o rẹ yọ " Talitha Kumi ona ke gvbere "Inyo mo li kere, i gwbemie damuza.
42
Ọ bo bu a ni ọ li nyo mo da mu za, o ke khian (igbe va ọ ke u), o bo bua i e mie ọnyu nu a e re ke ghonghon.
43
Ọ ke igwe me e wa se gwe miọ ya sọ so o gwe miẹ i ẹ wo re emaie nai e.